بقي يوم واحد ادعولي انصحوني لعلي اغير رايي

general major · 2012-09-13, 14:24

بقي يوم واحد
ادعولي
انصحوني
لعلي اغير رايي
مع العلم عندي امر التحاق15سبتمبر . واعمل طبيب

الربيع الزاحف · 2012-09-13, 14:38

يا اخي شوف معا روحك انا والله مانروح ماديرش علييا لاخاترش كل واحد و حالتو انا نعمل ادماج مهني و الله مانروح

الربيع الزاحف · 2012-09-13, 14:50

كي يعقبوها ولا دهم و لولاد خياتهم و خاوتهم لتم نروح لاكن هوما راقدين و يسرقو في البلاد و كي تلحق يدفعو عليها يبعثو الزاوالي اناوالله والله والله والله العظيم انني لن اذهب مهما كلف الثمن و يصرا لي يصرا

fcb89 · 2012-09-13, 15:06

اقتباس:

المشاركة الأصلية كتبت بواسطة general major

بقي يوم واحد
ادعولي
انصحوني
لعلي اغير رايي
مع العلم عندي امر التحاق15سبتمبر . واعمل طبيب

السلام عليكم وربي يوفقك لما فيه خير

اخي الكريم واش من رتبة دارولك ط.ض.ا ام جندي ام ماذا ..

اعلم اخي انه اذا ما رحتش هاذ المرة راح تولي عاصي و روشارشي بعد 6 اشهر

اذا تقدر دير ملف كفالة او ملف طبي و ديه معاك اذا رحت طبعا

صراحة انا ما نقدرش ننصحك تروح و لا ما تروحش لان القرار بيدك و انا خبرتك

واش يصرى برك اذا ما رحتش

النصيحة الوحيدة التي انصحك بها اخي ان تستخير الله في هذا الامر و الله ولي

التوفيق

ala_mobile · 2012-09-13, 15:27

يا اخي دير قرار وما تبقاش متردد هكا ودير حسابك لنتيجة قرارك هكا باش تهني روحك و ما تخممش بزاف راك تزيد على روحك برك ونصيحة من عندي استخير الله وانشاء فيها خير

moham630 · 2012-09-13, 15:51

راك جنرال ماجور ما تخافش ربي معاك

ياسين ياسين · 2012-09-13, 15:55

يا اخي النصيحة بتعمل بيها انت بما انك طبيب كيما راك تقول ان نظن بلي تروح تعقبها بقدرك خير لك اما باه تقعد تستنى الروفورم بعد ماتدخل مرحلة الروشارش ماتعرف روحك من اي مكان يهزوك وتعقبها عاصي

mehrizineddine · 2012-09-13, 16:51

السلام عليكم اخي العزيزهذا القرار قرارك...انا كيما انت رحت عقبتو وجيت والحمدلله المهم نحيت حاجة على روحي والله تستراح خير من تقعد هكذا......لي يكون قاري يعديه رايح..........ننصحك صحبي....اتكل على ربي وصلي الاستخارة.....ربي يوفق

Hamdi Capello · 2012-09-13, 17:03

يا خويا إستخر الله و صلي و أدعو ربك فإن رأى فيها لك خير وصلاح ستنطلق و إن رأى لك فيها مضرة فسيثنيك
و الله المستعان

ندرومة49 · 2012-09-13, 17:10

إذا خدام ..والاستدعاء 1 أو 2 زيد وخرها

واذا بطال واستدعاء3 الأخير ...غير روح

قبل ما تروح أكثر من الإستخارة

wadoo89 · 2012-09-13, 17:13

مكالاه تروح حبيبي اقعد مع خدمتك بالاك ربي يوفقك مع هذي الندبة وتسلك منها وإذا حبيت تدي راينا غير مكالاه تسخسيس الشباب قاع يقولك مكالاه تروح صلي استخارة أو شوف قلبك ولا اطمئن ولالالا

moug med · 2012-09-13, 17:38

اقتباس:

المشاركة الأصلية كتبت بواسطة general major

بقي يوم واحد
ادعولي
انصحوني
لعلي اغير رايي
مع العلم عندي امر التحاق15سبتمبر . واعمل طبيب

bon courage et bon chance

Buffalo · 2012-09-13, 17:43

1 صلاة الاستخارة خويا ،

و كيما قالو الاخوة ، ادا الاستدعاء الثالث غير روح , و ما تلعبش بروحك ، تاني يديروك عاصي و تجوزهم جندي ، تعشي القاريطة تاكل فيه.

ربي معاك خويا ، و رانا كامل كيما نتا

housam28 · 2012-09-13, 17:44

Bon chance

النجم السطايفي · 2012-09-13, 17:47

ة علاه راكم تقولو هكا يا الخاوة انا رايح نفوتها
بصح ما فهمتش علاه راكم مكبرينها ادا صح ماهيش مليحة و فيها حوايج ما همش ملاح غير قولولي الله يستركم
انا ليسانس اعلام و التوجية ثكنة الاغواط