فى خصوص لعجوز والكنة

ام ريحانة · 2012-09-09, 13:50

الى جميع الا عضاء خاصة المشرفة لحطت اللوم على العروس فى وقتنا هدا الناس تعامل لمليح بالمليح ولقبيح بلقبيح لعروسة تجى من دار باباها وهى كلورقة البيضاء وتجيب لعائلة الزوج هدايا دليل نيتها الصافية وتلقى لعجوز وبناتها يتغامزو عليها ويحتقروها والراجل يدير روحو ماشافش ونهار على النهار القلب يكحال وتجى اليوم الى تتكلم فيه لروسة وتحول ترجع قيمتها وانا بالزوج العضيم يعرى على ذرعية ويضربها بدون قلب ولا رحمة ويقوللها ادا معجبكش الحال دار بباك بصح راهو كاين ربى وححط يزوج فى بالك بلى السكون عن الحق شيطان اخرص

biti · 2012-09-09, 16:19

الله يهدينا الناس متخافش ربي

~~knives55~~ · 2012-09-09, 17:27

هذ المشكل عندوا حل وحيد الزوج وزوجة في منزل مستقل

السبب هو الغيرة يعني ام و أخوات يغاروا يكي يشوف خوهم أو بنها يحب مرأة أكثر منهم وركم عرفين الغيرة تاع المرأة واش دير

وربي يهديهم هذ سبب تغلف الجزائر وهو أسرة الهشة

وشكرا

soso sirin · 2012-09-09, 18:36

شوفي يا اختي ربي يكون معاك ان شاء الله و ربي يفرج عليك و يهدي راجلك و ماليه.الله غالب انتي طحتي في عايلة ماشي نيشان على هكا راكي تهدري الشي الي راكي عايشاتو مي يا اختي كون تشوفي شي حالات والله العظيم الا حالتهم تبكي الحجر تتخيلي الكنة تدخل للدار تقول باغية تشعل النار برك و مادخل ني الغيرة ني مشاكل النسا تقول عليها جهنمة و العايلة تساعف غير في وجه وليدهم برك و هي ماتقيم حتا واحد حالة كيما هاذي انتي واش ديريلها.والله الدنيا هاذي ماتعرفيها كيفاه راهي تتمشى مرات تلقاي الكنة مليحة و مالين الراجل تقول يا لطيف و مرات تلقاي العكس .مي كل حاجة عندهها حكمة و رايحين نعرفوها ان شاء الله انتي شدي في ربي و هو رايح يفرج عليك ان شاء الله

meriem hanin · 2012-09-09, 18:43

ربي يفرج هم كل مهموم و صراحة انا شفت قصص كثيييير كيما القصة الي حكيتيها و كاين حكايات اخرين العكس تماما
ربي يهدينا اجمعين و يصلح حالنا يااااااارب

شموخ امرأة · 2012-09-10, 10:52

ربي يهدي الجميع و يكون معاك انا نقولك حاول تكسبي راجلك وخليك منهم يجي نهار لتفركتو صابر ينال وحتى حاج ما تضيع عند ربي

yasmina31 · 2012-09-13, 22:39

ربي يفرج عليك أختي و يهنيك ان شاء الله

منهاج · 2012-09-14, 20:57

السلام عليكم

الاية انقلبت كانت بكري العجوز تحكم وتتحكم والراجل يضرب كلشي راه العكس العروس راها جي حالفة على دار

الراجل من البدية وعن تجربة ختي دروك المرا راها ليها الحرية الكاملة كلشي بين يديها وتزيد مشي عاجبها الحال

وتزيد تدخل بين الراجل والعائلة تاعهم ودير المشاكل وتبقى تتفرج الله يهدينا بنات دروك واعرات

محاربة الصحراء 19 · 2012-09-15, 11:46

بالنسبة ليا انا هاذا نعتابرو ابتلاء ونتي وش عندك فيهم متعانديهم عندك شمبرة جي فيها واقعدي
وكيما تقول الاية بسم الله الرحمان الرحيم
وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ
أَحْسَنُ فَإِذَا الَّذِي بَيْنَـــكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ

amina2688 · 2012-09-15, 13:53

السلام عليكم ورحمة الله وبركاته

يمكن موقفك هذا _اختي صاحبة الموضوع_ناتج عن تجربة شخصية وجرح مازال ينزف ...

ولكن اقول لك لا تعممي*المراة تجي ورقة بيضاء وتحب هل الزوج*فهذه الفيئة لا اقول ليست موجودة

ولكنها قلة قليلة جدا،وانا هنا لا اقول ان اهل الزوج ملائكة فالناس اجناس على كل حال..........

ومهما كان اهل الزوج اشرار_ولااظن هذا_فمن العيب كل العيب ان تسيء الزوجة لهم،مهما صار

وكوني واثقة مهما كان فان الام وحتى اخوات الزوج لن يكرهوا كنتهم وهذا نتيجة حتمية لخبهم لابنهم

*وعندي ادلة قاطعة*بينما الكنة فاتقد انها في اغلب الاحيان لها ما يكفي لتكرههم.........ومن تتكلم في اهل زوجها

حتى مع زوجها فهي اهانة له هو شخصية ،ودليل انها لا تحبه بل ولا تقدره ولا تحترمه.............وانا اقول هذا من موقف محايد

فقد اكون اخت،وقد اكون ام ،وقد اكون كنة.............

ان الله هو الحق وهو العدل.......ولن يقبل بالظلم وسياتي يوم ويندم الطرف الظالم اين كان باذن الله

كاميلا · 2012-09-17, 17:02

نقولك اختي اتسامحي وزيدي في ما يخص الحماة والحما غير ذلك جامي تعقبيها جاي وفهميها لراجلك مليح لكن في حالتك هاذي حاولي بشوية تصلحي الامور وتفهميه وتخليهم يطيحو هوما في الفخ اللي ينصبولك فيه

الحطاب سهام · 2012-09-18, 16:52

وعلاه قاع كيما هكا اذا راكي تحبي راجلك اعفسي على قالبك على جالو ديري عجوزتك كي الوالدة نتاعك وديري حماتاتاك كي خواتاتك
اذا غلطوا معاك اعملي نفسك ماشفتي وماسمعتي هي في الاول التعايش يكون صعيب بين الزوجة الجديدة واهل الدار ولكن نقولك اذا حبيتي تكسبيهم يلا وري شطارتك في الكوزينة وفي قضيان البيت اعملي وكانك وحدك في الدار ما تعسي لا عجوزتك لا حماتاتك يقولك السامط يغلب لقبيح اغلبيهم بصبرك وابتسامتك وصدقيني بشويا بشويا رايحا تكسبيهم وتولي انت ساس الدار استحملي على خاطر هذاك المغبون
حتى الوحدا في دارهم وتعيط عليها والدتها
ايا اختي كي تقري كلامي هذا ديري طابليتك وروحي ديريلهم غداء او عشاء الله الله وماتخافيش انت ماجورة وربي عمروا ما يضيع صبرك فقط ماتكرهيش للراجل حياته بالشكاوي ويندم انو تزوجك بالعكسكوني الحضن الي يرتاح فيه بعد يوم كامل من التعب خارج البيت
وصدقيني المكر يولي على صحابه

hoda82 · 2012-09-22, 09:39

تاخذي رايي لوحيهم في الثقيل من كلمة صباح الخير ولا مساء الخير ماتزيديش معاهم وراجلك قومي بيه.كيما قاتلك الاخت سهام حطاب كنت كما قالت بصح وليت شيفونة نقضي ونطيب ونغسل ومانيش ناس ملاح وسلفتي هي ناس ملاح ما تقعدش معاهم ساعة كاملة خلاص دير وش يقولها راسها قاعدين هايبين منها.بصراحة لا عرفو عقليتك يعفسوك.

ryma la cool · 2012-09-23, 11:34

nkolkk haja laazoujjj maa bnathaa labess anhaa besah maa martt libenn twili sgira ntaa sahh la lebstt tgirr wala kharjett tgirrr w la klett tgitt wala redett tgirrrrrrrrrrrrr aalehh

ryma la cool · 2012-09-23, 11:37

manishh arfa aalehh ana shayfa aazayzz ki twali mart libenn tetwaham maskina lakenn rayhett twili tahkilha hna kounaw hna dernaa w lakenn benthaa twali tbarberr fihaa nkolkk hasbiya allahh w naama lwakilllll lwahdd galbo maamarrr