الكارانتيكا الحامي الكرنتيتا....كيما اللي تتباع

[زرابة]

السلام عليكم جميعا هادي كارانتيكا درتها ليوم وخرجت روعة
ساهلة ماهلةوهدا الشكل نتاعها
[IMG][/IMG]
هنا شقمول منها كانت سخووونة هههه
[IMG][/IMG]
المقادير
2كيلات حمص مطحون اللي يتباع
زيديلو كيلة الا ربع زيت
وكيلة الا ربع حليب
و3 بيض
حركي مليح مليح لازم قاع الكويرات يروحو انا نخدم بيدي ممكن دير الباتو
زيدي ملعقة كبيرة كمون
ونص ملعقة ملح
حركي مليح تم ضيفي
6كيلات ماء دافي غير بالوحدة و حركي
لازم تتحصلي غلى قوام سسسسائل وخفيف بزااف
ديريها فسنيوة ودخليها طيب في فرن سخون اولا طيب ملتحت لازم تنشف من التحت اولا و دير فقاعات
ومن بعد ممكن بعد 45د انت و الفورتاعك شعليلها طيب من الفوق لاز تحمار مليييح حتي تميل للاسوداد ومن بعد خرجيها من الفرن وهي سخونة دري الكمون مخلط بالملح او حسب الرغبة
وشهية طيبة هادي دايمن وصفتي المعتمدة من زمان
علي فكرة الكارنتيكا كلمة اسبانية تعني الطبق الساخن جربوها الحال بدا يبرد