مريم هنا

[مريم تعود]

السلام عليكم جميعا وكيف احوالكم جماعة الخير اليوم الخميس إدعونا معاكم وغدعو لزينب ربي يرحمها يا رب ولكل مكروب ربي يفرج همو و يوفق كل إنسان يا رب
المهم جماعة الخير لو نتناقشو حول موضوع
الخسارة الدنيا ربح وخسارة كاين اللي يخسر اشياء مادية وكاين أشياء معنوية وكاين اللي يخسر ناس غاليين عليه وكاين اللي يخسر حتى نفسو
الربح يفرحنا كلنا اكيد ويرضي غرورنا اللي نحبو ديما نكونو الفائزين ونرفضو الخسارة
لما نخسرو اشياء مادية نحزنو لأنو الدنيا راهي تقول المال يعدل الحال عند بعض الناس لانو الدنيا راهي تتباع كل شي بالمال
ولما نخسرو اشياء معنوية كاين اللي حساس وبزاف يتوجع لما يخسر اشيا معنوية صديق قريب جار اي كان موقعه وتلقاه يتألم لأانو حب الإنسان هذاك من قلبو
الناس اللي تخسر الناس وبلا سبب ما تعرفش تهدر وما عندهمش الرحمة في قلوبهم وعندو خسارة الناس حاجة بزاف عادية
وكاين اللي خسر نفسو لا ضمير لا قلب لا رحمة ولما يندم ما يقرش بالخسارة
واش خسرتو في حياتكم وبكل صراحة ما انواع الخسارة هذي وهل ندمتو ؟
بارك الله فيكم والنقاش لكم ومريومة هنا ومحال تروح