رجااءا اريد شرح شعبة رياضيات

billalzakilondon · 2012-09-05, 16:58

السلام عليكم و رحمة الله و بركاته
لدي سؤال محير
هل شعبة رياضيات 2 ثانوي صعبة ؟؟
و مادا عن المعدلات فهل تنقص مقارنة مع السنة الاولى ام تبقى ؟؟
فارجوكم اريد معلومات من الدين درسو هته الشعبة
رجااااااااءا

انيسة الطاهر · 2012-09-11, 20:16

و الله راني كيفك اخترت شعبة رياضيات و معدلاتي ممتازة فيها و الفيزياء و منبعد ما طلعت خلعوني التلاميذ واحد قالي كنت ندي 15 معدل في الاولى الثانوي و منبعد جاب في الثانية ثانوي رياضيات 4 في الفصل الاول و 4 في الفصل الثاني و الثالث كما انو احسن معدل في ثانويتنا في شعبة الرياضيا هو 14 و لكن كل واحد و مقدرتو و موهبتو ماشي معناها الناس الاخرين ماقدرولهاش معناها انت تان ماتقدرلهاش

syliasmine · 2012-09-11, 23:45

لالا هي بالطبع تحبط معدلات السنة الثانية لانها شعبة جديدة و مازال ما تعرفش تقسم وقتك في المراجعة و نكدب عليك هي شعبة لازملها تعب و يكدب عليك لي يقولك ساهة لازم تخدم و تجبد
أنا هاد العام جبت الباك شعبة رياضي و الحمد الله واعترف أصعب سنة قريتها في حياتي هي 2 ثانوي مخربطة و الوضع جديد لكن في السنة الثالثة الحمد الله الفيزياء بزاف سهلة و الرساضيات شوية صعيبة و طويل البرنامج و المواضيع طبعا تختلف أسئلتها و درجة سهولتها او صعوبتها
و في ما يخص معدلات القبول بالجامعة
زعما المدرسة العليا للاعلام الالي 17.5 للعلميين و 16.3 للرياضيين (مثال)
لكن اذا كنت رح تختار تخصص متل الطب و الصيدلة و جراحة الاسنان فهي نفس معدلات العلميين و ان كنت ستختار احدى هاته التخصصات أنصحك باختيار شعبة علوم لانها ستساعدك أكتر
و ان كنت تميل لتخصصات الاعلام الالي و الهندسة الالكترونية و و و فلك الاختيار بالتوفيق