الى كل من سيلتحق بالشرطة 2012 نصيحه لوجه الله

عبدون جمال · 2012-08-25, 12:54

انا كنت العام الماضي في مدرسة الشرطة لبلعباس وخرجت منها لظروف شخصية بعد ما قضيت فترة في التربص .اريد ان اقول لكل الناجحين لا تقلقو فالفحص الطبي جد بسيط وروتيني ومن يملك ابسط المؤهلات يمكنه المرور .اهتمو بالنظافة قبل الالتحاق والي لاباس عليه مافيه حتى مرض مقبــــــــــــــــــــول .لا معريفه لا والو .لانك اذا كنت مطابق للشروط البسيطة المطلوبة فانك مقبول مليار بالميه ولا يمكن لاحد اخراجك صدقوني .المهم مايكونش عندك الدوالي .يديك مايكونوش معوجين كي تكسلهم .سنانك ماشي مسوسين .مشيتك صحيحة ( لان الطبيب يطلب منك ان تمشي قدامو ) عينيك تشوف بيهم مليح .الي يزطل او يشرب الخمر راهي تبان في تحاليل المخذرات والكحول الي رايح ديرو اثناء الفحص .وهذا ماكان .لكن اهم شئ ان تصبر حينما تدخل المدرسة وتبدأ التربص لان الامر سيكون صعب في البدا ية اذ ان حياتك كلها ستتغير الى نظام مثلا في بالعباس المدرسة مزيرة حتى السجائر ممنوعه ولا تباع والي يحكموه يتكيف يخرجوه بالنسبة للمدخنين عافانا الله واياكم .لذا انصحكم ان تتخلصوا من كل العادات المنحلة تاع السيفيل .وان تصبروا ثم تصبروا على كل شئ .لكن الى جانب هذا هناك جو من المرح والتعارف بين الطلبة الجدد والقيام باكرا هو في حد ذاته شئ جميل وسيبقى راسخ في ذهنك ما حييت .والناس لكل تساعد بعضاها .يعني جو اخوي حقيقي واكثر من رائع لكن يتطلب الصبر اؤكد الصبر لانك ان ضيعت الفرصة ولم تحتمل وةغادرت التربص اقسم لك ان ستندم ندما عظيما .وفقكم الله جميعا وبارك فيكم .واي استفسار انا في الخدمة اخوتي الاعزاء. ادعو لنا فقط .

wadoo89 · 2012-08-25, 13:14

بارك الله فيك خي العزيز حبيت نسخسيك كيفاش كان التدريب هل هو عسكري أم دراسي

rima_manaa · 2012-08-25, 13:16

مشكور اخي ربي يوفقك ان شاء الله . ادعي لنا بالنجاح

ALIDZ89 · 2012-08-25, 14:05

اخي الكريم
شكرا لك
اجريت لي عملية جراحية لاصتئصال الزائدة الدودية Appendicitis اما االان فالحمد لله صحة جيدة فهل يؤثر ذلك

ALIDZ89 · 2012-08-25, 14:08

وشؤال اخر ماهي معايير الانتقاء وهل يمكن العمل في نفس الولاية

mohamed MOMO · 2012-08-25, 14:17

تاجيل نتاع الخدمة الوطنية ينتهي في 14 سبتمبر و مازال ماعيطولش للفحص الطبي والبسكو ..... ومشكور على فتح الموضوع

programmeur · 2012-08-25, 14:46

ربي يفرحك أخي
ادعينا ربي باش بنجحنا
رانا جوزنا المقابلة الشفوية وان شاء الله فيها خير ونكونو من الرابحين
بادنه تعالى

mohamed MOMO · 2012-08-25, 14:51

اقتباس:

المشاركة الأصلية كتبت بواسطة programmeur

ربي يفرحك أخي
ادعينا ربي باش بنجحنا
رانا جوزنا المقابلة الشفوية وان شاء الله فيها خير ونكونو من الرابحين
بادنه تعالى

nchalah tenjhou

zaki dk · 2012-08-25, 15:09

ربي يسهلهانا ان شاء الله .

scorpion1 · 2012-08-25, 15:10

[i]مشكور يا أخي الكريم و كيما راك تقول كلشي كاين منو و لي فوت العام و نص راه علابالو كيفاه دايرين يمات الستاج و لي فوت العام و نص كدلك راه ما ينغبنش بزاف........عندي سؤال أخي الكريم أضافة على الممنوعات كااسجائر مثلا هل الهاتف النقال كدلك ممنوع .....شكرا و ربي ينجحنا كامل يا رب وفقنا و بك نستعين يا رب

mizouhamza · 2012-08-25, 15:14

مشكور أخي على هذه المعلومات ان شاء الله يستفادوا منها الاعضاء

~~binia~~ · 2012-08-25, 15:19

اقتباس:

المشاركة الأصلية كتبت بواسطة scorpion1

[i]مشكور يا أخي الكريم و كيما راك تقول كلشي كاين منو و لي فوت العام و نص راه علابالو كيفاه دايرين يمات الستاج و لي فوت العام و نص كدلك راه ما ينغبنش بزاف........عندي سؤال أخي الكريم أضافة على الممنوعات كااسجائر مثلا هل الهاتف النقال كدلك ممنوع .....شكرا و ربي ينجحنا كامل يا رب وفقنا و بك نستعين يا رب

ادا كان الهاتف النقال ممنوع فهدا سجن
لااظن دلك اخي الكريم
بالتوفيق

scorpion1 · 2012-08-25, 15:29

اقتباس:

المشاركة الأصلية كتبت بواسطة binia

ادا كان الهاتف النقال ممنوع فهدا سجن
لااظن دلك اخي الكريم
بالتوفيق

ياأخي العزيز ف النظام راه كولشي مسموح و كولشي ممنوع و بلخصوص يامات الستاج أنا راني فوت الستاج تاع العسكر و نقولك بلي كيما يبغو هوما و أعود بالله من كلمت (أن)........بالتوفيق يا رب.

abdou7rb · 2012-08-25, 17:40

اكي الكريم عندي استفسار الله يجازيك
انا قريت في احد المواقع انو فيه تخصص اعلام الي بالشرطة
ممكن تفيدني بأي معلومات لديك علما اني حاصل على شهادة ليسانس اعلام الي ودفعت الدوسي وراني نستنا في الاستدعاء
وليس لدي اي معلومات حول هذا التخصص و طبيعة عمله
شكرا

foffo09 · 2012-08-25, 18:27

إلى صاحب الموضوع ...الأخ جمال عبدون
انا نتكيف الزطلة هل ممكن أنهم يخرجوني من الستاج وما يقبلونيش ؟؟؟؟