سؤالي موجه للبنات هم اهل الإختصاص

[chounesta]

السلام عليكم

لدي إستفسار و ياريت نلقى الرد بكل صراحة.

عندي صاحبي و صديقي الحميم عامل لاباس به و شيئ ماخاصو خدام في تيليكوم بدارو و سيارتو و زيد قاري يعني حابو نقول انسان

على خلق انسان متربي وعايلتو ناس ماشاء الله متخرج من الجامعة حاب يتزوج و يكمل نص دينو أههههههههه.

ضرك هنا وقع المشكل راح قريب يجن مسكين تقريب ربع بنات لي خطبهم كل واحدة ديلو سبة تافهة
الاولى قالتو راني موسوسة و الله العظيم بهذا الكلمة قالتو
الثانية كي جى يبعث الام نتاعو عندهم قالتو غير ماكلاه راهم خطبوني أو بابا مدني
الثالثة قالتو راني صغيرة و مازلت حاب نعيش و هي في عمرها 25 سنة
الرابعة لي دوخاتو و دوخني معاه.............................................. .....................





















واش دارت هذا الفحلة؟

تقريب شهرين و هو معاها في التيلفون عرفو بعضاهم مليح و تفاهمو على حوايج .......................
و قالها بلي بعد العيد يجيب مو ويجي يخطب هذا الفحلة
واش صرا يجي واحد جارها كان يقرا في فرنسا نتاع الهم ويخطبها من عند باباها ختاها و امها داهم الزف نتاع فرنسا قلبو الطفلة على فومها
عيطتلو قالتلو ماكلاه تجي بعد العيد راني مخطوبة للجارنا

فهموني فالتفيكر نتاع الاولى و الثاتية و الثالثة

و شرحولي المنطق لي مشاة بيه الرابعة هل هو زاوج مصلحة ام ماذا.

سؤالي موجه للبنات هما اهل الإختصاص.

[l'étoile]

منطق كل بنات هذه الايام ......... منطق المادة

[اسماء47]

هههههههههه معندوش الزهر
المشكل نظن فيه هو

[narimane1991]

ايه مسكين هادي هيا الحياة ومزال ربيلاقيه بنت الحلال الي تعوضو وتفاجي الغمة ديالو
تخيل انا اخو راجلي خطب 25 وحدة والله يعلم الي يخطبها تتزوج وتخليه ولا تروح تقرا ولا اهلها مايقبلو
و اخو زوجي كما قلت متوفرة فيه كامل الشروط الدار الخدمة الزين القراية واستاذ جامعي و متربي بزاف وحشام بزاف والله مافهمة هاد لبنات كفاه يخممو
كي تلقا الجواب قلي

[MIWAKE]

ربي ان شاء الله يرزقه بالزوجة صالحة و لاتنسي كيما كاين رجال يتمسخروا بالبنات كاين بنات يتمسخروا بالرجال لم يعرف الاختيار و الله اعلم

[sahra12]

مـــــــــــــاااااااااااااااااااااااااااااازال ما جاش مكتوبووووووووووو
كي جي تسهال من كل الأمور
ربي يرزقوا بالزوجة الصالحة

[سهام1]

يا خويا دوختني معاك انا بنت وراني حايرا كيفكم مانيش عارفا كيفاه يفكرو هدا لبنات على كل حال مازال مكتوبو ما جا الزواج مكتوب عند الله

[ايمان نور الجزائر]

مازال مكتوبو ما لحقش هذا ماكان
بالاك يصبر ويديها خير من هاذو قع
وهذا المشكل يوجد عند الطرفين كيما رجال يلعبو بلبنات العكس صحيح
ويخلصوها غير ولاد الحلال لي جاو في النص
حتى انا واحد يبعت يقولي تحبسي لقراية...لوخر يقول لازم نتعرفو بيان قبل
مي رانا صابرين

[ريمة07]

مازال ما طاحش في مكتوبو برك

الطفلة الي كاتبتلوا مازال مالقاهاش ربي يلاقيه بيها ان شاء الله وتسعدو و تكون زوجة صالحة

[chounesta]

شكرا علئ الردود

إنشاء الله ياربي دعاكم يكون مستجاب وإنشاء لي مازالت ملقاتش واحد يسترها ويهنيها إنشاء الله تلقاه في القريب العاجل

بصح ضرك باه تلقئ واحدة بنت فاميليا و متربيا صعيبا بزاف عندهم شروط يالطيف
وإذا لاقيتها غير وجد روحك لكل الإحتمالات أبداها منها هي و ارواح وإذا اقنعتها هي تخاف تخرجلك امها خرجة و لا أختها خرجة
ماتخطرش على البال.و في النهاية يقوللك رانا عندنا نسبة العنوسة في تزايد مستمر

المهم لحكايات راهم كاينين بزاف ماهو واحد ماهم زوج لي صرالهم هاك و ميتعدوش علئ اصابع اليدين .

ربي يجيب الخير .

[staifia]

كل شي بالمكتوب وربي يرزقوا ببنت الحلال .....

[اريج16]

السلام عليكم بلاك صحبك معندوش الزهر ومكتوبو مزال انا عمي بلاك خطب قريب 15 وحة ومكتبش المكتوب وفي الاخير ذوك عرسو قريب المهم نصيحة هو يشوف مليح للطفلة لي راح يخطبها وباين الطفلة لي راهي تقرى ولي راهي مخطوبة والي والي .......... هو يشوف مع روحي وزيد دارهم يحوسولي ولا يشوف من عائلتو ويسقسي مليح ومباعد يدير او خطوة وهي خطبة الطفلة هذا مكان مش يروح يخطب طفلة تقرى مولات 18 ولا 19 سنة اما هذي لي مولات 25 شيفا شوفا تحجت فقط بقريتها

[ظلا ل القران]

السلام عليكم
اولا اخي انا اشكرك على هذا الطرح الممتاز و الذي بصراحة يعاني منه الكثيرمن الشباب في وقتنا الراهن ...والذي يؤثر على الحياة الاجتماعية للشباب بالسلب ولا ارى ان في ذلك حرج لو تقدم الشاب لخطبة فتاة و كان دخله متوسط او حتى ان كان متدني ويقولوا ربي يجيب و الازراق من عند الله ............والله ان الامر ليس بالهين انما يحتاج للتوعية الاجتماعية فحسب.
اما فيما يخص المشكلة اخي الكريم التي يعاني منها صديقك فلا باس ..عليه بالاكثار من الصلاةو الادعية و لا ينسى استخارة خالقه فهو المعين على كل شيئ ...فبنات الفاميليا راهم بزاف ما شاء الله ادي ولا خلي وما يقنطش من رحمة الله فرحمة الله واسعة وربما كل هذا التعطيل انوا ربي بغالوا وحدة اللي تستاهلوا في العاجل القريب وكل تعطيلة فيها خير وان احتجتني في امور اخرى يمكنك مراسلتي على الخاص .فانا في الخدمة ... شكرا







و السلام

[Nina Ritchi]

الدنيا مكاتيييييييييييييييييييب

[loubnamias]

كلشي بالمكتوب مازال ماجاش مكتوبو