قاطو بالشوكولا- المشقوق- خدمتو للعيد

[متشوقة للجنان]

السلام عليكم و رحمة الله تعالى و بركاته

لبارح درت هذا القاطو ساهل و بنين و يزكي ما شاء الله

*المقادير*

8 صفار بيض
500غ زبده
2 خميرة تاع قاطو
-2 كيسان سكر عادي
-2 كيسان كاكاو مشي كاوكاو
-شوي فانيلا
-قشور تاع قارص شوي zest
فرينة تلمي بيها

*للتزيين*
بياض بيض
كاوكاو
عسل
*طريقة التحضير*
خلطي كل المقادير السابقة مع بعض و لمي بالفرينة حتى تتحصلي على عجينة طرية و ملمومة بحيث تقدري تشكلي بيها كريات صغيرة و الكريات ديريهم عادي متكبريهمش لأنو الخميرة تهبل و يتنفخو في الفور
شكلي كرياتك و غمسيهم في أبيض البيض و بعدها في الكاوكاو حطيهم في ليكيسات و دخليهم في الفرن حتى يحمارو شوي برك و حاولي تخلي فراغ بسيط بين ليكيسات
بعد ما يخرجو من الفرن كوني محضرة العسل عسليهم بالمغرف و هما سخونين و هذي صورتو من مطبخي



نتمنى تعجبكم الوصفة صح عيدكم و كل عام و أنتم بألف خير