موس الشوكولا والناسكافي ومزين بالشانتيي وصوص كرمال من مصبخي

ninafret · 2012-08-12, 18:44

نخليكم مع الصور واللي تحب المقادير تقلي
مداقها روعة روعة
المقادير 2علب شكولا منى سوداء او بالحليب انا نفضل سوداء زيديلها 2 ملاعق كبار زبدة و ساشي صغير ناسكافي او فنجان صغير قهوة ثقيلة جدا حطي الكل في حمام مائي حتى يدوب تماما نحيه من النار حتى يبرد شوية وزيديلو صفار 5 بيضات وخلطي مليح وخلي الكل يبرد في هدا الوقت طلعي بياض 5 بيضات مع 3 ملاعق كبار سكر حتى يولي خليط ثلجي تم زيديه بالتدريج فوق خليط الشكولا مع الخلط بسباتولا او فرشيطة من فوق لتحت من غير ماانزل الخليط وزعيه في ليكوب او لي رامكان وحطيه في الكونجيلاتور نصف ساعة
طلعي 100غ بودرة الشانتيي مع كاس حليب بارد جدا جدا وزيني الوجه ورديها للثلاجة على الاقل 3 ساعات من الاحسن تحضريها من قبل كل وين تبرد تجي احلى وعند التقديم زينتها بصوص كرامال انا اشريتها من السوق ومكسرات حسب الرغبة