أنا ضائع و يائس

[مشكلتي]

السلام عليكم خاوتي و صحا رمضانكم
أقص عليكم قصتي و التي انتهت بطريقة مؤسفة جعلتني أعيش بمرارة .
أنا شاب من العاصمة في الـ24 من العمر أتممت بدراستي هذه السنة بحصولي على
شهادة ليسانس و الحمد لله .
تعرفت منذ 4 سنوات على فتاة تسكن في ولاية بعيدة على العاصمة بـ 350 كم أعجبنا ببعض تطورت علاقتنا حتى صارحتها بأني أريد أن تكون زوجة لي فقبلت و وعدتها أن أخطبها مباشرة بعد أن أكمل دراستي و هو ما كنت أنويه لأنني لا أحبذ التلاعب "بالبنات" نخاف تخرج في أختي أو بنتي .
المهم جوزنا أربع سنوات بحلوها و مرها كنا نتشاجر و نرجع حيث أن رغم أنها فتاة مدللة و صعبة المراس لكن كنت "نساعفها" و نقول ربي يهديها و يحنن بيناتنا
كنت نروح حتى للولاية ديالها باش نشوفها و نولي رغم مشقة السفر و التكاليف بالنسبة لطالب جامعي مثلي
كنت مقادرها و ناوي معاها غير الخير و أنا كنت حاس بلي صح تحبني .
لكن هذه الصائفة عرفت عودة ابنة خالتها من المهجر و هي فتاة تكبرها بسبعة سنوات لكنها مثال للفتاة المنحرفة فهي لا تصوم و لا تصلي تتعاطى السجائر و الكحول عافاكم الله و تقوم بأبشع من هذا .
حذرتها من هذه الفتاة و طلبت منها عدم الإقتراب منها لكنها كانت دائما تطمئني و تقول أنها لن تؤثر عليها
تخوفاتي كانت في محلها لأن كلامي وصل مسامع ابنة خالتها فأوقعت بيني و بين الفتاة التي كنت معها ففرقت بيننا و انتهى كل شيء بنيته للأسف .
الأن أنا جد متحسر لهذه النهاية الحزينة لأنني كنت ناوي غير الخير
فلماذا دارت عليا و سمحت فيا بهذه السهولة رغم أنني كنت فحل معاها و في حياتي ما خليتها وحدها .
عاونوني غير بكلمة خاوتي
قولولي عفسة من فضلكم

[ناصرالدين الجزائري]

حسب رأيي فقد كنت سابقا ضائع و يائس فأما اليوم فأنت في رحمة .. فاحمد الله أنه خلصك من هذه العلاقة و حاول اصلاح حالك في هذا الشهر الكريم
و بالتوفيق ان شاء الله

[arc en ciel]

احمد ربي الي بان معدنها قبل ما ترتبط رسمي بها

الناس معادن و كاين الي كلمة تجيبو و تديه

ربي يرزقك بنت الحلال

[أم عبد النور]

السلام عليكم

راني حاسة بيك ممكن كنت تحبها من قلبك وعشرة 4 سنوات

ولكن وعسى أن تكرهوا شيئا وهو خير لكم .أكيد بعد الفراق

راح تتألم ولكن سرعان ما ستنسى والنسيان من نعم الله على

عباده. شوف مستقبلك وربي يعوضك بزوجة صالحة تسعدك

وتهنيك وربي يوفقك ويسدد خطاك

[نور اليقين جيداء]

ربما كانت فيها الخير ليك انت وعسى ان تكرهو شيئ و هو خير لكم ربي يهدينا ان شاء الله

[أحلام سرمدية]

من السذاجة أن أطلب منك النسيان فتبدأ التفكير المطول في كيفية نسيانها حتى تتمكن منك تماما
كل ما يمكنني قوله أخي دع الأمور للزمن فهو المتكفل بحل كل شيء
وان أراد الله ان يجمعكما في الحلال فلن يستطيع أحد أن يحول دون ذلك
وكما قال الاخوة الكرام لربما هذا خير لك فلا تبتئس

[المارد الجنوبي]

ياخويا هناك ربي منها نطلب منك تنساها
ماتخافش ماكانش غي هي في هاد ادنيا

[nouna l maghbouna]

خويا و الله غير قلال اللي كيفك هي ربي يهديها وانت خليك منها انساها و اسمح فيها كيما سمحت فيك
خيرها في غيرها بالاك شاف ربي صلاح
و هي اللي نسات كلش و سمحت ميشي انت
انشاء الله تلقى بنت لحلال و تنسيك فيها ربي يوفقك خويا و ماتخامم ما والوا هادي هي الدنيا اللي يمشي بالنية يوكلو boubi

[vivaldi]

أود أن أطرح عليك سؤال ؟
هل أنت فعلا كنت مستعد للزواج معنويا و ماديا ؟
نصيحة أخوية لك
إصنع مستقبلك ، ثم إيحث عن من تقاسمك الحياة حلوها و مرها
و الله ولي التوفيق

[hiba tlemcen]

السلام عليكم
عسى أن تكرهوا شيئاو هو خير لكم لقد أنقظك الله من تعاسة محققة فأحمده و توكل عليه فعسى أن يبدلك خيرا منها,

[hayet04]

يا اخي انا منك نمدلها فرصة ثانية و اخيرة و نحاول نصلح لي بيناتنا ولا متبداتش خلاص روح و انت متهني انك ماخلتيش حاجة 4 سنوات عشرة ما تستهلش تروح باطل وراني حاسا بيك والله جربتها قبل إن شاء الله غير الخير

[سفير الأيام]

السلام عليك أخي


انـــــــــــا نقولك زوج حوايج وإلا كثرت تكون ثلاثة

الحاجة الأولى

خطيـــــــــــــــك من قصص الحب والله راك غير
تزيد لعمرك الهلاك والحب بعد الزواج بصح كيفاه .............. إقرأ الحاجة الزاوجة

الحاجة الثانية

زير روحك وبحث على خدمة وجمع المـــــــال

على الأقل يكون عندك نصيب مخبيه والثاني تتزوج بيه

على جال بعد الزواج المعطيات تتغير


الحاجة الثالثة

نهار اللي تكمل النقطة الثانية اللي دكرتهالك

في داك الوقت حوس على بنت الحلال

وربي يوفقك

وبعد على التيليفون والمشاكل اللي تخليك غير تماك تدوووووور

وبالتوفيق

[aymenov]

انت كنت معاها راجل صح بصح هي ربي يهديها

وباينة الطفلة هادي ضعيفة الشخصية الريح لي يجي يهزها

[abdallah1983]

ليس لديا ماقول لك اخي الا كما قال خالق الاكوان

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ
وَاللَّهُ يَعْلَمُ وَأَنْتُمْ لَا تَعْلَمُون

[aviare]

و الله غير عندها الحق.............. بصح فاقت انت 4 سنين و انت معاها يا خويا تقول راهي مرتك فسدتو لبنات شوف كيفاش رايح تتكلخ لانسان اخر كي يجي يخطب فيها مسكين يغيظ يعسش معاها و ماعلابالوش بلي 4 سنين و هي مع شخص اخر. ما تقلي لا حب لا خرطي الناس كامل راهي تجري مور المادة كون صابتك مول شهرية غازرة كانت تقبل بيك راهي باينة دبرت فيها واحد. ننصحك و ما تزعفش مني خطيك من الهم تاع لبنات و الحب تاع الهف .