طلب مساعدة في حلوة الفستقية، راني عميتها فالعجينة

[موجو جوجو]

السلام عليكم و صحى فطوركم
اليوم جربت حلوة الفستقية
و مع الصيام باه ندير 75غ زبدة درت 275غ و حتى للضك باه فقت بغلطتي كي جيت نضرب طلة على المقادير
العجينة دك راهي مزيتة بزاف و ماشي شادة روحها ،تتفتت
واش ندير نزيدلها الفرينة ؟؟؟؟ ولا كيفاش تعيشو جاوبوني اليوم خاطاش عجنتها هاد العشية و مازال ما حضرتها
شكررررررررررررررررررا مسبقا

[muslimone]

السلام عليكم ح فطوركم
احكمي ربع العجينة زيديلها الفرينة وجربي إذا نجحت زيدي للباقي الفرينة غير بالربع
وباقي العجينة حفظيه في بلاستيك وإذا ما نجحتش حفظي كامل العجينة في بلاستيك وديريها فالثلاجة وشوفي كاش قاطو آخر صابلي ولا حلوة بالنوادكوكو وضيفيلها العجينة ما ترميهاش راهي غير زبدة وفرينة برك رديلنا الخبر بعد ما تنجحلك إن شاء الله

[موجو جوجو]

شكرا ليك
سييت قي شويا برك زدتلها الفرينة
دك ندير كيما قلتي انتي و نرجعلك بالخبر وقت ما قدرت نكونكتي
صحى صحورك

[سيرينا لبنينا]

تقدري تزيديلها الفرينة و تنجحلك ان شاء الله

[فـــرح]

خدي كمية من العجينة المزيتة واضيفي ليها الفرينة حتى تحكم روحها وان شاءء الله تنجح لك
انتي ضاعفتي الكمية 3 مرات
ربي يعاونك وننتظر نتيجتك