تطبيقي لديول الغاليتين ام لميس وام اثري حفظهما الله

[-رودينا-]

السلام عليكم ورحمة الله وبركاته رمضانكم كريم
وتقبل الله صيامكم وقيامكم
هذا تطبيقي لديول عزيزتنا ام لميس ربي يحفظها ويعطيها ماتتمناى ووصفة عزيزتنا ام اثري جزاها الله كل خير خرجلي ما شاء الله من بدا رمضان وانا نطيب فيه
المرة الاولي استعملت كاس فرينة جاتني تقريبا 20حبة
والمرة الثانية غيرت في المقادير خلطت فرينة وسميد خرج هايل شويا صغار لاخطرش المقلة ديالي صغيرة ان شاء الله نشري وحدة كبيرة
نتركم مع الصور






وهذا ربط الوصفة
https://www.djelfa.info/vb/showthread.php?t=789633

اما طريقة الطهي استعملت طريقة عزيزتنا ام اثري جزاها الله كل خير ويعطيها ما في قلبها اااامين اسمحيلي حبييبتي طبيعتى نخدم بزاف بالعبرة اي نحب الوصفات لي فيها الكيل هههههههههههه باش تخرج سواسوا على بيها استعملت طريقة عزيزتنا ام لميس وان شاء الله نطبق وصفتك لي مافيهاش لابيض ولا زيت



هذا رابط الوصفة
https://www.djelfa.info/vb/showthread.php?t=504497
ملاحظة * وصفة ام لميس مافيهاش ملح وانا اضفت الملح
* كي درت العبرة الاصلية اي تاع الفرينة مابقى والو من العجينة
اما كي زدت السميد يبقي شوية في الطبسي لاخطرش السميد مايذوبش مليح
كي طيبتو فرشت طرشونة كبيرة وحطيتهم كل وحدة وحدها كي بردو حطيت وحدة فوق وحدة
كنت مزروبة طبق الديول يخصو القارص غير طيبتو صورتو هههههههه :1
صححححححححححححححححححح فطووووووووووووركم حبيباتي