انصحوا صديقتي ....هل هذا مشكل

حنين العمر01 · 2012-07-20, 00:05

عندي صديقة عمري اعجب بيها واحد و حاول انو يحكي معاها لكن تكلمت معاه باحترام و قاتلوا انا جامي درت علاقة و ما نيش حابة ندير
لكن و للامانة هذا الشاب لانوا حابها صح و شافها بنت فاميليا بقى يسقسي عليها و على دارهم و جا خطبها
هو انسان متخلق ابن عايلة مليحة و خدام و صحبتي وافقت
لكن متوسوسة لانو هو اكبر منها بسنة فقط
انا قلتلها شيئ عادي الانسان هذا شاريها و زيد ماهوش صغير عليها راه اكبر منها بعاااااااااااااااااااام
اعطونا رايكم راها هبلتني

رانيا3 · 2012-07-20, 00:37

ماكانش مشكل فالعمر اختي المهم يكونو متفاهمين
و هادي راي عندها الزهر لي جا كبر منها بعام كاين لي داوهم نسا اكبر منهم و عايشين بخير و الحمد لله
و صديقتك كبير عليها هاي هادي حاجة مليحة تحمد ربي سبحانو
وكما قلت من قبل المهم يتفاهمو واكيد قبل لا تقول ايه ولا لا باب صحبتك راح يسقسي على هدا الشاب وادا سمعته حسنه و متخلق اللهم بارك و يوافق على زواجهم وادا سمع عنه اشياء مش مليحة اكيد راح يرفض يعني يتبع مصلحة بنتو
قولي لصحبتك ما تتقلقش ولي مكتبو ربي يجي
وفي حال ما كان هداا هو مكتوبها فقولي لها كلش مبروك و ان شاء الله حياة سعيدة و عقبال للدرية الصالحة .

abdel02 · 2012-07-20, 00:41

كاين شباب تزوجوا فتيات يكبرنهم ب 5 سنوات أو أكثر وكل شيء فات حلو....المهم أنها مقتنعة بيه والباقي زيادة...

FAN2013 · 2012-07-20, 14:28

السلام عليكم و رحمة الله أولا أنا أقترح أن تستخير ربها فهو عالم الغيب ثانيا أنا لا أرى مشكلا في السن في موضوع الزواج فحتى الرجل يمكنه الزواج بمن تكبر و خير مثال الرسول عليه الصلاة و السلام فلقد تزوج خديجة و هي تكبره هذه مجرد تقاليد لا تمت بصلة بديننا أنا رأيي الشخصي تستخير و تتوكل على الله و تتزوجه بما أنه دخل الباب من بيته و أمثاله قليلون هذه الأيام موفقة أنت و صديقتك

faty05 · 2012-07-20, 16:34

قوليلها قاتلك فاتي بركاينا من التمسخير يرحم باباك
عام برك و درتي عليها قصة
بركاينا من الهبال
الناس تحوس علي ولد الحلال و نتي درتي قصة من عام برك
اللهم اذا مش عاجبها و راهي ادير في السباب

صفاء الروح · 2012-07-20, 21:50

هادا ماهوش مشكل خلاص احمدي ربي وزيدي ديجا عاااااااااااام ماهوش 30سنة

انغام المنى · 2012-07-23, 21:38

هههههه عاد
ي خلاص انا وخطيبي نفس السنة زايدين ورانا نحبو بعض ومتفاهمين

abdallah1983 · 2012-07-27, 21:35

اذا كان جاد فليتقدم لخطبتها هذا من جانب ومن جانب اخر اذا هو ذو خلق كما ذكرتي فل تقبل به قولي لها توكلي على الله وزيدي استخير الله فما خاب من استخار ولا ندم من استشار وربي يوفق ويجمع بينهما في الخير .