انصحوني ربي يخليييييييييييكم

MALAK92 · 2012-07-17, 13:24

سلام
انا تعرفت على حبني و حبيتو هو ولد عمي بصح كيفاه عرفتو استناو نحكيلكم
قبل ما نعرفو هو كنت نعرف صاحبو صاحبو هاذا كان يقلي راني جاي نخطبك مالا انا سقسيت عليه ولد عمي قالي راهو صاحبي و نعرفو مليح و راهو عندو وحدة رايح يخطبها و طلع كلامه صح
المهم ولد عمي وقف معايا حتى تحلت المشكلة و من باعد بقى ديما يهدر معايا حتى تعلقت بيه و هو كيف كيف
و من باعد ثمانية اشهر قالي راني حاب نحبسو و ما نكملوش قالي انا مقدرتش بقات بين عيني انك كنت مع صاحبك و انا صاحبه مقعدتش معاه حتى شهر و دجا مخرجتش معاه و اللي حيرني انه كان قابل بالحاجة هاذي و راضي بيها
المهم تفاهمنا باللي كلش يخلاص بيناتنا و من باعد يعيطلي يقلي اصبري شوي و زيد يعيط يقلي خلاص نحبسو و في هاذيك الليله تكلمني يماه تقلي راني جايتكم نشوفك و صح حاجة و هو علبالو باللي يماه جاية
ربي يخليكم انصحوني راني محتاارة بزااف واش ندير

سارة البوسعادية · 2012-07-17, 13:36

للاسف من رايي اخطيك لانك رح تسوفري معاه لانو ماهوش مستقر على راي وزاد صاحبوو؟؟؟
اخطيك وانساي الموضوع وربي يفرج عليك من اوسع ابوابو

meriem hanin · 2012-07-17, 14:04

يا اختي من رايي غيييييييير بعدي على هاذ الانسان لانو راح يجيك مشاكل و اوجاع راس انت في غنى عنها
مهما قالك يبقي هاذ الانسان الي كنتي معاه صاحبو و كل ما يشوفو يتفكر الحكاية و تخلصيها غير انتي
على حساب كلامك ماهوش متاكد من روحو مرة ايه نكملو و مرة خلاص نحبسو
ننصحك صلي و استغفري مولاك و ادعيه و الي فيها الخير ربي يجيبها
هاذا رايي و الله اعلم

it's me · 2012-07-17, 14:33

غيييير فوتيها رح يجيبلك غير وجع الراس هاذ السيد
ربي يعطيك على قد قلبك

جسر الأمل · 2012-07-17, 15:39

فوتيه باسكو غادي تقعد ديما في باله بلي كنت مع صاحبه
اخطيك منه وبدلي لابيس

اريج16 · 2012-07-17, 15:45

صلي صلاة استخارة هذا واش نقدر نقلك وهو افضل حل يقلولك ممكن مينساش لا مش كل الاشخاص في ناس يقدرو يتاقلمو مع هذا لشيئ

MALAK92 · 2012-07-17, 17:31

اقتباس:

المشاركة الأصلية كتبت بواسطة اريج16

صلي صلاة استخارة هذا واش نقدر نقلك وهو افضل حل يقلولك ممكن مينساش لا مش كل الاشخاص في ناس يقدرو يتاقلمو مع هذا لشيئ

وي انا صليت صلاااة الاستخاارة اختي اريج
وهو قبل ما نبدى معاه هاذا الشخص قالي شوفي راني علبالي بكل شي و راني قابل قالي بلاك كان صاحبي هو الوسيط اللي خلانا نتعرفو على بعضنا و الله اعلم على خاطر انا مكنتش حابة نكلمو ولد عمي هذا
المهم اللي فيها الخير ربي يجيبها انا راني متقلقة بزااف لانو صعيبة بعد ما تحب واحد و تخليه
هو قالي المشكل هاذي صرات كي عاد صاحبو ديما معاه في الخدمة مي هاذي الخدمة مش دايمة معناها كل واحد فيهم تو يشوف طريقه
و اللي محيرني اكثر انو هو مش فااااااااهم روحو لذرك كيفاه حاب يبطل و يقول ليماه روحيلهم

MALAK92 · 2012-07-17, 17:27

شكرااااااااااااا لمروركم جميعا و شكرا على النصاائح

miyahydrau · 2012-07-19, 00:49

حكايتك تفكرني بحكايتي انا مع بنت خالتي كنت نحكي معاها و كنا نتفاهمين نكمل الجامعة و نخطبها و هي كانت قابلة و كانت تحبني اكتر ما نحبها و صرات ضروف و مدوها لوحد أخر فات عام كامل و بطلت من السيد لي خطبها و حبت ترجع ليا فالول قبت بلا ما نخمم على خاطر نحبها بصح مبعد يبدى الشيطان يخدم فالمخ و تما تبدى المعانات بصح انا درت موقف و حبست كلش و بقيت نحكي معاها على اساس بنت خالتي, و انتي يا اختي نقلك بلي ولد عمك هادا يحبك من قلبو بصح خايف غدوا من هدرة الناس و رايحة تاتر على حياتكم باي شكل من الاشكال,

لن تموت ادا
خسرت من تحب
ولكن ستعيش كالميت ادا خسرت
كرامتك
ارجو ان اكون قد افدتك بشيء

2012-07-19, 01:04

اقتباس:

المشاركة الأصلية كتبت بواسطة miyahydrau

لن تموت ادا
خسرت من تحب
ولكن ستعيش كالميت ادا خسرت
كرامتك
ارجو ان اكون قد افدتك بشيء

السلام عليكم
أعجبتني هذه كثيرا
تحياتي

MALAK92 · 2012-07-20, 10:05

اقتباس:

المشاركة الأصلية كتبت بواسطة miyahydrau

حكايتك تفكرني بحكايتي انا مع بنت خالتي كنت نحكي معاها و كنا نتفاهمين نكمل الجامعة و نخطبها و هي كانت قابلة و كانت تحبني اكتر ما نحبها و صرات ضروف و مدوها لوحد أخر فات عام كامل و بطلت من السيد لي خطبها و حبت ترجع ليا فالول قبت بلا ما نخمم على خاطر نحبها بصح مبعد يبدى الشيطان يخدم فالمخ و تما تبدى المعانات بصح انا درت موقف و حبست كلش و بقيت نحكي معاها على اساس بنت خالتي, و انتي يا اختي نقلك بلي ولد عمك هادا يحبك من قلبو بصح خايف غدوا من هدرة الناس و رايحة تاتر على حياتكم باي شكل من الاشكال,

لن تموت ادا
خسرت من تحب
ولكن ستعيش كالميت ادا خسرت
كرامتك
ارجو ان اكون قد افدتك بشيء

شكراا لمرورك بصح واش من هدرة تاع ناس انا صاحبو هاذا حداثتها قاع في الفي س بوك معناها ما بيناتنا والو
اكيد افادني رايك

FAN2013 · 2012-07-20, 13:41

السلام عليكم هذا ليس حل يا أختي مرة تتكلمين و مرة لا إقطعي الشك باليقين قولي له إن كان يرد الحلال فطريقه معروف و إقطعي إتصالاتك به و ردة فعله ستين معدنه و مهما كان قراره ستظلين أنت الرايحة موفقة

MALAK92 · 2012-07-20, 21:27

اقتباس:

المشاركة الأصلية كتبت بواسطة fan2013

السلام عليكم هذا ليس حل يا أختي مرة تتكلمين و مرة لا إقطعي الشك باليقين قولي له إن كان يرد الحلال فطريقه معروف و إقطعي إتصالاتك به و ردة فعله ستين معدنه و مهما كان قراره ستظلين أنت الرايحة موفقة

مشكوووووووووور لمروور ك
و بارك الله فيك على النصيحة

صفاء الروح · 2012-07-20, 21:55

ادا اديتيه راح تسوفري معاه يبقى دايما يتفكر الضربة تاع صاحبو ويفكرك بيها
وزيد هو انسان متردد

rabiehafdaoui40 · 2012-07-23, 00:39

اختي أنا خاطيني هاذو ولست قاضي في هاذه الامور المزعجة سامحيني