هل ربيت صغير القطط من قبل او اي حيوان اليف؟

assia81 · 2012-07-14, 20:29

السلام عليكم ورحمة الله وبركاته
موضوعي يتحدث عن صغار القطط وتربيتهم هل ربيتم صغير القطط ان لم تفعل ساقول لكم بانه فعلا انه شعور رائع عندما تراه قد فتح عنيه اول مرة ليجدك امامه وانت تطعمه
عندما تجده قد كبر وهو يجري اليك وكانه طفل صغير يجري نحو امه فعلا انه شعور رائع تحمله وكانك تحمل ولدك فليس هناك فرق بينه وبين اي طفل صغير يكر وانت تعلمه كل شيء
كنت في السابق اريد تربية طفل يتيم لكن ظروفي لا تسمح فاعطاني الله يتيم القطط هههه
ربما يبدو لكم الموضوع تافه ولكن بالفعل تربية حيوان اليف لا يختلف عن تربية الانسان
فالحيوانات مثلنا لها شعور واحاسيس فلانحاول ايداها وشكرا

مريم الصابرة · 2012-07-14, 20:41

السلام عليكم اختي من قال موضوعك تافه على العس الحيوان فيه روح وخلقو ربي كيفو كيفنا ويحس ويتألم
انا ربيت تقريبا كل الحيوانات دارنا قريب رجعت حديقة الحيوانات خصني الاسود ما لقيتهمش
ربيت القطط وشفتهم لما زادو وربيتهم حتى كبرو وعندي قطة وعندي كلبة حاشاك ولادها كبرو ومديتهم ما نقدرش نشدهم كامل والقطة راهي معايا هي والكلبة حاشاك نحسهم كاللي واحد من الدار ما نخرجش حتى نعطيهم ياكل وندوشلهم ولما يمرضو نديهم لطبيب بيطري ولما ما عنديش باه نديهم نديرلهم دوا عرب هههههههههه زيت الزيتون والعسل هههههههه لازم نخاف عليهم
يا ختي اللي ما يحسش بحيوان ويقترف فيه جرائم ربي راح يجاسبو على العكس نشوف الحيوانات مخلوقات ضعيفة كاين مفترسة الله غالب محتمة نقتلوها لو تأذينا لكن الاليفة وين المشكل لكن إحنا لا رحمة ربي يهدينا ربي يشدلك فالقطط نتاعك

SOUSOU. DZ · 2012-07-14, 20:49

السلام عليكم

علاش اختي موضوع عادي ماشي تافهة انا را نجاوبك عندي قط سموه *** ميشو*** وقطة سمو **كااااتي** صح والله غير ملاح وشابين تخيلي رميتهم وشحال من خطرة ورجعو ليا وانتيا مربية ولالا

leila-bee · 2012-07-14, 20:52

سلالالام اختي واخييرا راني وجدت من يشاركني في تربية الحيوانات الاليفة
اتنا ابي جابلي 2 قطوط 1 سميتوو" تيكووو" الثانية " ميني "مساكن يماهم ماتت وهوما كاانو وو صغاار غير ما حلوو عينيهم او منبعد انا كنت كل 3 ساعات تقريبا نشربلهم الحليب بالبيبروو تاع الاطفاال الصغار وندوشلهم كل 10ايام او دوك كي كبروو ولاو منين نتحرك نلقااهم معايا او غيير كي يشوفوني يبدااو يعيطوولي بصوت حنييين وانا نعتبرهم جزء من حيااتي الي راني نعيشها

malak achark · 2012-07-14, 20:59

والله معكي حق اختي انا لي قطتين ماتت امهم
وكل العائلة مدلتهم والله خير عليا يا ختي يتغداو بالكشير ويتعشاو بالفورماج

Rihanna · 2012-07-14, 21:30

oui les animaux sont très affectifs aussi
j'ai déja gardé chez moi 3 bébés chattons
juste après leur naissance, leur maman fut écrasée parr une voiture
alors je les nourrissait avec un biberon, je leur faisait leur toilette et je les ai gardé jusqu'à l'âge adulte
ils étaient adorables

جلناار · 2012-07-14, 21:37

و انا عندي بيسا و مينو بصح تربية حيوان اليف فالدار ممتعة و خاصة القطط...........

assia81 · 2012-07-14, 22:49

ظننت انني وحدي احب تربية الحيوانات ولكن كنت مخطئة فهناك الكثير في هذا المنتدى من يشاركني ذالك شكرا لكم اخوتي

yesican · 2012-07-14, 22:59

اييه صح انا تاني ربيت خويا الصغير ...............كان يبانلي ناس ملاح بصح كيكبر دار القرون ولا كي العتروس الوحشي .......ايييه هده هي تربيتي و مانلوم حتى واحد ................

assia81 · 2012-07-14, 23:12

لم افهم اختي ربيتي اخوك الصغير ؟ولكن انا اتحدث عن القطط الصغيرة المهم شكرا لك على المرور

بومزراق يسرى · 2012-07-14, 23:40

السلام عليكم و رحمة الله تعالى و بركاته اختي "آسيا" ...هنيئا لك هذا الأجر العظيم فتربية الحيوانات و الرفق بها أمر عظيم ...و لا اريد أن أخوض في الحديث عنه لأننا جميعا نعلم أجره و ثوابه عند الله....لكن عن سؤالك ....فأنا للاسف لم يسبق لي و ان ربيت أي حيوان أليف...ان شاء الله يكون ذلك مستقبلا...تقبلي مروري

assia81 · 2012-07-15, 19:01

اقتباس:

المشاركة الأصلية كتبت بواسطة بومزراق يسرى

السلام عليكم و رحمة الله تعالى و بركاته اختي "آسيا" ...هنيئا لك هذا الأجر العظيم فتربية الحيوانات و الرفق بها أمر عظيم ...و لا اريد أن أخوض في الحديث عنه لأننا جميعا نعلم أجره و ثوابه عند الله....لكن عن سؤالك ....فأنا للاسف لم يسبق لي و ان ربيت أي حيوان أليف...ان شاء الله يكون ذلك مستقبلا...تقبلي مروري

وعليكم السلام ورحمة الله وبركاته
صحيح اختي ما تقولينه ان تربية القطط امر رائع جربيه ولن تندمي شكرا لمرورك

manels · 2012-07-14, 23:54

السلام عليكم

موضوعك هايل القطط هايلين عندي وحد القط متشرد ملي كان صغير وهو قبيح ههههههههههههههههههههههه بصح حنا يتودد لينا بزاف
وربيتو قبلو زوج قطط واحد منهم خرج ماولاش نظلو نحوسو عليه

تحياتي الحيوانات الاليفة تعلمك معنى التسامح والعطاء
تحياتي بصح ماقلتيناش اسماواتهم

soso sirin · 2012-07-15, 00:05

انا ماربيتش و تهليت فيهم مي عندنا في الدار القطوطة و بابا يتهلى فيهم و كون مانمدولهمش المالكة يا كلنا تتخيلي اختي راهم عندنا 2 فطوطة صغار و يماهم ماتت مي ماتت حتى كبرتهم شوية ديجا راهم ياكلو ضروك بابا مرات والله يشريلهم السردين على جالهم و الحليب لازم دايمن يكون عندهم الصباح و الجاج واللحم والله كي نمدهولو ياكل الا يروح يقسمهم معاه حنا بابا لازم يكون مع الجمعيات تاع الدفاع عن حقوق الحيوانات انا الصح مرات يقلقوني يظلو يجرو و يتبعو فينا و غي يتحل الباب يجرو يدخلو .هاذو كامل حسنات راكي تدي فيهم زيد الواحد يربي حيوان بلاك يخرج خيرمن الانسان و يشد الخير

assia81 · 2012-07-15, 22:15

اقتباس:

المشاركة الأصلية كتبت بواسطة soso sirin

انا ماربيتش و تهليت فيهم مي عندنا في الدار القطوطة و بابا يتهلى فيهم و كون مانمدولهمش المالكة يا كلنا تتخيلي اختي راهم عندنا 2 فطوطة صغار و يماهم ماتت مي ماتت حتى كبرتهم شوية ديجا راهم ياكلو ضروك بابا مرات والله يشريلهم السردين على جالهم و الحليب لازم دايمن يكون عندهم الصباح و الجاج واللحم والله كي نمدهولو ياكل الا يروح يقسمهم معاه حنا بابا لازم يكون مع الجمعيات تاع الدفاع عن حقوق الحيوانات انا الصح مرات يقلقوني يظلو يجرو و يتبعو فينا و غي يتحل الباب يجرو يدخلو .هاذو كامل حسنات راكي تدي فيهم زيد الواحد يربي حيوان بلاك يخرج خيرمن الانسان و يشد الخير

شكرا لك انا اخذت هذا القط عندما تركته امه ولكن امي لم تسمح لي بتربته لانها تظن ان فيه المرض لكنني اصررت على دلك كان صغيرا جدا لم استطع ان اتركه فوضعته في صندوق وتركته في حديقة المنزل وكنت دائما اعطيه الحليب واحيات اذهب اليه في الليل وكانت امي تمنعني فاصبحت اعطيه الا في النهار المهم انه بخير الان