مشكلة سعر

مشكلتي · 2012-07-10, 13:11

السلام عليكم ورحمة الله

قررت ان اصنع حلوى القريوش لاختى لحفل ابنها الناجح في البكالوريا
ولكن لدي اسباب فقررت ان استعين بالجارة لمساعدتى عرضت عليها ان تعمله لي بمقابل لكن هي وا اختها قالتا ان خيري سابق لن يؤخذن اي مفابل بل هات ادوات الاستعمال وسنعمل لكمقدار كاف للحفلة او السهرة بالتاي
لكن انا ايضا رفضت وقلت لا يمكن ان الجو ساخنوالكمية حفنة قد تتعب الواحد ولم يقلن السعر كم كلما ذكرت لهن كم السعر يفنا ان خيرك سابق
وهكذا ولما اتممن العمل اعطيت لهن 40 ميل لما اتت الي وبدات تقول ان اخاها قال لها لو بهت هذا المقدار بالحبة لتحصلت على مليون كامل و اذا لم تكونب انت لما تعبنا وكلام وكلام لم ارتح اليه ثم بعثت ابنتي واعطيت لها مبلغ مماثل لكن لخد الان لم يهدي لي بال لماذا لو عرفت ان السعر سيكون مليون لما رحت اليها او ربما اكلت حقها خاصة واني نوعي اهرب من الناس الكريمة التي تكرمني كثيرا خوفا من ان لا استطيع ان ارد الذين واحاسب نفسي عندما بقدم لي غير ي الخير وابحث عن طريقة لارد له الجميل
وشكرا

loubna2 · 2012-07-10, 16:37

يا اختي علاش عطيتيها مليون والله المبلغ خيالي جدا واووو
شوفي هذي طماعة وجشعة علاش قبلت هذا المبلغ؟؟
وانتي علاش رضختي لها
هي كي هدرت ولوحت الكلام كان لازم تضعيها عند حدها وتذكريها بما قالته لكي
واش نقولوا انتي تسرعتي هذا اسمو استغلال مليون ماش معقول بتاتا اقل حاجة وزنتي المقدار تاع القريوش وحذفتي قيمة التكاليف وضربتي الباقي في السعر الذييباع في السوق هكذا تنجاي من الله وتقصي عليك المشكل
مثال انتي شريتي ب60 الف تكاليف
وهي عملت لك مثال 5 كيلو تضربي 05*40 الف مثال سعر بيعو في السوق = 200 الف -60الف يبقالها 140 الف
وكلي عليها ربي هذي ماشي جارة انا منك نجبذ روحي منها نهائي
وكلي عليها ربي وخليها

hayet04 · 2012-07-10, 16:56

القريوش بمليون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياو نتاع الجوز و اللوز والبيشتاش و ماهومش بملبون

malak achark · 2012-07-10, 17:18

هداها الله اختي والله هذا مبلغ غال جدا على ما صنعت

milka40 · 2012-07-10, 18:20

روحيلها و صحي وجهك معاها و حاسبيها بالحبة يا اختي القريوش يخدمو فيه كيلو 90 الف القريوش اللي مليح تاع نجمة البحر و فيه تعاب كبير

نجمة ساطعة · 2012-07-10, 18:42

شحال نكره هاذ الاسلوب كان من نهار لول حدت السعر و بلا مزية بلا تكسار راس

اديها عبرة المرة جاية قوليلها لالالالالا شكرا يا تخدميلي بحققك و تحديلي السعر يا مكانش

**نعم أطيعك ياربي** · 2012-07-17, 17:10

اقتباس:

المشاركة الأصلية كتبت بواسطة نجمة ساطعة

شحال نكره هاذ الاسلوب كان من نهار لول حدت السعر و بلا مزية بلا تكسار راس

اديها عبرة المرة جاية قوليلها لالالالالا شكرا يا تخدميلي بحققك و تحديلي السعر يا مكانش

صحيتي من الاول

عُضو مُحترم · 2012-07-10, 19:13

امممم

عندنا حبة مقروض ب 40 دينار

250 حبة بمليون

الله يعلم شحال القريوش هذا اذا فيه التعب اكثر من المقروض اولا

يعني إذا الكمية كبيرة (اكثر من 200 حبة ..... المبلغ معقول جدا

جسر الأمل · 2012-07-10, 21:18

اقتباس:

المشاركة الأصلية كتبت بواسطة عُضو مُحترم

امممم

عندنا حبة مقروض ب 40 دينار

250 حبة بمليون

الله يعلم شحال القريوش هذا اذا فيه التعب اكثر من المقروض اولا

يعني إذا الكمية كبيرة (اكثر من 200 حبة ..... المبلغ معقول جدا

القريوش مافيهش قاع التعب احوجي على السرقة والخيانة عيني عينك، وانت علاه تروحي تمديلها الدراهم انت ثاني شرمتيلها جدها قاع
والله لغايا
شوفي ادا راكي حرة ماتهدريش معاها وقاطعيها

والله لغايا اه لوكان جات جارتنا هههااااااااي نخليها تندم على النهار اللي زادت فيه

مليوووووووووووووووووووون احوجي قاع مليووووووووووووووون علاه بياس مونتي

ياك لفرينة ومشكلينها وقاليينها في الزيت ومعسلينها ياااااااااااااااااااااااااو نندب

زيري روحك مالك قاع هاك وروحي جيبي دراهمك واللي بغا يصرا يصرا والله لشابة

اريج16 · 2012-07-17, 18:54

اقتباس:

المشاركة الأصلية كتبت بواسطة عُضو مُحترم

امممم

عندنا حبة مقروض ب 40 دينار

250 حبة بمليون

الله يعلم شحال القريوش هذا اذا فيه التعب اكثر من المقروض اولا

يعني إذا الكمية كبيرة (اكثر من 200 حبة ..... المبلغ معقول جدا

المقروط حبى ي40
واش هذا حنا البقلوى لاغلى منو ب20 دج الحال عندكم غالي ياسر

عُضو مُحترم · 2012-07-17, 19:38

اقتباس:

المشاركة الأصلية كتبت بواسطة اريج16

المقروط حبى ي40
واش هذا حنا البقلوى لاغلى منو ب20 دج الحال عندكم غالي ياسر

بالصح مقروض مقروض مش لعبة

كاين المقروض تاع 20 دينار

و كاين تاع 25

و كاين تاع 40 دينار

والدراهم مايكذبوش

اريج16 · 2012-07-17, 19:45

اقتباس:

المشاركة الأصلية كتبت بواسطة عُضو مُحترم

بالصح مقروض مقروض مش لعبة

كاين المقروض تاع 20 دينار

و كاين تاع 25

و كاين تاع 40 دينار

والدراهم مايكذبوش

صح كل حجى وسومتها نورمالمو كيما المقروض يتخدم في دار مش تاع شري حوايج اخرى صح نشروها ممكن للوقت او ميعرفوش يديروها لكن باين المنطقة لي راك فيها غاليا
هههههه

الواثق · 2012-07-10, 22:00

القريوش ؟؟؟ اول مرة نسمع بيه ..............بصح مليون نسمع بيها ههههه

staifia · 2012-07-11, 19:13

هههههههههههههههههههههههههه سبحان الله الناس ولات تسرق عيني عينكـ
انت لوكان من الاول معطيتيلهاش مليون و تفاهمتي معاها كان احسن
لكن الان طفرت خلاص خليها تربح بيهم ... كاين ربي
هاداك المليون يخلاص بصح العيب يقعد في وجوهم ربي يهديهم

عبدالله بولنوار · 2012-07-11, 19:45

هذا و خيرك سابق لو كان غير سابق لوين تلحق