تعداد الزوجات...هل هو الحل الامثل لمكافحة العنوسة

djazia94 · 2012-07-07, 18:17

السلام عليكم و رحمة الله
العالم العربي اليوم يعاني من ظاهرة ''العنوسة''
وكل واحد يفسر سبب انتشار هده الظاهرة بمنظوره الخاص
فهناك من يرجعها الى صعوبة ارضاء البنت لكثرة شروطها
وهناك من يرجعها لعدم قدرة الشباب على تحمل عبئ اسرة جديدة
وغير دلك من الاسباب التي تختلف من شخص لاخر
لكن السبب المتفق عليه هو زيادة عدد الايناث على حساب الدكور
فهل الحل هو تعداد الزوجات
وان كان التعداد هو الحل الوحيد هل تقبلين ان يتزوج زوجك عليك
وهل تفضلي ان تكوني زوجة ثانية على ان تضلي عانسة

راجي الصّمدِ · 2012-07-07, 18:35

السّلام عليكم ورحمة الله وبركاته
جزاكم الله خيرا
في الحقيقة الأسباب التي ذكرتموها وجيهة
لكن ماذا يفعل الشباب المغلوب على أمره
والذي لا حيلة له حتّى في إطعام نفسه
فضلا عن أن يتزوج فضلا عن أن يعدّد..!!

قرأت يوما كلاما جميلا حول التّعدد
ففي ظلّ العنوسة المتكاثرة يوما بعد يوم..

فإما أن تحرمَ النّساء من الزّواج أو يلجئن إلى الحرام والعياذ بالله ..!!
نسأل الله أن يحفظ بناتنا وأخواتنا من كلّ سوء

وإما أن يبقى لهنّ حل أخير وهو التّعدد ..
والحمد لله أن سنّ الإسلام للمسلمين التّعدد رحمة بهم ولطفا ..
ونعوذ بالله من سبيل الدّاعين إلى الفجور و اتخاذ الخليلات
وللأسف بعضهم من بني جلدتنا ويتكلّمون بألستنا ..
هداهم الله تعالى ..

MIWAKE · 2012-07-08, 11:05

بارك الله فيك اختي على موضوع لكن راي ان تعدد الزوجات لايحل مشكلة العنوسة في الجزائر لماذا لان المشكل في الجزائر ان النسبة الكبيرة من العوانس هم نساء مابين 33..50..سنة فعندما يريد مثلا مواطن جزائري زواج مرة ثانية من المفروض يذهب الى مراة سنها 35 او40 لسترها لكن الرجل في الجزائر يترك هدة الفئة من النساء و يذهب للبحث عن فتاة جميلة وصغيرة 20سنة مما يخلق المشكل الغيرة لدي الزوجة الاولى و بالتالي ندخل في حلقة مفرغة رجال يتزوجون الصغيرات 20-21-22-23 سنة اما باقي النساء فلن تتزوجن و اذن تعدد الزوجات لن يغير اي شيء في الواقع علما ان النساء في سن 20 لهم فرص اكبر للزواج من نساء 35.40سنة فكروا شوية

djazia94 · 2012-07-10, 12:47

اقتباس:

المشاركة الأصلية كتبت بواسطة miwake

بارك الله فيك اختي على موضوع لكن راي ان تعدد الزوجات لايحل مشكلة العنوسة في الجزائر لماذا لان المشكل في الجزائر ان النسبة الكبيرة من العوانس هم نساء مابين 33..50..سنة فعندما يريد مثلا مواطن جزائري زواج مرة ثانية من المفروض يذهب الى مراة سنها 35 او40 لسترها لكن الرجل في الجزائر يترك هدة الفئة من النساء و يذهب للبحث عن فتاة جميلة وصغيرة 20سنة مما يخلق المشكل الغيرة لدي الزوجة الاولى و بالتالي ندخل في حلقة مفرغة رجال يتزوجون الصغيرات 20-21-22-23 سنة اما باقي النساء فلن تتزوجن و اذن تعدد الزوجات لن يغير اي شيء في الواقع علما ان النساء في سن 20 لهم فرص اكبر للزواج من نساء 35.40سنة فكروا شوية

شكون هدا الي يخلي بنتال20 ويدي بنت ال40
الكثرة اللي يعاودو الزواج على جال الدراري علابيها يحبو يدوها صغيرة

arbodar · 2012-07-11, 15:06

اقتباس:

المشاركة الأصلية كتبت بواسطة djazia94

شكون هدا الي يخلي بنتال20 ويدي بنت ال40
الكثرة اللي يعاودو الزواج على جال الدراري علابيها يحبو يدوها صغيرة

يعني هكذا ما حليناش مشكل العنوسة بما انه الفئة العانسة تبقى بلا زواج بكل حال

djazia94 · 2012-07-08, 11:19

مشكور اخي لكن انا لم افهم لمادا تبقى المراة حتى سن ال30 وال45 ولم تتزوج
اظن ان المشكلة في ان بنات اليوم يشترطن كثيرا
وكدالك ينتظرن حتى يكملن دراستهن و يعملن
وينسون ان الوقت يمر
والفرص تنقص
لكن هناك بنات مسكينات لم ياتيهم احد حتى بلغن ال35 وال40
نقولولهم ربي يفرج عليكم ان شاء الله يا اخواتي

ملاحظة فقط طارح الموضوع djazia94فتاة وليست ولد

MIWAKE · 2012-07-08, 11:31

اختي العانس هي المرأة التي تقدمت في سن ابتداء من 30سنة حيث يقل عدد الخطاب و بالتالي تقل فرص الزواج اما فتاة 20سنة مازال عندها الوقت للزواج
اما الاسباب لانتشار العوانس هدة اسباب 1-الدراسة طويلا
غير جميلة او عقليتها ما تعجبش
مستوها العلمي فاذا كانت متحصلة على شهادات العليا قد تكون مشلكة خاصة اذا كان الخطاب اقل مستوى وهناك اسباب اخر ي فمثلا عندي 2 بنات عمي 28 .30سنة غير متزوجات رغم انهما جميلات و وذو اخلاق عالية لكن المشكل حسب راي ربما تضحكي و لكن لانهما طويلات القامة 1.80

aminerag · 2012-07-08, 11:32

الزواج الان ااصبح على الاقل 40 مليون كثير جدا لذا اظن ان نسبة العنوسة ستزيد يكثير في الجزائر

وهجرة الشباب الرجال الى خارج في تزايد حاصة الجمعيين واكثرهم يتزوجون اجنبيات تقريبا بنسبة 50 بامئة

الحل في يد الدولة هي تسنطيع القضاء على العنوسة لكن اظن ان هذا لن يحدث

djazia94 · 2012-07-08, 11:55

كيفاش الحل بيد الدولة
الشباب اللي يتزوج باجنبيات 50 سنة على جال لكواغط وبزاف منهم يطلقوا ويولو و يدو دزيريات
و انت اختي بنات عمك صحاب الميترا و80 لو كان يروحوا للخارج يطيروا بهم خاطش يحبوا الطويلات هههه
ربي ان شاء الله يجيبلهم مكتوبهم ليهم و لقاع لي مازالو يستناو
ان شاء الله

Rose19 · 2012-07-08, 19:19

كل ما كنت اريد قوله كتب و لكن اريد ان اضيف او بالاحرى اصحح هذه المعلومة
يا جماعة عدد الرجال يفوق عدد النساء في الجزائر باكثر من 100000
في 2012 نحن حوالي 36.3 مليون نسمة
%50.6 رجال و %49.4 نساءءءءءءءءءءءءءءءءءءء
احسبو الفارق
الاسباب الحقيقية ذكرت من طرفكم

djazia94 · 2012-07-09, 11:50

اقتباس:

المشاركة الأصلية كتبت بواسطة rose19

كل ما كنت اريد قوله كتب و لكن اريد ان اضيف او بالاحرى اصحح هذه المعلومة
يا جماعة عدد الرجال يفوق عدد النساء في الجزائر باكثر من 100000
في 2012 نحن حوالي 36.3 مليون نسمة
%50.6 رجال و %49.4 نساءءءءءءءءءءءءءءءءءءء
احسبو الفارق
الاسباب الحقيقية ذكرت من طرفكم

هاد الشي الرجال اكثر و كاين هاد المشكل
اتخيلوا لوكان جاو النسا كثر

المارد الجنوبي · 2012-07-09, 14:08

اضن ان تعدد الزوجات قد يكون حلا وذلك لحكمة لا يعرفها الا هو سبحانه ..ولكن هناك اسباب اخرى لمشكل العنوسة

منها عدم التوافق بين نسبة الذكور والاناث نسبة الاناث اعلى بكثير من الذكور وهو مايخلق مشكل

soso sirin · 2012-07-09, 14:21

المشكل ماراهش في انو الرجال راهم قلال من النسا و لا راه في الخدمة مكانش و لا راه في الطفلة تتشرط المشكل راه اكبر من هكا المشكل انو النية نقصت و الزواج ولى بلاك حاجة ثانوية كيرانا نقولو الخدمة مكانش امالا كيفاه تلقى شي رجال يصرفو على نسا ماعندهم حتا علاقة بيهم و كي تقلو الزواج يقلك ماعنديش الدراهم امالا الحلال ماعندكش و الحرام راه عندك.الطفلة راهي تتشرط امالا علاه تقبل تصبر على واحد ماهو باينلو والو و ماعندوش الدراهم و ترفض الشخص الواجد الي يجيها يخطب .وزيد راكم تقولو لبنات راهم يتشرطو امالا علاه تقبلو بشروطهم و تروحو تخطبو ربي يسهل عليكم و الي قبل بالشي الغير معقول هو راه راضي لانو كاين شي عايلات مايتشرطوش و ماتقولوليش مكانش الحمد الله كاين والله انتشرت العزوبية لانو الراجل ماراهش يبغي يتحمل المسؤولية و الحرام راه ساهل على الحلال و الطفلة تاني راهي تقبل بشي ظروف مكانش وحدا مربية تقبلهم ربي يهدينا اما التعدد ماراهش حل لانو في الاخير من التعدد ندخلو في قضايا الطلاق و والواحد ماخصوش مشاكل كثر و زيد اذا كاين رجال بمعنى الكلمة بلاك تم نخمو في التعدد لانو المشاكل راهم بين الام و الكنة امالا كيفاش راح تكون بين الضراير

__الهاوي__ · 2012-07-09, 18:11

اقتباس:

المشاركة الأصلية كتبت بواسطة soso sirin

المشكل ماراهش في انو الرجال راهم قلال من النسا و لا راه في الخدمة مكانش و لا راه في الطفلة تتشرط المشكل راه اكبر من هكا المشكل انو النية نقصت و الزواج ولى بلاك حاجة ثانوية كيرانا نقولو الخدمة مكانش امالا كيفاه تلقى شي رجال يصرفو على نسا ماعندهم حتا علاقة بيهم و كي تقلو الزواج يقلك ماعنديش الدراهم امالا الحلال ماعندكش و الحرام راه عندك.الطفلة راهي تتشرط امالا علاه تقبل تصبر على واحد ماهو باينلو والو و ماعندوش الدراهم و ترفض الشخص الواجد الي يجيها يخطب .وزيد راكم تقولو لبنات راهم يتشرطو امالا علاه تقبلو بشروطهم و تروحو تخطبو ربي يسهل عليكم و الي قبل بالشي الغير معقول هو راه راضي لانو كاين شي عايلات مايتشرطوش و ماتقولوليش مكانش الحمد الله كاين والله انتشرت العزوبية لانو الراجل ماراهش يبغي يتحمل المسؤولية و الحرام راه ساهل على الحلال و الطفلة تاني راهي تقبل بشي ظروف مكانش وحدا مربية تقبلهم ربي يهدينا اما التعدد ماراهش حل لانو في الاخير من التعدد ندخلو في قضايا الطلاق و والواحد ماخصوش مشاكل كثر و زيد اذا كاين رجال بمعنى الكلمة بلاك تم نخمو في التعدد لانو المشاكل راهم بين الام و الكنة امالا كيفاش راح تكون بين الضراير

الذي يدمع عيون المرأة هو تصرفات الرجل بعد التعدد وليس إقدامه على الزواج من ثانية، وكذلك تركيبة المجتمع الجزائري الذي يقدس كلام الناس على كلام الله.
كما قال بعض الأخوات: المرأة عندنا تعرف أن زوجها يخونها، بل هو يتبخثر عليها بخيانتها، ولا تحرك ساكنا لأن الخيانة مرضاة للشيطان.
ولكن إذا قال لها أتزوج بثانية مرضاة لله، فإنها تثور وتطارده شكوة شكوة، ندبة ندبة، زنقة زنقة.
المشكلة في بلادنا هي مشكلة تفكير وليست مشكلة واقع.
التعدد قد يمثل 0.1% في حين الخيانة الزوجية تمثل أكثر من 20%، يعني بما يقارب 200 ضعف، وترانا نتهم المعدد ولا نتهم الخائن. فكيف ستنجح تركيبة مجتمعنا الحالية؟؟؟

النسب المذكورة كانت بإشفاق، لأن الخيانة الزوجية صارت موضة، والتعدد صار ذكرى، فالله يهدينا سواء السبيل.
أرجوا أن تقبلوا كلامي بصدر رحب

soso sirin · 2012-07-09, 23:11

اقتباس:

المشاركة الأصلية كتبت بواسطة __الهاوي__

الذي يدمع عيون المرأة هو تصرفات الرجل بعد التعدد وليس إقدامه على الزواج من ثانية، وكذلك تركيبة المجتمع الجزائري الذي يقدس كلام الناس على كلام الله.

كما قال بعض الأخوات: المرأة عندنا تعرف أن زوجها يخونها، بل هو يتبخثر عليها بخيانتها، ولا تحرك ساكنا لأن الخيانة مرضاة للشيطان.
ولكن إذا قال لها أتزوج بثانية مرضاة لله، فإنها تثور وتطارده شكوة شكوة، ندبة ندبة، زنقة زنقة.
المشكلة في بلادنا هي مشكلة تفكير وليست مشكلة واقع.
التعدد قد يمثل 0.1% في حين الخيانة الزوجية تمثل أكثر من 20%، يعني بما يقارب 200 ضعف، وترانا نتهم المعدد ولا نتهم الخائن. فكيف ستنجح تركيبة مجتمعنا الحالية؟؟؟

النسب المذكورة كانت بإشفاق، لأن الخيانة الزوجية صارت موضة، والتعدد صار ذكرى، فالله يهدينا سواء السبيل.

أرجوا أن تقبلوا كلامي بصدر رحب

هي مكانش امراة تقبل راجلها يتزوج عليها و حتى و يكون راح يعدل هاذي طبيعة المراة لانو غيورة بزاف هي تغير من يمات الراجل امالا كيفاه راح تقبل بوجود امراة اخرى و حتى و يبقى مليح معاها و زاد المراة في هذا الموضوع مايهمهاش كلام الناس يهمها روحها برك لانو مادام خمم في مراة وخدخرى معنتها كاين حاجة هي ماقدرتش توفرها لراجلها ربي صح و رانا مامنين انو ذكر التعدد مي في حالات ماشي الراجل كي راسو يضرو و لا يكون فارغ يخمم يتزوج .المراة الي تعرف بلي راجلها راه يخون فيها و مادير والو و كي يقلها بلي راح يتزوج دير هيلولة تستاهل باه يرجموها لانو الي تقبل خيانتها ليه نوغمالمو تفرح بزواجو لانو علاقة في الحلال و لا عشر علاقات في الحرام.التعدد هوامر رباني هو حلال لكن في حالات و لا يجب التعميم مي الخيانة موضوع اصلا لا يمكن مناقشة فاعلها .و من تقبل بخيانة زوجها و تتستر عليه و تقول يدور يدور التالية تاعو يرجعلي انا من عندي غير تروح تموت خير لانو هي و هو كيفكيف