ماذا اقول ؟....

[ليلى خانم]

السلام عليكم ورحمة الله ورحمة الله تعالى وبركاته

بصراحة انا انسانة خجولة وما يميزني ويبعد الناس عني هو الصمت نعم الصمت ،لايعني الصمت لدرجة اني لا انطق حرفا بالعكس يعني اتكلم قليلا
لا تقولون لي ان الانسان الصامت مفضل عند الناس فهناك واحدة قالت لي بطريقة شبه مباشرة ان الناس لا يحبون الانسان الصامت ويفضلون الذين يتكلم كثيرا
اذا كانوا يردونني ان اتكلم فماذا اقول ؟؟؟؟؟؟؟؟؟؟؟؟؟؟؟:conf used::conf used:
هل علي ان اغتاب ؟ ان اتكلم كلاما ليس له فائدة ؟ ان اذكر محاسني وبعدها احسد عليها ؟ وخصوصا بعدما تاكدت من هذا من كلام ابراهيم الفقي
انا اشاركه القول وانا معه مئة بالمئة فقال " لا تتحدث عن أموالك أمام فقير، لا تتحدث عن صحتك أمام عليل،
لا تتحدث عن قوتك أمام ...ضعيف، لا تتحدث عن سعادتك أمام تعيس،
لا تتحدث عن حريتك أمام سجين، لا تتحدث عن أولادك أمام عقيم،
لا تتحدث عن والدك أمام يتيم..فجراحهم لا تحتمل المزيد..

زِن كلامك في كل أمور حياتك واجعل مراعاة شعور الآخرين جزءاً من شخصيتك..
حتى لا يأتي يوم تجدك فيه وحيداً مع جُرحك .!
فلا ترقص على جراح الآخرين ... كي لا يأتي يوم تجد فيه من يرقص على جرحك"
واذا تكلمت في الدين يقولون عني معقدة ولا يستفيدون شيئا
واذا تكلمت عن الدراسة يجيبونني على قد السؤال و يفتحون من سيرة الدراسة طريقا ليغتابوا الاستاذ او يحسدونني
فماذا علي ان اقول ؟

[فرد من عمار الأرض]

كاين ملايين المواضيع الهادفة للنقاش وملايين النصائح والحكم لتقال..ولكن المشكل ليس ماذا نقول...ولكن لمن نقول؟؟ ومع من نتكلم ونتناقش؟؟ ربي يهدينا كامل نحن أمة بحاجة لعدة اصلاحات في الذات كي نتغير وننهض

[ليلى خانم]

شكرا لك اختي بارك الله فيك ولكن اين اجد من اتكلم معه في المواضيع الهادفة ؟

[معجزة الاكوان]

مش الاهم انك تهدري بزاف
الاهم انك تعرفي وش تهدري ويكون مفيد
والاهم الاهم تهدريه وكلك ثقة
ميقدروش يتجرؤو وينتقدوك
حاجة اخرى مستحيل ترضي الناس
يا مثرثر يا ابكم يا يضحك بزاف المهم يعيبوك
فدعيك منهم يقولو وش يقولو مسحيهم من راسك مش
حيدخلوك للجنة
ومليح ساعة ساعة تلوحي كلمة كتعقيب على حديث وحدة ولى المهم
انا من هدرتي يعيطولي الفيلسوفة كااااامل حتى اني
شحاال بش سمعت بلي المنطقة كل يعرفوني باسم فيلسوفة بصح نورمال

[BAROUD]

يقولوا بالرومية :
Si ce que tu vas dire n'est pas plus beau que le silence, alors tais-toi

[soso sirin]

نقلك حاجة اختي ماتقلقيش روحك كامل .انا والله كنت ساكتة حتا كانو يقولو عليا امانة كون مايسقسونيش مانهدرش و نجاوب على قد السؤال ارواحي شوفيني ضروك تقول عليا بوست خاسر و لا الجزيرة على هكا ماتتقلقيش كامل روحك و زيد اهدري مي اهدري واش انتي باغية ماتهدريش باه ترضي الناس المهم ترضي ليلى و زيد اهدري الشي الي انتي مقتنعة بيه و ماشي شرط لازم تصاحبي الموند كامل صاحبي الناس الي يتوالمو معاك و ماشي شرط لازم تمنشري و لا تهدري على الناس.السكات مليح مي الهدرة تاني مليحة على هكاولفي روحك تهدري لانو صح الواحد يبغي كي يريح مع واحد يهدر معاه مايبغيش يحس روحو راه في ليكول سؤال و جواب

[مريم الصابرة]

السلام عليكم اختي الصراحة قولك صادق لكن الكلام النافع اكيد مليح الصراحة انا نهدر وفي كل المجالات ونحكي مع كل الاعمار يعني نعرف نقادر الكبير ونحترمو ونعرف نسايس الصغير ولكن مرات وكاين نوع من الناس من الافضل الصمت قدامهم على هذا مرات الصمت مليح ننصحك تختاري كلماتك وتعرفي النوع من الناس اللي تحكي قدامها شكرا موفقة

[امينة 1991]

انا اعاني من نفس مشكلتك الاخت ليلى , الناس يشوفوا الي عندو شخصية قوية يقيموا هدرتو والعكس صحيح لكن انتي كيفما كانت شخصيتك تكلمي , تكلمي مثلما تحبين لان الوحيد الذي من حقه ان يحاسبك على كلامك هو خالقك الله عز وجل بالتوفيق اختي