عندي مشكلة ويا ريت تساعدوني

امل شريف · 2012-07-04, 22:27

مساء الخير
انا بمشكلة ويا ريت تساعدوني انا مخطوبة لشب سوري وعايش بالامارات وحابيين نكملو العقد بالصح مانيش عارفة وشنو الاوراق اللازمة لعقد الزواج لغير الجزائري وكيما قالولي الناس انو في عراقيل كبيرة قبل ما نعقدوا ولازم معريفة كبيرة في الولاية وفي السفارة يا ريت تخبروني وشنو الاوراق اللازمة وصح العقد يطول 4 اشهر على الاقل
وهل نقدروا نعقدو في الامارات من يغر ما نعقدو هنا في الجزائر والله انا في حيرة من امري تعيشوو ساعدوني

~~فقير و باغي نطير~~ · 2012-07-04, 23:26

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

النجمة القطبية · 2012-07-04, 23:41

الله اعلم لا فكرة لدى
انا اوراق تع بلادى منعرفهمش هههههه
وزيد الحومة مازال منعرفهاش مليح باش نعرف الامارات :d
المهم نشا الله يدخلو يعاونوك
بالتوفيق

hayet04 · 2012-07-04, 23:45

اقتباس:

المشاركة الأصلية كتبت بواسطة فقير و باغي نطير

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhh dahaktniiii

سعاذ · 2012-07-05, 20:06

سلام عليكم
اولا اختي الف الف مبروك
اختى العقد مافيه حتى مشكل وساهل ماهل انا نهدر على عندنا في الجزائر اما في الدول الاخرى الله اعلم وعقد يخرجلك ثمثم سورتوا لاكنتوا مزروبين يعني على اقصى تقدير 4 ايام
انا دوك نهدرلك واش لازم للعقد في الجزائر
اختي باه تعقد يلزملك اولا تصريح باقامة فرح وباش تخرجيه لازم احد الزوجين يسكن في البلدية لي يتم في العقد ومادام هو ماسكنش هنايا تصريح باقامة فرح ديريه باسمك انتي
اختي ابعثي ولي امرك او حتي زوجك المستقبلي للبلدية لمصلحة المحاسبة ويقوللهم يديرول تصريح باقامة فرح وباش يديرولك يطلبوا شهادة الاقامة تاعك وبطاقة التعريف تاعك المهم تسلكي وكل بلدية حطا سعر محدد من خمسين الف فما فوق ومدة صلاحية هذا التصريح شهر يعني لا معقدتيش خلال شهر تظطري الى احضار تصريح اخر وانا ننصحك باش تخلي هذى التصريح اخر حجا خاطر هو ساهل
اما الوثائق الاخري هي
-شهادة ميلاد اصلية لزوجين
- شهادة العزوبية لزوجين
- شهادة الاقامة لاحد الزوجين (في هذى الحالة ليك انت )
- شهادة طبية ماقبل الزواج لزوجين
- تصريح باقامة فرح
-2 شهود
- ولي الزوجة
وكي تروحي تعقدي ادي معاك بطاقة التعريف تاعك وتا الزوج تاعك
اذا كانت الزوجة اقل من 19 سنة لازم تخرج اذن بالزواج من المحكمة
هذا في الجزائر اما خارج الوطن الله اعلم ذوك نحاول نستفسرلك ولا لقيت اجابة اني نقولك
وللمرة الف الف مبروك