حلوى كيندر اللّذيذة

bijiji · 2012-07-04, 12:15

السلام عليكن حبيباتي حبيت نقدملكم حلوى كيندر اللّذيذة
المقادير
رطل دهان
4 حبات بيض 2 صفار و 2 كاملين
10 مغارف ك كاكاو
4 مغارف سكر رطب
2 باكي فاني *
2باكي فرفارة - خميرة الحلوى-
فرينة
[u[(255, 140, 0)"]الحشو[/color][/u]
كوكاو+ حلوة الترك نص نص بمعنى اذا خذيت عبر كوكاو ندي عبر حلوة الترك
شوية زبدة ذايبة
نصف مغرف صغيرة فرفارة
ماء زهر و عسل باه نلمو الحشو
ا ا لتحضير:
في صحن كبير نخدم الزبدة مع السكر مليح بكف اليد ثم نضيف البيض و نخلط بيدّي نضيف الفاني و الكاكاو و نخلد مليح ثم نضيف الفرينة و خميرة الحلوى تدريجيا حتى نتحصل على عجينة طرية نخليها ترتاح 10 دقائق
في صحن آخر نحط الكوكاو و حلوة الترك و الفرارة و الزبدة و رشة ماء زهر و نلموها بالعسل
نجيب العجينة بعد ما تكون ارتاحت نأحذ كورة صغيره قد حبة الجوزة او أكبر شوية و نحلها فالكف و ندير في وسطها كورة صغيرة من الحشو و نكورها في يدي حتى نغلق على الحشو
نحط الكرات في سني و ندخلها للفرن تطيب مي ماتحمريهاس بزاف
كي نخرج الكرات من الفرن نخليها تبرد شوية و نغطسها في الشوكولاطة و نخلّيها تنشف و نقدّمها بالصحة و العافية
ملاحظة
الحلوى تطيب في ليكيسات باش ماتتخسّرلكش.