غابت وناسة خاطري

[بنت اولاد نايل]

بسم الله ياخلقي عالي القدرة
وهذي الكلمة شاهي نسهل مبداها
قلت نجيب على ماهذي الكلمة
وعلى دنيا الفانية امنا ها
بكري كانت بيتنا ديما حمرة
ولي يقدى للبيت عينو تراها
من كانت ميمتي بكري مرة
وذرك راحت كانا ماشفناها
في مدة عامين هي مضرورة
وعاشرها الضر حتان داها
خضينا الحمالة ورانا شرقنا
وقيس الظهر في جبانة حطيناها
أحفرنا شبرين عنهم ما زدنا
وحطيناها فلقبر ويمنا ها
قرينا الفاتحة عليها بالكثرة
وشهدنا بالخير جمعات معاها
نمشي الخطوة ونتلفت لورى
قلت لقلبي قاصبر متناها
الحقنا للبيت وحضرنا مرة
وتجملت لحباب جملة بنساها
طول الليل وهي طلبة تقرى
من راس القران حتنا ختمناها
وقلت نبكر شوارها قيس البكرى
والحنانةاليوم شاتي نصفاها
لحقت للجبانة ضربتلها دورة
ونحسب روحي قا نصفى نلقاها
أهداوني ياخاوتي نبكي مرة
وعلى وناسة خاطري متناها
هي راحت لتراب مستورة
وأنا باقي في المحان وراها
بصلاة الرسول نختم ياحضار
هي مفتاح القلب لا تنساها

تحياتي بنت اولاد نايل