مشكلة مع زوجتي

yainoabs · 2013-07-06, 00:37

السلام عليكم
انا شاب في 32 سنة من العمر اعمل عقود ماقبل التشغيل متزوج منذ 3 سنوات ولي بنت اسكن في بيت والدي
احكي لكم قصتي اليوم الجمعة زعمة عيد الاستقلال عند ذهابي الى احضار زوجتي من دار ابيها
لم توافق الذهاب معي
وصدمتني عندما قالت لي بالحرف الواحد قالت لي اكريلي من روحش معاك لازم تكري هي تعرف وضعي لا أستطيع الكراء لها اجرتي لا تتعدي المليون 10.000 دينار جزائري قاتلي منروحش معاك لازم تكريلي
انا لا استطيع مالعمل
للعلم انها تزوجت بي وتعرف وضعيتي
لا توجد مشاكل في بيتنا لا أدري ما السبب
والله صدمتني بقرارها
ما هي الاجراءات القانونية
والله والله العلي العظيم ندمت على الزواج والمشكل الدي يبكيني ابنتي راها غايضتني بزاف

yainoabs · 2013-07-06, 00:41

من خلال كلامها هي تريد الانفصال والله جرحت كرامتي وأذلتني
من عقود الاذلال في العمل الى عقد الذل في البت من الإذلال منيش خراج يا ربي الطف
انيروني بنصائحكم راني منيش نرقد
جزاكم الله خيرا

soso sirin · 2013-07-06, 00:58

ربي يفرج عليك ان شاء الله مي انت علاه ماهدرتش معاها بلاك عندها مشكل و على هكا قاتلك كريلي و ماترجعش لداركم اهدر معاها و شوف واش تقلك اذا مكانش سبة باينة و في وجه بنتك اهدر نيشان مع باباها و قولو نهار جيت خطبت تعرفو حالتي و عارفيني مانقدرش نكري و شوف باباها واش يقلك في مواقف كيما هاذي و تخشان راس المرا احسن حل يدخل الاب تاعها و اذا كان باباها راجل مليح و يخمم للبعيد غير ماتخافش هو راح يوصلها حتى لباب دارك لانو مكانش اب يبغي بنتو تطلق.ربي يحلها من عندو ان شاء الله و يهدي مرتك و ترجع لدارك و تتحسن لحوال

الماسة النادرة · 2013-07-06, 01:19

اخي الكريم انا نعطيك راي اذا سمحت اولا لازم تخمم كيفاش راحت لدارهم زعفانة ولاعادية ولاحسيتها راها تخمم فيكاش حاجة زيد الحوايج ادات بزاف فوق العادة ولاعادي زيد دارهم يعمرولها راسها ولا لا وزيد تلاقات مع كاش واحد من عائلتها الي يمكن يكون حرضها ولا اثر عليها زيد مكانش دخان بالا نار زيد انا مرانيش نحرش فيك لكن يااخي متركعش لانوا اليوم طالباتك بالسكن غدوة تقولك خدمتك بدلها وزيد انت الراجل ومكذبتش عليها و واش نقولك زيد هدر مع باباها ولاخوها باش تولي قبل رمضان راه الحال صعيب واخيرا الله يجمع شملكم ويحنن قلوبكم على بعضاكم

ASKme · 2013-07-06, 01:24

عمروها في دارهم

yainoabs · 2013-07-06, 09:04

لحد الآن والله ماني عارف السبب المهم الصراحة جرحتني في كرامتي حسيت روحي منسواش

يونس معبدي · 2013-07-06, 09:12

اعذروني اخوتي لكن هناك بعض العائلات في البداية
تسعى الى تزويج بناتهم
ومن بعد تبدأ في اختلاق المشاكل بالشروط التعجيزية

يعني عقود ما قبل التشغيل واش راح تكفي
مصاريف وكراء
و..
ثم الى هذا الحد وصلت العقلية نتاع البنات
متزوجة تقول لزوجها ما نرجع معاك

لا حول ولا قوة الا بالله

مثل هاته القضايا يلزمها رجال كبار لحلها
يعني شوف الوالد يحكي مع الوالد نتاعها
وربي يقدر الخير

حكاية منسية · 2013-07-06, 09:17

روح لباباها و اهدر معاه و اشرحلو الوضع ديالك
ان شاء الله مايكون غير الخيير

maiar · 2013-07-06, 09:24

اخي ماتقولش مكانش مشاكل بلاك كاين و محكاتلكش برك على هذيك تحب تسكن وحدها هذه من جهة حبيت نقولك برك مش اذا ما شكاتش المراة معناها مكاين والو مكانش دخان بلا نار
ثانيا مش بالاجراءات القانونية اخي راك راجل و و رب اسرة و الحكمة و العقل يكونو منك ما تخليش بنتك تروح مع الرجلين ما تحوس لا على اجراءات قانونية لا والو راك رايحة تخسر اكثر و اكثر بالعكس بالساسة انت ادرى بزوجتك تكلم معها و فهما مرة و زوج حتى تعقل او على الاقل تفهم السبب لي خلاها تقول هكذا و طول بالك معها اذا ما فيش فايدة اهدر مع باباها و ان شاء ما يكون غير الخير

ربي يفك احوالك و يرزقك بخدمة

المهدي بن تومرت · 2013-07-06, 09:32

سبحان الله حتى المرأة تذل زوجها في هاته البلاد لأنه فقير

yainoabs · 2013-07-06, 09:51

المشكل راها عارفة ظروفي مكاين حتى مشكل بيناتنا كفاه دارتهدا القرار منيش عارف

ميمي سمية · 2013-07-06, 10:03

اقتباس:

المشاركة الأصلية كتبت بواسطة younesi

اعذروني اخوتي لكن هناك بعض العائلات في البداية
تسعى الى تزويج بناتهم
ومن بعد تبدأ في اختلاق المشاكل بالشروط التعجيزية

يعني عقود ما قبل التشغيل واش راح تكفي
مصاريف وكراء
و..
ثم الى هذا الحد وصلت العقلية نتاع البنات
متزوجة تقول لزوجها ما نرجع معاك

لا حول ولا قوة الا بالله

مثل هاته القضايا يلزمها رجال كبار لحلها
يعني شوف الوالد يحكي مع الوالد نتاعها
وربي يقدر الخير

نعم الاخ معه حق شوفو رجال كبار باه يحلو المشكل

واحكيم عاها شوفها تراه وش خصها كشي ماتقابضت مع واحد من عايلتكم ولا حاجة كيما هكذا

yainoabs · 2013-07-06, 10:48

غير الاهانة منقبلهاش شكون لعمرها الله أعلم المهم راحت الوادة اليهم اليوم كي تجي نعرف المشكل وينهو

* الحلم سكر * · 2013-07-06, 10:54

السلام عليكم ..
اخي واحدة من زوج اما كاين مشاكل و حساسيات بينها و بين داركم و ماحكاتـلكش ...
و اما كاين كلام سمـعاتو في دارهم غيرلها رايها و تفكيرها

بكل الحالات رايي من راي الاخوة خلي واحد كبير يتدخل
و نحب نقلك خويا مادامك تخدم و تجيب الدورو و معاها مليح راك راجل و نص لا ذل لا والو ... الذلـيل صح هو اللي يعبد المادة و انت باذن الرحمن يجيك نهار و تفرج عليك و يا حسراه ياما ناس ضاقت بيهم و نهار فرجت عوض عليهم ربي باكثر ما كانوا يتوقعوا .. اصبر خويا و ثيق في روحك قضية وقت برك

و بالنسبة لزوجتك باه واحد ما يظلمهاش اتصارحو و اذا لزم قدام واحد كبير و من حقك تفهم واش كان و هي لازمها تعيش على قد طاقتك و اكيد لازمها تهدر اللي في قلبها و تصارحك علاه خمت هكذا
ربي معاك و ان شاء الله تبشرنا باخبار مليحة
سلام

السي محمد · 2013-07-06, 10:56

بما انه لم يكن مشاكل مسبقة بينكم

فالاكيد انه ( كلام نسوان) و تعمار الراس من طرف نساء إما في بيتها او صديقاتها

انا ننصحك

1 تصبر عليها شوية

2 قوللها ما نكريش ارجعي لدارك

3 اتكلم مع عاقل في عائلتها الوالد أو احد الاخوة

و ربي يوفقكم و يصلح احوالكم

أكثر من الاستغفار و قول ( لا حول و لا قوة إلا بالله) و الدعاء

ان شاء الله ربي يرزقك من الحلال