اطباق عيد الاضحى ** متجدد**

[it's me]

السلام عليكم و رحمة الله تعالى و بركاته
نتمنى تكونو كامل بخير
مع اقتراب عيد الاضحى حبيت نخصصو هذه الصفحة نجمعو وصفات متنوعة و اطباق رئيسية و اللي عندها وصفة ماتبخلش بيها و يكون موضوع متجدد ان شاء الله وبلا ماننساو بلي المنتدى فيه مبتدئات

[ana hia]

صح و الله . Bonne idée

[أم ياسين الزهراء]

شحال نحب عيد الكبير هههههههههههههههههههه راح نعطيكم طريقتي في المخ ساهلة وماهلة وبنينة وتصلح للمبتدات

تحكمي المخ تغليه شوي مع ملح وخل ومنبعد تصفيه وتحطيه في مقلى مع الزيت والملح وتبداي تفتتي فيه بالمغرف طبعا تاع الحطب وتزيدي عليه بصل مقطع قطع صغار والثوم وتخليهم يتدبلو وتزيدي عليهم طماطم حب مرحية والهريسة والفلفل الاكحل وكيطيب الطماطم ترمي عليهم البيض على حساب الكمية اللي تحبي انا ندير بزاف لان عائلتي كبيرة الله يبارك ونزيد الدبشة او الحشيش ونطفي عليه كيطيب البيض وبالصحة وصفة خفيفة وبنينة

راح نحاول كل مرة نعطيكم طريقة من طرقي

وشكرا على الموضوع

[*نسرين]

موضوع رائغ شكراااااااااااااااااااااااااااااااااااااا

[ام عبيدة]

بارك الله فيك

فكرة مليحة يعطيك الصحة

[nadjet45]

ان شاء الله يفيدونا بالوصفات وفكرة هائلة اختي شكرا

[it's me]

شكرا ام ياسين حبيبتي
نمووووت على المخ مع البيض يعطيك الصحة و في انتظار المزييييد

[it's me]

غراتان بوزلوف
المقادير: رأس خروف، حبتا طماطم، بصلة، 4 فصوص ثوم، قرنفل، ملح، فلفل أسود، سكنجبير، قرفة، حشيش مقطفة.
التحضير: يُغلى رأس الخروف جيدا مع التوابل غير المطحونة التي تجمع في قطعة من قماش “الشاش” وهي القرنفل، القرفة، سكنجبير، فلفل أسود، ومع الملح وحبة بصل إلى أن ينضج. بعد أن يستوي جيدا نقوم بفصل اللحم عن العظم، ثم نقوم بتقطيع لحم رأس الخروف إلى قطع صغيرة، نضعها في طاجين ونقليها جيدا مع ملعقتي زيت، كمون، فلفل أسود، كروية وكركم، ثم نضعها في صينية زجاجية خاصة بالفرن. نضع في الخلاط الكهربائي حبتي طماطم، حشيش مقطفة، نعناع، معدنوس، 4 فصوص ثوم وبصل، تطحن جميع المكونات ثم تسكب على اللحم الذي يوضع في الفرن لـ45 دقيقة بعد تغطيته بورق الألمنيوم، ثم يستهلك ساخنا

[it's me]

كبدة بالبصلة


المقادير

500gr كبدة انا درت ديال الغنمي
عصير نص حامضة
نص كاس الماء
نص كاس زيت الزيتون
قزبر ومعدنوس
2 فصوص التومة
عطرية معلقة الكامون ومعلقة التحميرةوالملح
بصلة مشلظة كبيرة


الطريقة

تشوي الكبدة في مقلة متتلصقش باش تحيدي منها الدم


تتخلطي عصير نص حامضة نص كاس الماء نص كاس زيت الزيتون

تزيدي عليهم
قزبر ومعدنوس التومة

والعطرية

وتخلطي كلشي وتدخليه للتلاجة ساعة

تشحري البصلة

تم الضيفي عليها الكبدة ونص كاس الما وخليهم يطيبو

[ام ياسمين10]

ربى يحفظكم رانى نتبع فيكم رانى مبتدئة

[cuisineshowdalatifa]

يوم سعيد
عجبتني الفكرة تع its me , و إن شاء الله راح نشارك بوصفات , لكن عندي سؤال , هذي وصفة بوزلوف مجربة ولا لا

[mon poupon]

انا عندي وصفة للمخ ارووع ما يكون

كل ما نطيبها يقولو جات ابن من اللي فاتت


شدي لمخ اغسليه مليح مليح و خليه يقطر

في مثلى حطي شوي زيت و سنة ثوم مكرازي و واحد فلفل حار منقي و مقطع رقيق، من بعد زيدي عليه حبة طماطم مقطعة صغير، تبليها بالفلفل اسود و نصف م ص كمون و اضيفي المخ ، بالملعقة فتي المخ و خليه شوي برك على النار ،

و ذوقي بالبنة و رجعيلي الخبر ههههههههه

[mon poupon]

و عندي وصفة للرأس محمر في الفور من ألذ و اروع ما يكون

شدي الرأس قسميه على زوج في النص

حطيه يفور مع فلفل اسود كمون معدنوس ملح مدة طويلة شوي حتان يطيب الرأس

و من بعد شديه امسحيه بالزيت او الزبدة كامل و اضيفي فلفل اسود شوي كمون و على الفرن

لما يتحمر قدميه

و الله يجي. روووووعه رووووووعه تآكلي صباعك موراه

[mon poupon]

و كاين تاني الكرشة نقليها في شوي زيت مع الملح و فلفل اسود و الله تجي روووووعه بنينة مقرمشة

[دائمة الحمد]

موضوع جديد عجبي نحط ليكم هذي الوصفة راهي جاهزة وكاشما تذكرت نزيد نرجع



قلاية دائمة الحمد

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.


نسموها قلاية
نطيبو الدوارة في الماء حتى تنشف ونزيدو ليها التوابل والطماطم كعب مرابية وشوية طماطم كونستري ونقصو خلاص حتى تصفي ايدامها ونرموفلفل ومعدنوس انا نحيت هنا ليدام ما يحبوشو وهي في الاصل تجي بيضة انا نعملها حمرة على جال سي السيد يحبها هكا
وكي نطيبوها مرقة بالحمص نسموها بكبوكة وكي نطيبوها مرقة بالبطاطة نسموها مرقة بالدوارة