أريد مساعدة

روح مراد · 2014-05-22, 13:58

السلام عليكن أخواتي العزيزات
شكرا لكن على المواضيع و القيمة التي تدل حقا على إبداع النساء في المطبخ
أخواتي العزيزات رمضان على الأبواب ربي اقدرنا عليه إن شاء الله و يثبتنا على طاعة الله
و الله أخواتي بقدر ما أفرح بقدوم الشهر الكريم بقدر ما أخاف و أتعب من التفكير قبل حلوله باشهر و أشهر
قد تتعجبن لماذا؟
الإجابة بسيطة و لكن واقعها جد صعب
اخي بمجرد أن يصل شهر رمضان يتحول إلى شخص نباتي (لا يحب أكل اللحوم بتاتا لا لحم و لا دجاج)
هذا أمر سهل و الجميع يراه أنه غير متكلف و لكن المشكلة تكمن في أنني يجب عليا أن أحضر له كل يوم طبق بدون لحم و إن أعدت مثلا تحضير الطبق مرة ثانية فإنه لا ياكله
عليا أن أخترع 30 طبق لذيذ و جميل و مغذي يصلح أن يقدم كوجبة كاملة مع سلاطة فقط لأنه لا ياكل لا شربة و لا بوراك و لا طبق ثاني حتى الصلاطة أحيانا لا يأكلها
لذا أطب مساعدتكن أخواتي كل واحدة منكن تقد لي طبق و أجركن على الله

أم ماجد · 2014-05-22, 16:55

كاينة بطاطا صوتي تاع الهام روعة

ryhem 16 · 2014-05-23, 10:44

سلام أختي

شوفي تقدرو ديرولو حساء مكان الشوربة مثلا حساء الفطر للأخت الهام بنين و مغذي

https://www.djelfa.info/vb/showthread.php?t=1525961

حساء البصل لأخت الهام بنين جربي طيبهولو مع عواشر رمضان و شوفي ردت فعله أختي

https://www.djelfa.info/vb/showthread.php?t=1461886

حساء الأخت فايزة ماشي باللحم و بنين و تقدري تتحكمي في السماكة ديالو يعني ديريه عاقد

https://www.djelfa.info/vb/showthread.php?t=1151491

تغميسة بالخضار للأخت مقدسية تقدري تتحكمي في لحرورية تاع الطبق

https://www.djelfa.info/vb/showthread.php?t=1532506

حميص لأخت أم سامي

حميص بالفلفل و الطون

نشوي الفلفل الحلو و نشوي الطماطم

و ننقيه و نقطعه قطع صغيرة و نقليه مع 3 ملاعق كبيرة زيت

+ سنتين ثوم نقلي على نار هادئة + ملح + فلفل اسود

مدة ربع ساعة

نرحيه بالرحاية اليدوية

او نتركه بدون ما نرحيه

و نقدمه بالزيتون الاخضر مقطع الى دوائر

و الطون بالزيت و نفرغ عليها زيت الزيتون

تكشوكة

شكشوكة المخ الكذاب

بقلم صاحبتها اختي روعة جزاها الله خيرا و لكن من مطبخي

المقادير
3 بيض
معدنوس مقطع
2علب تونة طماطم
3 فرماج المثلثات او الميزان
مغرف صغيرة كمون
مغرف هريسة حارة
الوصفة متحتاجش الملح

الطريقة

في مقلات فوق النار نضع قليلا من الزيت +البيض+الفرماج

ونحركو حتى يطيب نص طياب ثم نجبد من النار ونضيف التونة وباقي المقادير

نرجع للنار الهادية قيس ماينشف الخليط تاعنا فقط

وهنا نطفي عليها ونقدمها مرفقة بفريت او سلطة او نعملهم سندويتش او نعملها حشوة تاع بوراك او معجنات ....لكي حرية الاختار

ryhem 16 · 2014-05-23, 10:46

بطاطا الأخت الهام

https://www.djelfa.info/vb/showthread.php?t=1592046

بطاطا في الفرن لأخت مقدسية

https://www.djelfa.info/vb/showthread.php?t=845155

أختي طيبيلو المعقودة تاع بطاطا أو شفلور
زيدي لمحاجب أحشيهم بالفرماج و الزيتون
ديري ليكيش
ماسيدوان
أو أي طبق برك ماديريض اللحم و عوضيه بأي نوع من الحوت و لا أعقديه بكمية من البيض
نتمنى نكون أفدتك أختي

روح مراد · 2014-05-24, 10:07

ياعطيكم الصحة أخواتي
الحساء من الممنوعات (هاهاهاها) مايكلوش
ان شاء الله حياتكم كامل ما تتللاقاوش مع واحد واعر في الماكلة كيما خويا

hayette82 · 2014-05-24, 13:50

حتى انا راجلي يحمص اعوج ياسر كرهني نقلو واش نطيب يقلي ليجات وكي نحطلو حاجة معجباتو منجتو سباقيتي مكرونة روز جلبانة تليتلي شخشوخة دوبارة بوك بومهراس والله كرهت حتى البطاطا المقلية ميحبهاش

hayette82 · 2014-05-24, 13:51

ادعولي ربي يهديه ويولي ياكل كلش

روح مراد · 2014-05-24, 14:32

إن شاء الله يهديه و يهدي خويا

Fatima DM · 2014-05-24, 15:15

ربي يهديه قاع عندنا لي يتشرطو مي خوك grave راني حطيت وصفة بالقرعة و تقدير ديريها بالبطاطا ربي معاك