عاونوني تعيشو بطريقة العدس يطعم الحوت

maissa54 · 2015-09-10, 15:45

السلام عليكم من فضلكم كاينة واحد الطريقة نتاع العدس نرحيوه ........يتقلا يجي كيما الحوت كانت عندي الوثفة وراحتلي تعيشو الى عندها تمدهالي

ام سراج وملاك · 2015-09-10, 18:25

اختي انا نشمخو فليل وصباح من ذاك نطيبو عادي في شوي ملح وماء ومبعد نصفيه ونرحيه في الروبو مع حبة بيض ودبشة وكمية مليحة من ثوم وتوابل لازم يكون كمون وشوي فلفل اسود وفلفل احمر حار او حلو لي تحبيه ونضيف شوي هريسة تقدري تستغناي عنها نديرهم صبيعات ونمرمدم في الفرينة ونقليهم وندير صوص حمراء بالحمص ونلوحهم فيها او تقدريتشمخي لعدس وفي صباح ترحيه بالرحاية هيا لي ترحيه مليح وتبعي نفس الخطوات يعني متغليهش نفس الطريقة والحمص ايضا نفس الطريقة نديرو نشمخو وفي الصباح نرحية وندير نفس التوابل بالنسبة لعدس صح طعمو يجي مثل الحوت

maissa54 · 2015-09-10, 20:25

شكرا اختي ا م سراج وملاك بارك الله فيك هدا هو بصح الوصفة الى نحوس عليها فيها الخميرة..ان شاء الله نجربو

oum anas 69 · 2015-09-11, 14:09

https://www.djelfa.info/vb/showthread.php?t=476413

https://www.djelfa.info/vb/showthread.php?t=991345

رنيم مهدي · 2015-09-13, 10:56

السلام عليكم اختي احنا نبتو لعدس في الماء اي نشمخوه و من غد نرحيه و نضيف له فلفل اخضر حار و طماطم مقطعة و فرماج و زيتون كل شي مقطع معدنوس و نتبلوه بملح كمون كسبر و نضيف له البيض ثم نقليه بشكل كويرات لذيذ جدا و مجرب