تطبيقات دورة اوت 2016

[غزالة1]

يوم موفق للجميع

[ام متين]

صباحكم طيب مبارك ان شاء الله راكم كامل بالف خير
تقرير يوم الخميس
في الصباح رتبت الغرف واغسلت ماعن القهوة من بعد خرجت انا وبنتي شرينا شوية حوايج
لما عدت وجدت الغدا تغدينا وغسلت الماعن من بعد رحت دوشت وصليت ورجعت للمطبخ حضرت العشاء ولوازم الخرجة للبحر لان اولادي صيف كامل تقريبا وهم في البيت ماعدا الايام الي سافرنا عند العائلة
المهم تقريبا المساء كامل واناواقفة لان رايحين بكري شوية يعني فات اليوم وع الشغل فقط

[ام متين]

اما الجمعة ما رقدتش في الليل مليح ونضت على 2.30 طيبت القهوة وكملت حظرت الغدا من بعد ناضو الاولاد لبسو حوايجهم صلينا الفجر وعلى 5 خرجنا رحنا باتجاه الغرب لان هناك اماكن شابة ومحافظة يعني لا عري ولا قلة ادب امهم فوتنا النهار هناك الحمد لله ورجعنا مع الليل تعبنا من الطريق لما وصلنا الى الدوش مباشرة ثم كل واحد شد بلاستو ورقدو

[لينة71]

تقريري ليوم الخميس كالعادة نفس النظام ولكن اضفت بعض التمارين الرياضية والمطالعة طبعا على الانترنت تعلمت كيف احصن اولادي من المسد والرقية والمنزل كدالك تعرفو حتى كي تكوني رايحة تري لازم تغلقي الباب لانو كاينين هادوم الناس يرقدو معادا وحتى كي تكوني رايحة ....يخي تعرفو اط الدعاء الله جنبنب الشيطان وجنب الشيطان ما رزقتنا منه وتغلقو الباب ونقوللو اخرجو ما يبقى فيها حتى واحد. وديما سمو واقراو راهم ايسموهم عمار الدار وفي الليل ديما غطو الاواني والضاءة تنطفى
هدا وش تعلمت زنضيف الى التنضيف ديما نهار الجمعة اعمل تنظيف كبير والحمد لله بصح مع الاولاد ترجع كل شي كيما راه للاسف

[ورود الندى]

السلام عليكم هذي أول مشاركة ليا أنا متزوجة وعندي بنت عمرها عام و عاملة مافهمتش كيفاه ندير وين ندير بروقرام نمشي عليه مي نتعب بزاف عاونوني بارك الله فيكم

[mariamalak]

السلام عليكم
تقريري ليوم الجمعة
الصلاة فى وقتها تم
ترتيب الفراش و الغرف تم
اعداد وجبتان فى وقت واحد تم
تنظيف عميييييق للحمام و المرحاض تم
ترتيب المطبخ و غسل الاوانر قبل النوم تم
و الان نجو ليوم السبت
نضت رضعت بنتي و ستنيت الفجر صليت و رقدتتت حتى 9 و نضت
غسلت و مشطت و ماكييت و دخلت لكوزينتى المرتبة الجميلة درت عجينة المسمن و نطلب فى ربي بنتى ما تنوضش حتى نكمل ووجدت صينية القهوة ناضو الاولاد و الزوج فطرنا هو خرج و انا لميت الماعين و هبطت للطابق السفلي تشوفيه تبكيييي كيفاش دارولو بالالعاب و الخردوات و الملابس فى غرفة الغسيل يعنى كارثة درت الكوراج حزمت شعراتى و حطيت بنتى فلابوسات مقابلتنى و بديت رتب رتب رتب رتب رتب ارمى ارمى ارمى نظف نظف نظف وصلت 3 ما حسييييتش بالوقت هههه بناتى طالعين هابطين شبعو مسمن طلعت غسلت و حطيتلهم فطرو و فطرت و صليت و جيت رتحت شوي و مبعد نضت غسلت بعض الملابس بيدى و نشرتهم و رجعت نطبق فالسلة تاع البارح مازال ما خملتهمش و شربت قهيوة مع راجلي فالحديقة و دخلت صليت و رانى درت العجينة تاع البيتزا تخمر و جيت نطل عليكم
رانى حاسة بحماس معاكم سبحان الله

[ام آدم]

انا الامس رحت في رحلة عائلية مع دارنا وبيت خوالي للبحر روعة وليدي شبع عومان ولعب روحنا على 10 تاع الليل مي ما نقلكمش داري كيفاه ولات على خاطر خدمت 3 ايام والنهار الرابع رحت رحلة يعني انقلبت رأسا على عقب
المهم بت فيها على هاذيك الحالة المزرية و اليوم نضت غسلت الاواني ودرت غدا تليتلي ووسيقت الدنيا كامل بالمنظفات وهويتها ومسحت البوتاجي والفريجيدار ومسحت الغبار وبدلت الستائر باش غدوا نغسل
المطالعة راني مقصرة فيها ان شاء الله نعوض سلام

[omelbanin]

السلام عليكم، انا من نهار الخميس ماكنتش في داري، كنت في زيارة عند خواتاتي، بعني من دار لدار. هههه.
اليوم لحقت لداري عل18:30 قيسما درت لعشاء، ولعشا فوق النار، نظفت المرحاض والدوش، أكرمكم الله، وسرجت الملابس لي كانو في الحقيبة.
طاب لعشا تعشينا وغسلت الاواني ونضفت الفرن. ولمعت الحوض، ورميت القمامة.
وبالنسبة للجانب الديني الصلاة في وقتها، والأذكار.
المطالعة ما التزمتش لاني ماكنتش في داري.
ام متين سقسي عليك الخير

[samarrnada]

سانضم اليكم انشاء الله تعالى قريبا

[mariamalak]

ااااااه يا اخوتي كم اشتقت ان ازور عاءلتى او يزورنى احد منهم الوحدة قتلتنىىىىى

[حياتي كلها امل]

السلام عليكم انا الويكاند كانت عندي خرجات ثم جاوني ضياف يعني مكنتش ملتزمة جبدا لكن باذن الله غدا البرنامج الاسبوعي راح انطبقو قدر المستطاع
مريا ملاك حبيبتي ربي يهون عليك غربتك وربي يحفظلك زوجك وبناتك وسمعك غبر اخبار الخير على اهلك

[لحن الحياة.]

سلاااااااااااااااااااااااام
انا اليوم ما قضيت واااااااااااااااااااااااالو خرجت نشري واش خص من مواد تنظيف ورجعت تعبااااااااانة
سيقت ودرت سبور وخلاص
درت تمارين السكوات 75 حركة

[hanamohamed]

ما أجمل الصباح إذا بدئ بالصلاة علي حبيب الله
ما أروع النهار إذا ترطب بذكرالله.
ما أبرك الحياة إذا ملئت بطاعة الله..
ما أحلى الأيام إذا كان فيها من يحبك في الله
جعل الله صباحكم نورا.
ويومكم بشرا وسرورا.
صباح الخير علي الجميع

[hanamohamed]

لم التزام بوضع تقرير لتطبيقاتي بسبب الضياف وخروجنا مع الاولاد
وتطبيقاتي اليومية غير منظمة
يوم موفق للجميع

[نسمة صبح]

صباح الخير عليييكم

نهاركم كله تفاؤل و أمل و ذكر