الجزء 171 من واش طيبتي اليوم�� كوزينة اللمة والمحبة والبساطة �� - الصفحة 83

حياة نور الدين · 2016-10-27, 23:10

هههههه ام الاء انا ثان راني مطبقة كلشي يبقالي غير تيراميسو ام يسيرا نشوووف وبلاك نعاود كاش مالح خخخخ

um alaa · 2016-10-27, 23:20

تسلمي حيووووتة
أم احمدي راني نستنى فالتطبيق
زهورة شكرا على الثقة و بصحتك السبوووغ م الكتكوتة
ام هدووول بصحتك الطاجين و الديساغ و ربي يحفضلك البنوتات الصور خرجو روووعة
ام ياسو التارت خرجت هايلة ربي يحفظها الطبيبة فحلة الله يبارك طالعة ليا هههه
امل كلش تحفة تسلم ايديك ام سدرة قوليلي هاديك للتحلية اللي بالشوكولا وشنو باينة هايلة
بنونة الكروكات تحفففففة
جازية تسلمي ع الوصفة تبان هايلو
مريييوومة الروز روووعة و من ايديك اكيد روعتين بصحتك
امينة ربي ينجحك
شفت الحلويات اللي حطتهم اسيا هادوك تع نعنوعة اللي معانا هي بنت عمك؟؟؟؟؟

حياة نور الدين · 2016-10-27, 23:33

تصبحن على خير حبيباتي وجمعة مباركة واكثروا الصلاة على الحبيب المصطفى صل الله عليه وسلم

حياتي نبع امل · 2016-10-27, 23:38

شكرا ليك حياة لانك تمدي من قلبك

ام احمدي الوصفة سهلة
شوفي ديري طراف تع الجاج في طنجرة مع زبدة وزيت وخليهم يتقلاو حتى ياخذو لون وضيفي رشة فلفل اسود وملح وزنجبيل وكركم .بعدها نحي اطراف الجاج
البطاطا بعدما تغسليها وتنقيها دخلي فيها سيخ شواء بالطول وقطعي دوائر .مراحش ينفصلو لاننو مالحقتيش للمركز
البطاطا ارميها في نفس الزيت تع الدجاج وخليها تتقلى وتاخذ لون هي تان وضيفي رشة ملح وفلفل اسود وزنجبيل
نحيها وحطي بصلة مقطعة شرائح و1 طماطم مرحية وورقة ولا 2 رند وشوفي لا خص الملح زيدي وزيدي كاس كبير ماء وابقاي تحركي باه هاداك اللي يكون لاصق ف قاع الطنجرة يتحلل البنة لتم .كي تحطي الدجاج والبطاطا في البلا تاعك فرغي فوقو هاديك الصلصة وغطيه وحطيه فالفرن كي يطيب وتسقي فالطباسا ديري جبن مبشور فوق االبطاطا كي يدخل الجبن بين الشقوق يامامي امممم

[IMG][/IMG]

حياتي نبع امل · 2016-10-27, 23:39

ام الاء التارت تهبل بصحتكم ولوستك ربي يكون معاها

um alaa · 2016-10-28, 00:41

حبيباتي يا ريت تزورو بيت احلامي
https://www.djelfa.info/vb/showthread...post3996241272

chez biba · 2016-10-28, 06:20

السلام عليكم ورحمة الله وبركاته

جبتلكم دونات باش تفطرو طبقت وصفة المتألقة Loudjain style جاو تححححفة

ما تنساوش قراءة سورة الكهف

جازيا ام البنات · 2016-10-28, 07:27

صباح الخير البنات بيبا شكرا على الدعاء والتذكير جعلها الله في ميزان حسنلتك
حياة شفت التطبيق لي اقترحتيه انا اليوم رايحة نوجد الطعام وناخدوه لدار لوسي اليوم الكل رانا مجموعين عند لوسي والتطبيق يلا ماخلصتوش الكوزينة نخليه ليوم السبت ان كان في العمر بقية على فكرة البتزا خرجتلك فيلم وسنما وروعة هههههههه بصحتكم
عشاتي تع البارح عملت لكراب فارسي عاود قليتهم للامانة عملتهم بشرى تموت على لكراب حلو ومالح زدت سوب الخضار من كل حشيشة ريشة وابو البنات جاب المخ زدت طيبتو بلا معدنوس ماكانش عندي

نور الإسلام26 · 2016-10-28, 07:38

سلام عليكم
واش راكم ان شاء الله تكون بخير والحمد الله
بنات الله يبارك ماشاء الله يعطيكم الصحة صح قهوتكم والله اعونكم على اعمال البيت وصح فطوركم
جمعه مبارك

نور الإسلام26 · 2016-10-28, 07:38

سلام عليكم
واش راكم ان شاء الله تكون بخير والحمد الله
بنات الله يبارك ماشاء الله يعطيكم الصحة صح قهوتكم والله اعونكم على اعمال البيت وصح فطوركم
جمعه مبارك

x ام رحاب x · 2016-10-28, 08:07

[Iلسلام عليكم ورحمة الله وبركاته كي اصبحتو ان شاء الله راكم بالف خير
شي بيبا ونور الاسلام وجازيا نهاركم سعيد وموفق للجميع
جبتلكم السفنج درتو البارح لعشية وقهوة ملقمة تاه تفطنو مليح

[/font][/size][/center]

[Iالي اتحب قهوة ملقمة تتفضل

RIMA.87 · 2016-10-28, 08:16

السلام عليكم ،
جمعة مباركة،
بارك الله فيكم على الخيرات لي حطيتوها ،
اختي حياة بصحتكم البيتزا و ما شاء الله عليك ربي يبارك فيك على نشاطك و حيويتك ،
um alaa،ربي يبارك فيك التارت ديالك تحفة و ربي يشفي لوستك ،

ام ياسين ربي يحفظلك لاهلك و يحفظهملك و ربي يبارك فيهم ،التارت خرجت توووب ،

اختي biba،دونات و لا اروووع،لكن نسيتي تحطينا صورة نشوفو من الداخل،
و ممكن الوصفة و مشكووورة مسبقا،

ام هدووول بصحتهم الزيتون جمهورك العزيز على قولك و ربي يحفظلك بناتك و يجعلهم من الصالحات ،

ام رحاب ،ام جوجو،ليزا ،ام طيري الجنة،ام كاميليا،جازيا ام البنات ،ام و ابنة ،ام سدرة ،ام اسيل ،ام عبدو و ملاك،صدق العطاء ،آسيا24،مريووومة ،رزيقة ،حياتي نبع امل ،كوثر التائبة،نور الاسلام26،
بارك الله فيكم و بصحتكم واش حطيتو من اطايب و روائع،

RIMA.87 · 2016-10-28, 08:21

و عليكم السلام و رحمة الله و بركاته
ام رحاب واش احوالك و الوالدة ان شاء الله تكون في تحسن ،
السفنج او الخفاف كيما نقولو احنا خرجلك رووووعة يشهي و لونو ما شاء الله ربي يبارك فيك و بصحتكم

ام طيري الجنة · 2016-10-28, 08:21

صباح الانوار لجميع الحبيبات على قلبي و صباح النور حيوتة
تحية خاصة ليك ام رحاب العزيزة واش راكي و تمنياتي بالشفاء العاجل للوالدة الكريمةوامممممممممممم على ذاك السفنج و ديك القهيوة الله يبارك راني جاية نتقهو ى معاك و نخلي قهوتي للاخوات
اتفضلو باش تتقهواو
[IMG][/IMG]
شي بيبا الحبية ونور الاسلام النشيطة وجازيا بنت بلادي و ريما الحلوة يعطيكم الصحة على الخيرات و النشاط ربي يدوم عليكم النعم و يومكم سعيد
ربي يعاونكم كامل على شغالاتكم و الان نقولكم اسمحولي نروح للاشغال الشاقة و نلتقي فيما بعد باذن الله

RIMA.87 · 2016-10-28, 08:24

ما شاء الله اختي ام نسرين يعطيك الصحة على هاداك البغريير ،بصحتكم و ربي يعينك و يعينا جميعا