ʚïɞ تطبيقات الفراشات ʚïɞ

[أم فاطيمة]

جيادا يعطيك الصحة مرة ونص يالوكان مراكيش مدمنة واش ديري ههههههه
اللهم صلي على الحبيب المصطفى باش ما تقوليش ظربتيني بعين
و ياريت توريلنا كيم النهار و الليل

[بعيدة المنال]

قالك المؤمن يبدا بروحو وأنا إن شاء الله مؤمنة
تطبيقاتي هذا الأسبوع : حق الله على قد ما ندير ناقصة ونحس بلي قلبي يلعب بيه بليس عليه اللعنة إذا درت طاعة يشككني في الاخلاص وإذا قصرت وسوسلي بالتبريرات حسبي الله ونعم الوكيل
الاعتناء الشخصي نركز على النظافة الشخصية وأحيانا نتفكر رويحتي بكاش دهينة - وين جات مع كريماتك يا جيادا - الماكياج نديروقليل حتى يتخلعوا ولادي
الرسائل الإيجابية راني في حرب مع الرسائل السلبية وفي الغالب راني رابحة
التنظيفات عندي اليوم - الجمعة - تسياق كامل - بالمنظفات وغسيل الثياب والتي ندخلهم غدا السبت - البالكون ضيق وما فيهش الشمس يطولوا ما ينشفوا- نحدد ونطبق ونخبي هذو الأيام كل مرة نخبي شوية من ثياب الشتاء - بقية التنظيفات تتوزع على مدار الأسبوع حسب إمكانياتي الزمنية إلا المطبخ يوميا يبقى نظيف وحوضو يلمع ، والحمام -أعزكم الله - لاأرتاح إلا إذا كان يلمع أحيانا أنظفه مرتين أو ثلاث ( حاطة فيه قرعة فيها صابون وجافيل ومعطر لي يدخل يرش منها ويكب الماء )
برنامج 15د روعة هناني بزاف خاصة مع ظروفي كعاملة خارج البيت
التخطيط راني فاشلة فيه فشل ذريع لي نعول عليها تجيها ظروف تفسدها ، تخطيط الميزانية خاطيني من اختصاص سي السيد ، تخطيط الطعام كل يوم وش متوفر ما قدرتش ندير برنامج ونطبقو
الأهداف راني دوقة دوقة لكن الحمد لله في هذا الأسبوع طبقت منها 60 بالمئة
بصورة عامة راني تغيرت 180 د والفضل كله لله ثم للقائدة الحكيمة توأم روحي حبوبتنا

[ام اكرم31]

المشاركة الأصلية كتبت بواسطة جيادا

السلام عليكم و رحمة الله تعالى و بركاته
مساء الخير على حبيبتي حبيبة توحشتك بزززززززززززززاف
و توحشتكل حبيباتي الفرشات
حبيبتي حبيبة ما توقفتش على تتبعك و الاستمرار في التطبيقات
و هذا تقريري
اول حاجة مكاني معكن حبيباتي جبت سجادتي و مصحفي و سبحتي و جيت

التطبيق الاول
تلميع الحوض كل ليلة يتنظف و يتلمع و الماعن يترتبوا في بلاصتهم الحمد لله المطبخ ما نرقدش حتى يكون نظيف و مرتب
التطبيق الثاني : تجهزي 10/10
الحمد لله مواضبة عليه نغسل وجهي كل صباح بغسول و نلبس ملابس نظيفة و من بعد نروح نصلي وندير الورد انتاعي واذكاري و من بعد نروح نحضر الفطور
بالنسبة للتسبيح منين نتفكر نسبح باسم من اسماء الله الحسنى
ضبط التوقيت للدخول للمنتدى
هذا المشكل الكبير الي كان عندي ادمنت المنتدى و عييت انظم وقتي للدخول كلن الان تكسر الميكرو تاعي تهنيت اصبحت ندخل سعات من الهاتف
الاماكن الساخنة 15د و معاهم وقت الراحة 15د
الحمد لله اصبحت ندير اقل من 15د لانه كل الاماكن اصبحت مرتبة و الي تبدى شوية تولي فوضى ثم ثم نرتبها و نرتح في كل عمل نقوم به ناكل فاكهة او نطل على المنتدى المهم نرتاح
و هذا مثال على مكان ساخن


و هذا بعد الترتيب



برنامج التنظيفات
السبت و الاحد التنظيفات اليومية
الاثنين مسح الغبار لكل الغرف + مسح جدران المطبخ/ مسح جدران الحمام
الثلاثاء اليوم الاختياري + تنظيف ارضيات البيت كلها تنظيف عميق بالمنظفات القوية
الاربعاء مسح الزجاج و المرايا و الابواب لكل الغرف + مسح جدران المطبخ / مسح جدران الحمام
الخميس تنظيف الفرن / الثلاجة + مسح بلاكارات المطبخ
الجمعة غسل ملابس و كيها و ترتيبها في الخزانة
جداول الروتينات كاتبتهم في كراس
تجهيز ملابس اليوم الموالي
وضعت كرسي في غرفة ابني و كل ليلة نجهز ملابسه و محفظته و جواربه
و نجهز ملابس زوجي و ملابسي الي راح نلبسهم في الغد
بالنسبة لغداء الغد نخرج اللحم من الفريزر و نحطو في الثلاجو
و اذا عندي موعد او اوراق نحضرهم قبل بليلة
الافكار الايجابية
كل مرة كيفاه سعات نقدر نتغلب على نفسي و نحول اي رسالة سلبية توصلني سواءا داخلية او خارجية الى رسالة ايجابية و سعات لا لكن على العموم في تحسن
قائمة الطعام
الحقيقة عيت نديرها ما نعرف علاه ديما نطيب الي يجي في بالي او واش عندي في الثلاجة
قائمة المشتريات
نكتب على الثلاجة كل ما تخلصلي حاجة و في كي نحب نقضي ننقل المستلزمات على هاتفي عدني تطبيق تاع المشتريات
ترتيب و تنظيم الاسبوع
محافظة عليه الى احد كبير باذن الله نحط نموذج لترتيب الاسبوع
الاعتناء بجمالي
الحمد لله محافظة على برنامج العناية و كانت اختي حراير ربي يرجعهالنا بالسلامة سالتني عن برنامجي في العناية
العناية اليومية
اغسل بغسول نتروجينا كل يوم و نحط كريم يومي و في الليل نحط كريم الليل و عندي كريم لليدين و كريم للرجلين نسيت ما صورتهم المرة الجايا ان شاء الله


و هذه بعض منتجاتي
كريم واقي ضد الشمس شريتو لابني لكن نستعمل معاه

و هذا لاختي نجاة الي قتلك عليه المنتج تاع الشعر لحمايته من حرارة السيشوار و المملس الحاجة الي عجبتني فيه انه يقاوم الرطوبة و الحرارة حتى كي يكون الجو سخون بزاف الشعر يحكم لا فورم و زيد يخلي ريحتو روعة كاين نوعين lissage 3 jours و
[img][/img]


و هذا مكياجي من ايف روشي منتجاتهم روعة و ما فيهاش مواد ضارة الي عجبني اكثر هو كريم الاساس tent fluide zéro défautو correcteur zéro défaut
و كاين بيبي كريم من غارنيه الحق ما عجبنيش بزاف
و كريم الجسم تريزور

و هذه ادوات الي نستعملها في الرياضة

ترتيب و تنظيم الشهر
هذا الكلندر فيه خانات لاسماء كل افراد العائلة و الي عندو موعد يكتبو و يقدر يلصق ملصقة يعاوني بزاف لترتيب الشهر بكل سهولة نكتب مواعيد زوجي و انا و فسحات المدرسة لابني و مواعيد الطبيب





االاهداف للاسبوع
بقيت على اهدافي القدم ممارسة الرياضة كل صباح نصف ساعة
و قراءة ربع حزب بعد كل صلاة و حزب بعد الفجر
و الله يبارك حبيت نقرى ورقتين تاع كتاب كل يوم قبل النوم في الاسبوع 14 ورقة نكمل باذن الله في شهرين تقريبا اسم الكتاب la psychologie de l'enfant
المشكل تاعي حبيبة اني ما نكتبش الاهداف نديرها في راسي فقط مزال عندي مشكل التسجيل
الميزانية
مازال التقسيم انتاعنا كيما كتبت من قبل الحمد لله رانا ماشين عليه
حملة صلاة الفجر الذكر و قراءة القرآن
الحمد لله مواضبة على صلاة الفجر و الاذكار الحزب الي مفروض نقراه معاكم كملت منين كنت نقرى من قبل ما بديتش من جديد لكن حابة نبدا من جديد معكن حبيباتي باذن الله نلحقكم
حملة تنظيفات استعدادا لشهر رمضان
هذه بعض كواليس تنظيفاتي
غسلت كوات وحدة و الثانية مازال نستعملوها و حتى ولدي مازال يغطي

غسلت الجدار وراء الثلاجة و الثلاجة




نظفت الغسالة و الجدار الي وراها





تنظيف الحمام اعزكم الله











و نظفت الخزانة و رتبتها و خبيت لحوايج الي بقاو تاع الشتاء لاني خبيت من قبل و مازالو شوية كملتهم و الاخذية حطيتهم في اكياس قماش مخصصة باه ما يديروش الرائحة و عندي شوية اشياء خبيتهم في علبة حذاء












و سجيت كمية من البصل و الثوم المجففين في الفرن









و أظن هناك تطبيق ضبط وقت النوم
لم اجده لكن قريتو واحج النهار و نسيت واش من صفحة المهم
ابني يرقد ديما الثمانية او ثمانية و نصف المهم نحطو في بلاصتو على 8 يبقى يغني و يهدر حتى يرقد و كي تكوون عطلة يرقد على التسعة
و حنا كي نصليو العشاء اذا نهار قصير نتفرجوا برنامج او الاخبار و اذا النهار طويل كيما ضرك نصليو و نرقدوا باه نقدروا انوضوا للصبح
لهنا وصلت في التطبيقات اذا مزال كاين قوليلي حبيبتي و التنظيفات علابالي ما التزمتش بالبرنامج لكن معظمهم درتهم قبل
في امان الله حبيباتي
أحبكم في الله

الله يبارك اختي جيادا ملقيت واش نقول مرا ونص ساجية ومنضمة عجبني تقريرك بزاف ما شاء الله وشكرا على صورة المنتوج نحوس عليه ان شاء الله ونشريه
اختي معرفتش كيفاش ندير برنامج شهري لانو عندي زيارة اهلي وعجوزتي مرة كل اسبوع هدا مكان معنديس مواعيد محددة

[رقية الناجحة]

لبارح ماقدرتش نحط تطبيقي

البارح نضت غير على07 لانوا راني في عذر طبعا غسلت وقلت اذكار الصباح رحت للكوزينة تلمع ما شاء الله طيبت القهوة وفطرت وكانت القهوة المرحية على اخرها املا حمصت قهيوة خضراء



بعد التحميص




ورحيتها




انا في العادة يوم الجمعة والسبت نقوم غير بالتنظيف العادي والوقت الباقي روح للمسجد لصلاة الظهر والسبت لممارسة هوايتي لي هي الخياطة او الكروشي وباقي الايام التنظيف والاشغال المعروفة وزادت تعززت هده العادة مع متابعتي للدورةولكن البارح الجمعة قمت بتنظيف غرفة نومي تنظيف عميق مع الحمام وكذالك نظفت روحي تنظيف عميق على الرغم من اني في عذرسمعت بالي فيها ضرر على الصحة هذا موضوع مطروح للنقاش المهم خرجت كي الوردة ههههههه تغديت بنتي هي لي قامت بالمهمة وكملت التسياق لغرفة المعيشة مع الذكر والحمد لله وجاوني ضيوف عراز سهرت معاهم حتى 2 ونضت اليوم على06 فطرتهم مع الاذكار الشغل العادي وراني رايحة نطيب الغداء وخطفت هدي الدقائق باش نقرعج عليكم لخاطر ضيوفي راحوا للطبيب سلام

[فراشات العمر]

السلام عليكم
الله الله الله يبارك هايل انا نقولهالك قبل ما تقولها حبيبة
اما انا راني مع الوليمة ضياف كل يوم البارح والله ماجبت خبر كيفه رقد ابني رقد وخليتو

[ام رقية74]

السلام عليكم عزيزتي حبيبة
و سلام حار لكل الفراشات و اليرقات
رغم عدم مشاركتي و دخولي القليل الا انني متابعة و باصرار معكن
بالنسبة لتطبيقاتي فهي متذبذبة ففيها الجيد و فيها .....
ما رسخ لدي و اداومت عليه الى الان ...تلميع الحوض ..تبريد الاماكن الساخنة مستمر ..
الحملة الربيعية متعبة جدا بالنسبة لي بسبب الرطوبة و ضيق المسكن
الذي يجعلني دائما في فوضى كل ما ااحاول تظيم مكان اجد الالفوضى عمت كل البيت
خاصة مع وجود الصغار..لكني وراها و راها و الحمد لله ...
احاول جاهدة ان استمد القوة و المثابرة من تجارب الفراشات و حماسهن...
الواجب الديني احاول جاهدة عدم التقصير... رغم عدم ثباتي و التزامي بالورد اليومي ....
الاهتمام بالنفس ...احيانا و ليس دائما ...


اشكرك حبيبتنا حبيبة شكر خاص ...بارك الله فيك على عطاءك المميز...

[حبيييبة]

حبيبة قلبي فراشتي الرشيقة ام فاطمة
واش راكي غاليتي واش راهم فراشاتنا الصغيرات الأميرات
ان شاء الله كامل بخير
ماشاء الله عليك
كما عودتينا وفاؤك يزداد لتفاصيل حياتك و اهدافك يوما بعد يوم
الله يقدرك على فعل الخير حبيبتي و يطيب بينك و بين اهلك و جيرانك
انت ديما باهية يا الباهية الزينة
ربي يحفظك مالعين و يعينك على اعمالك اليومية
راكي فحلة تاع الصح حبيبتي الله يقويك
و يخليك لوليداتك و بنياتك
ماشاء الله عليك
تطبيقاتك رااائعة
قد ما ندعيلك ما نوفيلكش فرحي بيك حبيبتي
الله يديم عليك الصحة و العافية و يفرحك ياا رب دنيا و آآخرة




اهلا اهلا بالحبيبة المدللة فراشتي اوراسية
واش راكي حبيبتي ان شاء الله بخير
ربي يخليلك بنيتك ياا رب و يحفظهالك
ماشاء الله عليك تطبيقك للحملة الربيعية راائع
راكي نحلة و نص
واصلي حبيبتي رائع جدا
و انتظر ان اقرأ منك تفاصيل التطبيقات المتبقية للدورة حبيبة قلبي




الله الله على نحولتنا ام سلمى
ماشاء الله عليك فراشتي الرقيقة و ابنتي العزيزة
ربي يخليك لزوجك و يحفزكم لبعضكم البعض
و يعينك على اعمالك
بصحتك الديكور الجديد
اتهلاي في صحتك يا النحلة و غير بالشويا على روحك
ربي يشفيك حبيبتي
راني قريت انك بعافية شويا و راهم البنات عطاوك نصائح ربي يخليهملنا ياا رب
ربي يشفيك و يعافيك ياارب طهورا ان شاء الله



زييينوبتيييييييييييي
واش راكي يا الغالية توحششششتك
اان شاء الله راكي بخير
ماشاء الله عليك و على تميزك
ربي يحفظك و يحميك مالعين ياا رب و يدوم نعمه عليك
بالطبع انت المنتصرة دائما و ابدا باعانة الله ثم باصرارك و قوة عزيمتك
ماشاء الله عليك
تطبيقك راائع حبيبتي حتى اني سرقت منك الكثير من الافكار
ربي يجعلها في ميزان حسناتك ياا رب و يخليك لينا كلنا حبيبة قلبي
ماشاء الله عليك حبيبتي
واصلي انت على الطريق الصحيح و رايحة لوجهتك التي تسعين اليها مبااشرة
عملك هذا نقص عليك بزااااااااف ضغط و تعب و وسواس وقلق
رايح يرجع عليك بالفائدة في الايام القادمة ان شاء الله
نهار كي تنسي واش طبقتي وواش رتبتي بسبب انشغالات الحياة
و يجي موقف طارئ كضيف مفاجئ مثلا رايحة تلاحظي ترتيباتك و تتفاجئي بيها
و تفرحي و يسر خاطرك و تقولي الحمد لله كي راني رتبت اموري هكذا من قبل!!
ربي يفرح قلبك دنيا و آآخرة ياا رب
و في انتظار قراءة تقريرك لبقية التطبيقات الخاصة بالدورة



اهلا اهلا بفراشتنا الجميلة ام امنية
بصحتك يا لغالية الرحلة و البيرمي
تستاهلي كل خير
و نتمنالك حياتك تكون كلها نجاحات و هناء و سعادة و استجمام




يا حبيبة قلبي فراشتي النجيبة ام مؤمن
لا فرق بين فراشات و يرقات الا بالتسمية
كلكم نحلات و فراشات جميلات و متألقات
و تحمروا الوجه
ماشاء الله عليك و عليهم كاامل
استسمحك بشدة لم انتبه لتقريرك الراااائع و المفصل
بارك الله فيك
حبيبة قلبي اتهلاي في روحك ولا تهمليها ابدا
فهي منبع الجمال و الحنان و المحبة التي تنتشر في ارجاء بيتك حبيبة قلبي
اذا اعتني بها و لا تتخلي عنها ابدا ولا تتنازلي عن اي حق من حقوقها مهما كان
لانك ستسالين عنها يوما ما
بالنسبة لتطبيق الاماكن الساخنة
حتى انا كنت مثلك لهذا يمكنني ان افهمك و افهم كل الفراشات اللي مثلك
ما يقدروش يحبسوا من العمل على شيء حتى ينتهوا منه تماما
مهما استغرق من وقت او استنفذ من جهد
لكن هاذ الطريقة غير مجدية لانك تلقاي روحك خاااسرة اكثر مما تكسبيه في تنظيف ذلك الشيء
حاولي ان تمددي فترة راحتك الى 15د
هذا المطلوب في الوقت الحالي بالنسبة للاماكن الساخنة تاع 15د
اما العمل الروتيني اليومي نتاعك خذي لكل 30د عمل 5د راحة
و ان تطلب عملك 60د بدون توقف خذي 10د راحة
ولا تبخلي على نفسك بتلك الدقائق
راهي تجددلك الطاقة و الحماس و ترفع معنوياتك و نشاطك حبيبتي
ربي يعينك و يقدرك ياا رب و يوفقك و راني معا خطوة خطوة باذن الله حتى تحققي كل ما راكي تطمحين اليه




حبيبتي ام جهان
واش راكي يا فراشتي الجميلة النجيبة
الله يعينك و يقدرك ياا رب
المراة العاملة عندها ما تتعب برا و الداخل
الله يحمل معاك
حبيبتنا ام منال امراة عاملة
ممكن تاخذي فكرة عن برنامجها اليومي و تطبيقاتها و تقريراتها
ان شاء الله رايحة تلقاي معاها الفائدة المرجوة حبيبتي
راهي امراة فحلة نتاع الصح و كيما يقولوا امرا نتاع وقتها
ماشاء الله عليها و ربي يخليهالنا ياا رب

يا حبيبة قلبي ربي يشفيلك بنيتك ان شاء الله و يحميهالك




يا حبيبة قلبي فراشتي الراائعة المحبوبة فراشات العمر
معزتك في قلبي كبيييرة جدا حبيبتي
لاباس عليك حبيبتي
الجمال و الهمة لم تصنع بالمال
بل بحسن الأداء و الصنعة و التعامل مع الناس
و الابتسامة الجميلة الحنونة
يكفي ان وضوءك يضيئ وجهك و يضفي عليك جمالا و نظارة لا توصفان حبيبة قلبي
يمكنك اعتماد اشياء و مواد طبيعية ان امكنك ذلك
ممكن تبحثي او تسألي عن وسائل العناية اليومية بطريقة طبيعية
و حتى الوسائل التجميلية نظن ان شاء الله تكون في مقدورك
ولو لاحظت ان قرة عين زوجها لا تستعمل الا الوسائل الطبيعية في العناية بنفسها
ربي يحفظها و يحميها لوليداتها ياا رب
و اوصيك اوصيك بالابتسامة فهي عنوان جمالك حبيبة قلبي

بالنسبة لصلاة الفجر حاولي تصليها في وقتها و ترقدي بعدها قدر الامكان
فيها الخير الكثير حبيبتي اتمنى ان لا يفوتك ذلك الخير
اما بالنسبة للورد القرىني و حتى التسبيح
يمكنك تأديته في اي وقت من اليوم
حسب قدرتك ووقتك حبيبتي ولا تكلفي على نفسك او تضغطي عليها
و نامي حين تنام ابنتك و خذي قسطك من الراحة و النوم

حبيبة قلبي بالنسبة للبرنامج اليومي
هل تعنين انه روتيني يعني يتكرر كل يوم نفس الشيء
ام كل ليلة تكتبي واش رايح تخدمي غدوة؟؟ (يعني قائمة الاعمال للغد)
وواش هو الجدول اللي ما عرفتيش ترسميه؟؟

ماشاء الله عليك
تقريرك راائع اعجبني جدا
ربي يبارك فيك حبيبتي و يدوم عليك نعمة الستر و الهنا
و يخليلك زوجك الحنون و بنيتك الجميلة الاميرة
واصلي حبيبتي خطوة خطوة و رايح حياتك تتغير شيئا فشيئا نحو الاجمل و الاجمل باذن الله





يا اهلين و سهلين و الف مرحبتين بشريكتي ام صبرين
واش راكي يا الغالية ان شاء الله راكي بخير
توحششششششتك حبيبة قلبي
و توحشتك نستمتع بتطبيقاتك المميزة المتقونة التي اكتفي بالتمتع بها
و التعليق عليها بالاعجاب كعادتي
ما عندي ما نقول عليك حبيبتي
ربي يحفظلك صابرين و زكريا و يفرحك بيهم ان شاء الله
و يخليك ليهم ياا رب و يسترك مالعين
اللهم آآمييييين

[ام مؤمن]

حبيبة الحبيبة استسمحك بقراءة ردي الثاني لان الذي قراتيه ليس التقييم الذي ادرجته لاحقا و ارجوكي قيمي ادائي و جاوبيني خاصة موضوع الاهداف

color="blue"]صباح الخير عليكم

قبل ماتقراو اشربوا كاشي نتاع الراس :d


عندي مدة ماقدرتش نكتب بسبب ثقل النت و ضيق الوقت

المفيد راجي جيت اليوم و جبت معايا تقريري :d

الحمد لله راني تغلبت على نفسي و بديت ننظبط في صلاة الفجر و الايام اللي نصلي فيها الفجر نحس بارتياح كبير و يباركلي ربي في يومي ان شاء الله مانزيدش نتخل عليها

بالنسبة للاعتناء بالنفس في تحسن و قمت بشراء مستحضرات و منتجات للعناية بالجسم و راني متهلية في روحي

تلميع الحوض 10 على 10 انا من زمان نغسل لماعن و نلمع الحوض اجباري حتى اذا كنت مريضة عادة تعودت عليها

راني نطبق في تطبيق 15د و فادني بزاف و الحمد لله ماعنديش اماكن ساخنة كثيرا انا نحب الفرز من زمان

راني نجهز كل مايلزم يوميا للغد و الحمد لله هي عندي عادة قديمة لكنها تعززت بمشاركتي في الدورة

راني نحاول قدر الامكان نكلم نفسي بايجابية و اضع خطوط حمراء لكل الاشياء التي تعيقني في مسار حياتي هههههه راني مانعرفش نعبر باللغة بالاك نستعين باساتذة الادب العربي نتاع الدورة ههههه

راني بديت نقيم نفسي من هذا الخميس ان شاء الله

قمت بكتابة اهداف رمزية فقط حتى اتعود على التخطيط و كهدف اسبوعي ان شاء الله قراءة حزب من القران الكريم يوميا في نفس التوقيت مع التدبر لانني كانت قرائتي للمصحف متدبدبة و غير منتظمة يوم نقرا حزب و يوم نقرا 10 ايات و يوم لا اقرا و كهدف واقعي ان شاء الله نحط خطة محكمة للحفظ و ابدا بالحفظ ان شاء الله
و كهدف شهري ايضا رمزي قراءة كتاب كل شهر نقسم عدد صفحات الكتاب على 30 يوم و كل يوم نقرا جزء و الكتاب لا تحزن عائض القرني
الاهداف اليومية ملامحها واضحة و هي ترتيب البيت و تنظيفه بشكل يومي و الطبخ و الاعتناء بالاولاد
هذه الاهداف امثلة رمزية فقط حتى نتعود على الاداء و نقوم بتحقيق الاهداف الاساسية في حياتي
نسييت راني حددت وقت نومي و استيقاظي و التزمت بيه وقت زوجي منظبط مازالوا اولادي راني معاهم حتى نحددلهم وقت واحد للنوم والاستيقاظ
يوم الخميس مخصص لكتابة قائمة المشتريات بصفة زوجي عندوا غير يوم الجمعة للتسوق و احنا نقتنيو المشتريات اسبوعيا و ليس كل شهر يعني مانحتاجه لاسبوع فقط لان عائلتي صغيرة و احنا عايشين في قلب المدينة كل شيىء موجود في اي وقت تقدري تشري واش تحبي

الميزانية زوجي المسؤول عليها بصفته حكيم جدا انا مبذرة و نحب التسوق ههه و لكنني عملت خطة للادخار من مصروفي الشخصي
قائمة الطعام راني بصدد كتابتها الملامح فقط يعني كثيرا ما اتقيد بالطبخ حسب ما يقتنيه الزوج المصون
راني عملت صفحة motivationندون فيها الملحوظات
الحملة الربيعية قريب نخلص عملت تنظيف عميق لغرفة نومي و غرفة الصالون و المطبخ تنظيف عميييييييييييييق
تفريزات رمضان نبدا هذا الاسبوع ان شاء الله نفرزن غير الحاجات اللي ماتكونش موجودة في رمضان كيما الجلبانة و البرتقال و الفراولة وووووالباقي نحب نشريه طازج في رمضان
هذا كان الموجر و ساوافيكم بالتفاصيل عن قريب التفاصيل المدققة ههههههه
ههههه علابالي كسرتلكم ريسانكم و لكن حتى نقول للغالية حبيبة راني نطبق في تفاصيل الدورة بعد ماتوضحتلي الرؤية و راني نستنى تعليقك انت و الفراشات و كانش مشكل خبروني و كانش مانسيت من الدورة وجهوني
اسفة على الاطالة هذه مكرة برك في النت كي انقطعت عني

و تحياتي لكل الفراشات الطيوبات

[/color]

[حبيييبة]

حبيبة قلبي رقية
واش راكي ان شاء الله بخير
اشتقت لك حبيبتي و دايما في عقلي و قلبي
و نخمم عليك و على اهلك
لما نشوف تطبيقاتك نحسك متميزة بابسط الاشياء
يعني تعاملك و امورك كلها بسيطة و في نفس الوقت متميزة و ملفتة
سبحان الله
ماشاء الله ليك الله يسترك و يحميك مالعين حبيبة قلبي
غذائك و سنيوة القهوة اللي حطيتيهم
والله والله تمنيت لوكان كنت معاك و خدمنا الشغل كيف كيف
و ريحنا نتغذوا معا بعض هاديك الاومليت البنينة اللي تشهي بشدة
و نقصروا على ديك السنيوة تاع القهوة و القاطو بالشكلاطة
يا حبي للشكلاطة و من تحت يديك باااينة هاايلة
ربي يحميك و يحفظك و يعينك ياا رب
و يقدرك و يجعل تعبك كلو في ميزان حسناتك ياا رب
عملك جميل و ممتاز اعجبني جدا
واصلي حبيبة قلبي راكي حبة حبة نحو الراحة النفسية و الطمئنينة في بيتك و الرضا عن نفسك




حبيبتي ام صابرين
ايا حلو يا حلو
راائع تقريرك الاسبوعي راائع
و تقييمك لنفسك دقيق
جيد جدا
واصلي حبيبتي و ان شاء الله تكون تقييماتك الاسبوعية كلها مرضية و مثمرة اكثر و اكثر
بالنسبة لقائمة الاعمال اليومية
هي التي عانتني بعد الله ان اقوم بكل اهدافي المسطرة لكل يوم
و ان اتدارك ما اجلته و ما لم استطع انجازه ذلك اليوم
هي عملية و فعالة جدا
ارجو ان تنتفع منها كل الفراشات باذن الله
و يحققوا بيها كل اهدافهم الصغيرة و بالتالي الكبيرة
ربي يوفقك و يعينك شريكتي
وانا نقول مين راهي تجيني ريحة الفرااااااااااز هادي مدة
اتاري هي من عنندك يا فريزة البستان
مووووووووووووووووواح




حبيبة قلبي ام فاطمة
ربي يخليك لنفسك و لوليداتك و لزوجك ياا رب
بصحتها فاطيمة الشاطرة
فراشتنا الاميرة الجميلة
راهي شرفتنا و حمرتلنا وجهنا
ربي باركلك فيها ان شاء الله و يفرحك بيها ان شاء الله
الله يخليك ديما فرحانة و راضية على روحك حبيبة قلبي
رااائع راااائع رااائع
تقريرك الاسبوعي راائع ماشاء الله عليك
ماشاء الله عليك خصوصا استبدال الحديث المتواصل مع النفس
بالتسبيح و الاستغفار و ذكر الرحمن
لاباس عليك حبيبتي ربي يشفيك و يعافيك
و يحمل عنك و يزينك بالصحة و العافية ياا رب




اهلا اهلا بالحبيبة ام ريتاج كاراتي ههههههه
بصحتك حبيبتي و ربي يقدرك على فعل الخير
اتهلاي في روحك حبيبة قلبي
راكي نحلة و فحلة ربي يحفظك مالعين




اهلا اهلا بحسنائي الجميلة صاحبة الاصرار و العزيمة
واش راكي حبيبتي
ربي يعينك ويقدرك على اعمالك حبيبتي
لاباس عليك الف الف لاباس
غير بالشويا على روحك و اتهلاي فيها



اهلا اهلا بالحبيبة فراشتي النجيبة المجتهدة ضيفة الرحمن
واش راكي حبيبتي
ههههههههههههه لما قريت تقريرك هادي مدة بديت نضحك و تخيلتك كيما هاكا



هههههههههههههههه حاكمة مطرق وقاعدة تعسي هههههههههه
ربي يحفظك و يحميك و يعطيك ما تتمناي حبيبة قلبي
نحسن عونك تعسي لانه تعبتي و لالالالالالالازم تحافظي على ثمرة تعبك
و المحافظة على كل ما نظفتيه نظيفا هو اساس البيت الجميل و النظيف
و ينقص عليك التعب اكثر بكثير مما نتوقع
رااااائع ماشاء الله عليك
بالبركة عليك اتمام كل اماكن الساخنة ببيتك
الله يدوم النعمة عليك حبيبتي
ماشاء الله عليك
راكي نحلة يا الفحلة
واصلي حبيبتي و شوية ثبات و اصرار و رايحة تحققي المستحيل
باذن الله




حبيبة قلبي فراشتي الجميلة سمية شو
واش راكي يا الغالية ان شاء الله بخير
رااائع جيد جدا
راكي قمتي بخطوة كبيرة بتطبيقك لجدول الروتينات
لانها تعد اكبر و اقوى ركيزة لدورتنا و تطبيقاتها
لانها تقوم عليها كل تطبيقاتنا
ان شاء الله رايحة اطبقي كل ما نويتي عليه
و تكوني راضية على نفسك مئة بالمئة حبيبة قلبي
ابشري


حبيبة قلبي صديقتي ام نسيبة
يا فراشتي القوية الشجاعة
ربي يشفيك ان شاء الله و يعافيك
و يزينك بالصحة و العافية ياا رب
طهورا ان شاء الله
اتهلاي في روحك و غييير بالعقل
ما تكثريش على روحك حبيبتي

[حسناء القمر]

lمساء الفل عليكن

[titi119]

السلام عليكم
حبيبتي حبيبة توحشتك بعتتلك ماما سلام خاص ليك
وكل الفراشات ان شاء الله تكونو بخير
اليوم نضت صليت الفجر و وليت رقدت نضت على 10سا درت التنظيف اليومي
لحقة 12 سا درت ساعة رياضة حطة فطنة ووليت نطير كيلفراشة راني نخدم مع وحدا في اسمها هيفا حوسو عليها فليوتوب اكتبوا هيفا الان كانت جوز الحصة ديالها في قناة الان
حملة التنظيف الربيعية ليوم غسلة كوات وحطيتها تنشف

هذا البرنامج ديالي مرانيش مسجل فيه كلش غير الاشياءلباش مننساهمش وان شاء الله نزيد نعمروا بتطبيقات

[حبيييبة]

اهلا اهلا بالحبيبة الجميلة ماريا ملك
الله يخليك لينا حبيبة قلبي
راكي معانا بين حباباتك و خواتاتك و بنات بلادك
ان شاء الله تكوني ديما مرتاحة بيناتنا

بالنسبة لحفظ القرآن
البنات راهم ملتاحقين بدورة لتحفيظ القرآن
حبيبتنا ام فاطمة و جيادا
و غيرهن كثيرات
ان شاء الله يفيدوك في هاذ الامر حبيبتي

الله الله على الجهد المبذول اللي يشرح النفس
ربي يبارك فيك و في صحتك حبيبتي
و يعينك و يقدرك
ايه عندك الحق
الملابس لازمهم اول باول
كيما كل حاجة في حياتنا
لا نؤجل عمل اليوم الى الغد

اما ملابس الخزانة
حاولي تخلي فقط ملابس الفصل الحالي
اما في حالة مخافة انو يبرد الجو
ممكن تخلي لباسين على الاكثر تستعمليهم لبناتك
في تلك الحالة

حاولي توزعي الملابس في وجه الله للجمعيات الخيرية
او بما نك مشتركة في جمعية المغتربين
ممكن تنظموا حملة جمع الملابس لليتامى او المساكين
و تشاركي معاهم حبيبتي
و لك الاجر باذن الله




اهلا اهلا بالحبيبة الجميلة فراشتي امة الله
لاباس الف لاباس على وليداتك
ان شاء الله يكونوا الآن ريحوا شويا
ربي يزينهم بالصحة و العافية و يخليهملك ياا رب
و يفرحك بيهم
الله يوفقك و يعينك
و اذا احتاجيتي اي شي نحن كلنا في خدمتك حبيبة قلبي




يا ياسمينة قلبي
تقريراتك قريبة جدا الى قلبي
لا تتأخري علينا بها حبيبتي
رااائع ربي يعينك و يثبتك على حسن طاعته و عبادته
لاابس حبيبتي كملي اقراي القرآن حسبما بديتي
و ربي يجازيك كل خير
ماشاء الله عليك راكي فحلة يا عروستنا
و حمرتيلنا وجهنا بحسن التزامك و جهدك المبذول
ماشاء الله لا قوة الا بالله
ربي يحميك و يفرح قلبك ياا رب
واصلي حبيبتي
و ان شاء الله نشوف تنظيفاتك في بيتك عن قريب ان شاء الله



حبيبتي ام مؤمن
حبيبة قلبي يا فراشتي النجيبة
بالنسبة ل 15د واحدة او اكثر
يعني تقومي بتبريد مكان ساخن مرتين في اليوم على الاكثر
او مكانين ساخنين فاليوم على الاكثر
يعني ما تكثريش على روحك
اذا كنتي مخربطة لهذه الدرجة
ارجعي ابداي مع الفريق الجديد اللي بدا الليلة
و ان شاء الله نمشي معاك حبة حبة و ماراحش تتخربطي

الف حمد و شكر لله على شفائك حبيبتي

ماشاء الله عليك ربي يثبتك و يعينك على حسن عبادته و طاعته
تقريرك رااائع و مفصل
و حسن تطبيقك للتطبيقات اروع و اروع
الله يبارك
واصلي حبيبتي راكي على الطريق الصحيح
رااائع راااائع تحديد اهدافك جميل جدا
ربي يحققلك كل ما تطمحين اليه
الله الله عليك
راكي فرحتيني كثيرا بك حبيبتي
بارك الله فيك
راكي قطعتي شوط مهم في رحلة التغييرنحو الافضل و الاجمل
و اتوقع منك الاكثر و الاكثر
و كلنا معك مدعمينك حتى تحققي كل احلامك الواقعية الكبيرة التي تحلمين بها حبيبتي

حبيبة قلبي يا فراشتي القوية ام هزار
قلت لك اني سارجع لك قريبا
و ها جاء الوقت اللي قدرت فيه نوصل لمشاركتك
اعتذرعن تأخري
يا حبيبتي راكي فراشة و نص
اللع يسترك و يحفظك مالعين
و يدوم عليك نعمه التي انعم بها عليك و يحفظها من الزوال
بي يستجيب باذن الله لدعواتك
و يعينك و يقدرك على تحقيق كل اهدافك و على فعل كل ما يحبه و يرضاه
واصلي حبيبة قلبي راكي تفرحي القلب
و كلنا معاك مدعمينك
الى الأمــــــــــــــــام سر




حبيبة قلبي فراشتي الحنونة ضيفة الرحمن
الله يجازيك خيرا و يجعل بيتك ديما عامر
بدعوة الخير و رضى الرحمن
بالنسبة لغضبك السريع
اوصيك بالقيام بما اوصانا به حبيبنا النبي صلى الله عليه و سلم
1- الاستعاذة بالله من الشيطان :
عن سليمان بن صرد قال : كنت جالسا مع النبي صلى الله عليه وسلم ، ورجلان يستبان ،
فأحدهما احمر وجهه واتفخت أوداجه ( عروق من العنق )
فقال النبي صلى الله عليه وسلم :
« إني لأعلم كلمة لو قالها ذهب عنه ما يجد ، لو قال أعوذ بالله من الشيطان ذهب عنه ما يجد »
وقال صلى الله عليه وسلم : « إذا غضب الرجل فقال أعوذ بالله ، سكن غضبه »

2- السكوت : قال رسول الله صلى الله عليه وسلم :
« إذا غضب أحدكم فليسكت »
وذلك أن الغضبان يخرج عن طوره وشعوره غالبا فيتلفظ بكلمات قد يكون فيها كفر والعياذ بالله أو لعن أو طلاق يهدم بيته ،
أو سب وشتم - يجلب له عداوة الآخرين .
فبالجملة : السكوت هو الحل لتلافي كل ذلك .

3- السكون : قال رسول الله صلى الله عليه وسلم :
« إذا غضب أحدكم وهو قائم فليجلس ، فإن ذهب عنه الغضب وإلا فليضطجع » .
وراوي هذا الحديث أبو ذر رضي الله عنه ،
حدثت له في ذلك قصة : فقد كان يسقي على حوض له فجاء قوم فقال :
أيكم يورد على أبي ذر ويحتسب شعرات من رأسه ؟
فقال رجل أنا فجاء الرجل فأورد عليه الحوض فدقه أي كسره أو حطمه
والمراد أن أبا ذر كان يتوقع من الرجل المساعدة في سقي الإبل من الحوض
فإذا بالرجل يسيء ويتسبب في هدم الحوض .
، وكان أبو ذر قائما فجلس ثم اضطجع فقيل له :
يا أبا ذر لم جلست ثم اضطجعت ؟
قال فقال : إن رسول الله صلى الله عليه وسلم .... وذكر الحديث بقصته
ومن فوائد هذا التوجيه النبوي منع الغاضب من التصرفات الهوجاء
لأنه قد يضرب أو يؤذي بل قد يقتل
- كما سيرد بعد قليل -
وربما أتلف مالا ونحوه ،
ولأجل ذلك إذا قعد كان أبعد عن الهيجان والثوران ،
وإذا اضطجع صار أبعد ما يمكن عن التصرفات الطائشة والأفعال المؤذية .
قال العلامة الخطابي - رحمه الله - في شرحه على أبي داود :
( القائم متهيء للحركة والبطش والقاعد دونه في هذا المعنى ، والمضطجع ممنوع منهما ،
فيشبه أن يكون النبي صلى الله عليه وسلم إنما أمره بالقعود والاضطجاع لئلا يبدر منه في حال قيامه وقعوده بادرة يندم عليها فيما بعد .

4- حفظ وصية رسول الله صلى الله عليه وسلم :
عن أبي هريرة رضي الله عنه « أن رجلا قال للنبي صلى الله عليه وسلم أوصني قال لا تغضب .
فردد ذلك مرارا ، قال لا تغضب »

5- « لا تغضب ولك الجنة » حديث صحيح :
إن تذكر ما أعد الله للمتقين الذين يتجنبون أسباب الغضب ويجاهدون أنفسهم في كبته
ورده لهو من أعظم ما يعين على إطفاء نار الغضب ،
ومما ورد من الأجر العظيم في ذلك قوله صلى الله عليه وسلم « ومن كظم غيظا ، ولو شاء أن يمضيه أمضاه ،
ملأ الله قلبه رضا يوم القيامة »
وأجر عظيم آخر في قوله عليه الصلاة والسلام : « من كظم غيظا وهو قادر على أن ينفذه ،
دعاه الله عز وجل على رؤوس الخلائق يوم القيامة حتى يخيره من الحور العين ماشاء »

6- معرفة الرتبة العالية والميزة المتقدمة لمن ملك نفسه
قال رسول الله صلى الله عليه وسلم ،
« ليس الشديد بالصرعة ، إنما الشديد الذي يملك نفسه عند الغضب »
وكلما انفعلت النفس واشتد الأمر كان كظم الغيظ أعلى في الرتبة .
قال عليه الصلاة والسلام : « الصرعة كل الصرعة الذي يغضب فيشتد غضبه ويحمر وجهه ، ويقشعر شعره فيصرع غضبه »

و غيرها الكثير و الكثير من الوصايا و الفوائد
التي يحصل عليها كاظم الغيظ في الدنيا و الآخرة
يمكنك البحث عن المزيد منها حبيبتي

[ام رقية74]

السلام عليكم ...
بالنسبة لى تطبيقاتي فانا اعمل بالتوازي بين حملة ربيعية و فرز و ترتيب
غسلت غرفة المعيشة بشكل عميق كما سبق و ذكرت فانا اعاني من الرطوبه # ميديتي #
غرفة النوم غسلت حائط قبل مدة و هو يحتاج للغسل مرة اخرى ...حالته يرثى لها ...
غسلت الحائط المقابل له هذه الايام ...او الباقي راح اخليه حتى نعمل شوية اشغال خاصة بالبناء
ثم انظفها و نعيد الدهن ان شاء الله ....
المطبخ غسلت الثلاجة و الفرن جيدا ...علب البهارات ايضا مع اعادة الترتيب و التحضير لرمضان ...
قمت بتخزين جلبانة و فراز فقط ...
تبريد الاماكن الساخنة بشكل دائم لانه مع كثرة الاشياء مقارنة مع المساحة فالفوضى لا تختفي .....

الاهتمام بالنفس 5/10......

الجداول لازلت لم اضبطها راح احاول ...لانها الاهم و الاصعب

بارك الله فيك حبيبة و ربي يعطيك ما تتمني

[نايليةوافتخر]

هذا جدول روتيناتي الاهداف مش كل اسبوع نكتبها ننسى سعات نكتب وسعات مانكتبش
هذا كراسي العزيز


وهذو الروتينات

هذا جول هذ الاسبوع

وهذو اهداف الاسبوع الماضي

[oum sabrin]

يا اهلين و سهلين و الف مرحبتين بشريكتي ام صبرين
[/color]واش راكي يا الغالية ان شاء الله راكي بخير
توحششششششتك حبيبة قلبي
و توحشتك نستمتع بتطبيقاتك المميزة المتقونة التي اكتفي بالتمتع بها
و التعليق عليها بالاعجاب كعادتي
ما عندي ما نقول عليك حبيبتي
ربي يحفظلك صابرين و زكريا و يفرحك بيهم ان شاء الله
و يخليك ليهم ياا رب و يسترك مالعين
اللهم آآمييييين

[SIZE="6"]
يتوحشك الخير رائعتي حبيبة
انا تان توحشت كلماتك الدافئة التي تبعث في النشاط و الحيوية
ربي يخليك ليا و يحفظك انت ايضا من العين و يخليلك كل عزيز على قلبك امييييييين

[/SIZE][/size][/font][/center][/b][/QUOTE


حبيبتي ام صابرين
ايا حلو يا حلو
راائع تقريرك الاسبوعي راائع
و تقييمك لنفسك دقيق
جيد جدا
واصلي حبيبتي و ان شاء الله تكون تقييماتك الاسبوعية كلها مرضية و مثمرة اكثر و اكثر
بالنسبة لقائمة الاعمال اليومية
هي التي عانتني بعد الله ان اقوم بكل اهدافي المسطرة لكل يوم
و ان اتدارك ما اجلته و ما لم استطع انجازه ذلك اليوم
هي عملية و فعالة جدا
ارجو ان تنتفع منها كل الفراشات باذن الله
و يحققوا بيها كل اهدافهم الصغيرة و بالتالي الكبيرة
ربي يوفقك و يعينك شريكتي
وانا نقول مين راهي تجيني ريحة الفرااااااااااز هادي مدة
اتاري هي من عنندك يا فريزة البستان
مووووووووووووووووواح

يا حبيبة قلبي شريكتي حبيبة
شكرا لك هلى تقييمك و نصائحك الذهبية
على فكرة عجبتني بزاااااف فريزة البستان وحدك يا حبيبة موووووووووووووووواح مووووواح