الدورة الرابعة"الرقي لمدبرة منزل مثالية"

[حبييبة]

المشاركة الأصلية كتبت بواسطة sondse1

صباح الخيرات حبيباتي

بالتوفيق

صباح الخيرات و البركات
على أحلى مريووومة
ربي يعاونك لحبية و يعاون كامل لبنااات
موااااح

[ام مرية]

صباحكم احلى من العسل
واعطر من شذى الورد
وارق من ندف الثلج
صباح كله حب
صباح كله فخر بديني والتزامي ذكري
صباح كله ذل وخشوح وحب وشوق لمن خلقني وبيده صباحي ومساء
وبيده رزقي ومحياي ومماتي وهو وحده المجيب لدعواتي
فضني فيك يا سندي جميل ومرعى ذود آمال خصيب
اجب دعائي وفرج كربتي ورزقني من حيث لا احتسب
أمين آمين آمين

[ام مرية]

تطبيقي لبرنامج اليوم
الجانب الديني عذر شرعي ولكن الاذكار والاستغفار نعم تم
الجانب الجمالي في طور الانجاز
الجانب التنضيفي
الصالون تمام التمام وعطرته وخرجت رحت للكوزينا غسلت الماعن ميناجيت الكوزينة مليح عملت الفطور ورحت للبيوت كي العادة تهوية وكنس وتنضيف ومسح غبار وزيد لميت قشاقش مرية مرميين في كل مكان عملت دورة للدوش نقيته والحمام اكرمكم الله تاني تمام وهاني نشرب في قهوة العشرة ونقرعج كوم دابيتود

[حبييبة]

المشاركة الأصلية كتبت بواسطة انوسة07

صباح الخير و النور و الفرح راني رجعت يا الحنينة حبيبة نهار الحمبس لميت كامل الفراشات في درا كما قلتيلي و زذت فرزت الماعين نتاوعي لي تسحقهم خليتهم و لي مش نخدم بيهو خملتهم و مبعد رحت لبيت بابا بتت عندهم و غذوة تسوقت شريت حايج لي يخصوني على جال دار الجديدة و راني رجعت و شراكي؟

صباح الخير و الهنا
على حاملة اسمي خخخخ
الله يبارك عليك راكي جايبتها
ربي يجعلها فاتحة خير عليكم لحبيبة
دروك ممكن ندخلوا للكوزينة نلموها باذن الله

بسم الله توكلنا على الله لاحول ولا قوة الا بالله

ابدي غير بالشوية لحبيبة
لازمك سلال حبيبتي باش تلمي فيهم الماعن الكبار
درك نوريك





و جيبي كراتين
و ورق الجرائد المكتوبة بالاجنبية
و ابدي تغلفي الاواني اللي تتكسر بالجرائد
و تستفي فالكراتين أو السلال
كيما تحبي
و اكتبي فوق الكرتون واش فيه من أواني

ابدي بدولابين ليوم
و غدوة دولابين و هكذا حتى تكملي كل البلاكارات
اللي فوق البوتاجي و اللي تحتوا
ان شاء الله
اللي مازالك محتاجاته دروك خليهم في بلاكار عند متناول يدك
و من بعد نرجعوا للقجورة
حتى نكملوا كامل الماعين
ربي يعينك و يوفقك و يعطيك الصحة و يشفيك لحبيبة
اللهم آآآمييين

[حبييبة]

المشاركة الأصلية كتبت بواسطة oum rahma

أسعد الله صباحكن بألف خير يا زهرات

لا تكتمل سعادة صباحي
الا بلقيا الاحباب
ربي يخليكم ليا حبيبتي أم رحمة
و يدوم المحبة بينا فراشتي
توحشتاااااح

[حبييبة]

المشاركة الأصلية كتبت بواسطة ام مرية

صباحكم احلى من العسل
واعطر من شذى الورد
وارق من ندف الثلج
صباح كله حب
صباح كله فخر بديني والتزامي ذكري
صباح كله ذل وخشوح وحب وشوق لمن خلقني وبيده صباحي ومساء
وبيده رزقي ومحياي ومماتي وهو وحده المجيب لدعواتي
فضني فيك يا سندي جميل ومرعى ذود آمال خصيب
اجب دعائي وفرج كربتي ورزقني من حيث لا احتسب
أمين آمين آمين

أحلى عسل من أحلى نحلة في المنتدى
شكرا على
الدعوات الجميلة الطيبة التي تنعش القلب
و تجدد الايمان و حبنا لله
اللهم آآآميييين

المشاركة الأصلية كتبت بواسطة ام مرية

تطبيقي لبرنامج اليوم
الجانب الديني عذر شرعي ولكن الاذكار والاستغفار نعم تم
الجانب الجمالي في طور الانجاز
الجانب التنضيفي
الصالون تمام التمام وعطرته وخرجت رحت للكوزينا غسلت الماعن ميناجيت الكوزينة مليح عملت الفطور ورحت للبيوت كي العادة تهوية وكنس وتنضيف ومسح غبار وزيد لميت قشاقش مرية مرميين في كل مكان عملت دورة للدوش نقيته والحمام اكرمكم الله تاني تمام وهاني نشرب في قهوة العشرة ونقرعج كوم دابيتود

الله يبارك عليك يا النحلة
ربي يسترك مالعين
و يخليك لأهلك
و يخليلك مرمورة الحبوبة
أدام الله عليك نعمه
ووفقك لكل ما فيه خيرك و رضاااه
بصحت قهوتك
تشربيها بالصحة و الهنا

[oum rahma]

المشاركة الأصلية كتبت بواسطة حبييبة

و عليكم السلالالالالام يالحبيبة الغالية

القريبة من القلب
بل الساكنة فيه
راني نتوحشك أم رحمة
مشاركاتك راني نتوحشها لحبيبة
مواااااح

انا ثاني توحشتك ، "ضوؤك الاخضر مشتعل يعني ابتسامة عريضة على وجه أم رحمة "

نتمنى نتواصل معاك أكثر لكن أعلم أن لديك إلتزامات هنا و هناك

وردودك الطيبة علينا جميعا تعني لنا الكثير ربي يعاونك حبيبي



هههههه والله تدخلي للقلب بدون استأذان و يفرح القلب بوجودك فيه
راني فرحانة كي راني نخوف خخخخ

حبوبة انت التي دخلت قلوبنا بلا استئذان والله لك عندي معزة خاصة






أنا ما نشوفهش خوف حبيبتي
نشوفه مجرد احترام
ربي يحفظك و يكملك بعقلك
و يباركلك في حياتك و يفتح في وجهك كل ابواب الهنا و السعادة
اللهم آآآمييين

آمييييييييييين

نعم حبيتي احترام وتقدير

لان كل ماتفعلينه وماتقترحينه كله خير وفي مصلحتنا لذلك جعله الله في ميزان حسناتك

وهذاك الطفل راح يطرشق مانعرف علاه مسكين


يا سلاااااااااااااااام
على الحلوة أم رحمة
راكي شاطرة و مدبرة أمورك
بارك الله فيك
ابقاي هاكدا راكي فحلة و نحلة
و ماشي بعيدة عن القمة بضعة خطوات
باذن الله


هذا من لطفك حبيبتي ، بإذن الله متابعة ومستمرة

تعرفي حبيبة نحب نطبق البرنامج كما هو هكا نحس روحي

أكثر التزام ،علابالي كل وحدة وظروفها ممكن تزيد أعمال

أو تأجل أخرى ،وهذا حدث معي في بعض الاحيان تبرمجي حاجة لكن تطرأ أمور تخليك تأجليها لوقت آخر

بصح نحب نمشي على البرنامج بحذافيره على قد مانقدر

في النهاية بإذن الله راح نحط خلاصة تجربتي الرائعة هذه وكل ماتعلمته منها

[ام مرية]

المشاركة الأصلية كتبت بواسطة oum rahma

[/color][/size]




[/center]

صباح الخير يالحبيبة واش احوالك لاباس
انا راني عاقلة اليوم حشمتيني

[oum rahma]

هههههههههه كنت نمزح فقط

انا بخير ربي يحفظك كيف الكتكوتة

سميتيها على مرية القبطية ؟

[oum rahma]

أم مرية الله يبارك عليك فحلة لهليه كملتي ماشاء الله

في البرنامج قالت حبوبة نعطرو الكنب انت واش تستعملي لتعطيرهم

[امينة مناد]

مساء الورد عليكم اليوم كمات شغلي وقمت بلبرنامج يعني خملت الصالو ونفضت الغبرا مع لشغل الاعتيادي تسياق وتنفاض الخ اما لجانب الديني راني في عطلة مند ييومين
اخواتي الكريمات وحبيبة الاخت الفاضلة لديا موضوع اريد منكم المساعدة فيه فهل تستطيعو ان تعطوني رايكم ونصحكم فقد يكون هدا معروفا منكم يساعدني على الحل
زوجي شخص طيب ومتفتح يعني يحب المراة العاملة التي تساعده على المعيشة ورفع مستوى الحياة بشكل بسيط هوعمله صعب جدا اي انه يتعب ودخله بسيط وهو يعمل عملا حرا اي عند نفسه نسكن في بيت العايلة كيما قلتلكم من قبل ....لهدا السبب هو يتمنى لو اني حقا اجد عملا محترم وفجاة كنت اتصفح النات ووجدت مسابقة ادارة السجون فرحت وسجلت بها نعم سجلت في هده المسابقة برتبة عونة اي كارديانا في الحبس لم يهمني مساوء العمل قدر ما همني المرتب المرسم وضمان مستقبل ابنتي والله هو الرازق على كل حال
الان وصل موعد الاختبار لانتقاء المترشحين ولانني علمت ان المترشحين كثر اكثر من5000 فتاة وهم يستحقون 100 فقط استسلمت وحدثت البارحة زوجي وقلت له انضر كم عدد المترشحات لا اضن اني سافوز بهده الوضيفة فدعنا منها انا استسلمت وانتهى ............صدقوني اخواتي لا تصدقو كيف نضر اليا ارادا ان يصفعني احسست بهدا حتى انه قال لي انكي فاشلة لو لا تفوزي بلوضيفة ففي تلك الحضة سمحت لنفسي ان تمنيت لو اني متزوجة من متشدد يفرض عني الستار وعدم رؤية الشارع الا في حالة طوارء كرهت نفسي وكرهت الساعة التي سجلت فيها في المسابقة
قبل زواجي كنت اعمل صحفية ولكن العمل في الصحافة ليس فيه المال كما ان فيه عقبات كثيرة وانا للاسف لم اتمم تعليمي في الجامعة فقد اكتفيت بلحصول على شهادة بكالوريا جامعةالتكوين المتواصل
اروكم ما عساني ان افعل اني خائف ان لا انجح في المسابقة مع العلم انه يوجد معارف اي وااااااااسطة وركزو معي في هدا واااااسطة الا اني لا اريد فانا توكلت على الله فقط واقول ان ربي سبحانه هو الوحيد الدي بامكانه مساعدتي في النجاح فلما استعمل الواسطة كما انها لوكان العمل من نصيبي واد قدره الرحمان لي فسيكون حتما وان لم يكن فلو استعملت الف واسطة لن يكون هدا ما اقوله انا فما رايكم
انتضرك حبيبة وانتضر اخواتي الكريمات

[sondse1]

مساء الخير اختي الحبيبة امينة
اولا ربي يفرج عنك و ينحي عليك غمك
ثانيا
بالنسبة للواسطة انا شخصيا ما نحبش اني نستعملها مهما كانت الحالة لاني ما نحس بحلاوة المركز اللي وصلت ليه و لو كان بسيط
و بصراحة اعتبره غش
و بالنسبة لزوجك و الله فيه حالتين
الحالة الاولى انو ممكن حابك تعاونيه باه تحسنو من مستواكم
و الحالة الثانية انو يستغل في مجهودك
انا ما نرجحش الحالة الثانية مي كي قالك انك فاشلة و حسيتي انو حاب يصفعك شوي فيها شك
مي انا نقلك حاجة
ما تدخليش في حاجة الا و انت واثقة من نفسك و دارسة الموضوع
انت تقولي انو ما حوستيش على مساوء هذي الخدمة
انا لو في مكانك ما نقدرش ندخل في حاجة بلا ما ندرسها جيدا

انا ممكن ننصحك انك تفكري قبل ما تدخلي في هذي الخدمة
و عندي نصيحة اخرى و هي اذا كان عندك هوايات مثل الخياطة و التطريز الكروشي و اشياء اخرى مطلوبة
مثلا الكروشي مطلوب سواء للعرايس ولا النساء العاديين و مدخولو تاني يساعد
يعني مثلا السدر نتاع الكروشو راه وصل حتان 200 الف و كي تخمي فيها السدر يطلع في نهار و لا زوج بالكثير
و اكيد اذا كنتي شاطرة رايحين يكونو عندك زبائن بزاف و بهذا تكوني ساعدتي زوجك و في نفس الوقت تكوني واثقة من خدمتك

و اذا ماعندكش هدو الهوايات تقدري تحوسي على عمل اخر و تكوني متمكنة فيه
انا هذا هو رايي
و اتمنى اني ساعدتك ولو بالقليلي

اتمنالك التوفيق

[s english]

المشاركة الأصلية كتبت بواسطة حبييبة

ربي يوفقك لحبيبة
و يحققلك كل ماراكي متمنية
و يفرحك بنجاحك و يفرح والديك بيك حبيبتي
حاضر حبيبتي
دروك البرنامج اللي نعطيهلك
تنوضي الصباح بكري تصلي الفجر و الصبح في وقته
و تقري ولو صفحة من القرآن
توجدي قهوتك و تلبسي
و لما تكوني رايحة للجامعة سبحي أو استغفري
خلي سرك مليء بذكر الله
خاصة الاستغفار
و لعشية لما تدخلي ارتاحي و اتقهوي
و توضي و صلي ما فاتك
و انطلقي لاعمالك
سواء كانت اعمال البيت
أو مراجعة أو أو أو
وباقي الصلوات حاولي تصليها في وقتها
و من هنا الى يوم تنتهي من الامتحانات
اتبعي هاذ البرنامج
و ممكن تدخلي لعندنا اذا كان عندك الوقت احكيلنا اخبارك و يومك ماعليش
يسعدني نعرف يومياتك و نتبعك حبيبتي و نوقف معاك
و لما تنتهي الاختبارات
ممكن تبداي معانا البرنامج ككل
واش رايك حبيبتي؟؟

السلام عليكن اخواتي وشكرا جزيلا لك حبيبتي حبيبة على تعاملك الراقي واليكي تطبيقي لليوم
نضت على الساعة 05و33 صباحا اديت الصلاة لبست قشي وبعدها تناولت فطوري
قعدت نحفظ (بما انه اليوم اختبار) ومن المنزل الى موقف الحافلات استغليت الوقت في اذكار الصباح
وهذا وين رجعت للمنزل اديت صلاة الظهر وتناوات الغداء وهذا برنامجي المسائي
غسيل الملابس
اعداد قهوة المساء +غسيل الاواني
نروح للبوسطة نهز لابورس ماعليش راني نشريلكم حاجة معايا
نحوس على nape تاع كروشي و اليوم باذن الله نبدا نخدمو ونقدر الوقت وكتاش نكملو
نحفظ غدوة عندي كونترول
غسيل اواني تاع العشاء (بلاماننساو الصلاة)
قراء القران بعد صلاة العشاء وان شاء الله راني نطبقو 100% وشكرا على نصائحك الثمينة في امان الله

[ام مرية]

المشاركة الأصلية كتبت بواسطة oum rahma

أم مرية الله يبارك عليك فحلة لهليه كملتي ماشاء الله

في البرنامج قالت حبوبة نعطرو الكنب انت واش تستعملي لتعطيرهم

ايه سميت بنتي على ام ابراهيم مرية القبطية واذا زادت عندي بنيتة اخرى نسميها على السيدة نسيبة رضي الله عنها تعرفي قصتها ولا نحكيهالك راني غير قاعدة
انا ما عنديش الفوتايات عندي صالو ماروكة 2 كانابيات ووووو
واخر عرب مطارح صوف وزرابة ناع العقدة ونعطرهم بالطريقة الاتية
نجيب حقنة وندير فيها معطر الجو السائل ونشكو في الفراش مطارح وشورات ومخايدووو هاكا يبقاو معطرين سيرتو ا>ا قعدت وحدة سمينة كيف ختك

[ام مرية]

المشاركة الأصلية كتبت بواسطة امينة مناد

مساء الورد عليكم اليوم كمات شغلي وقمت بلبرنامج يعني خملت الصالو ونفضت الغبرا مع لشغل الاعتيادي تسياق وتنفاض الخ اما لجانب الديني راني في عطلة مند ييومين
اخواتي الكريمات وحبيبة الاخت الفاضلة لديا موضوع اريد منكم المساعدة فيه فهل تستطيعو ان تعطوني رايكم ونصحكم فقد يكون هدا معروفا منكم يساعدني على الحل
زوجي شخص طيب ومتفتح يعني يحب المراة العاملة التي تساعده على المعيشة ورفع مستوى الحياة بشكل بسيط هوعمله صعب جدا اي انه يتعب ودخله بسيط وهو يعمل عملا حرا اي عند نفسه نسكن في بيت العايلة كيما قلتلكم من قبل ....لهدا السبب هو يتمنى لو اني حقا اجد عملا محترم وفجاة كنت اتصفح النات ووجدت مسابقة ادارة السجون فرحت وسجلت بها نعم سجلت في هده المسابقة برتبة عونة اي كارديانا في الحبس لم يهمني مساوء العمل قدر ما همني المرتب المرسم وضمان مستقبل ابنتي والله هو الرازق على كل حال
الان وصل موعد الاختبار لانتقاء المترشحين ولانني علمت ان المترشحين كثر اكثر من5000 فتاة وهم يستحقون 100 فقط استسلمت وحدثت البارحة زوجي وقلت له انضر كم عدد المترشحات لا اضن اني سافوز بهده الوضيفة فدعنا منها انا استسلمت وانتهى ............صدقوني اخواتي لا تصدقو كيف نضر اليا ارادا ان يصفعني احسست بهدا حتى انه قال لي انكي فاشلة لو لا تفوزي بلوضيفة ففي تلك الحضة سمحت لنفسي ان تمنيت لو اني متزوجة من متشدد يفرض عني الستار وعدم رؤية الشارع الا في حالة طوارء كرهت نفسي وكرهت الساعة التي سجلت فيها في المسابقة
قبل زواجي كنت اعمل صحفية ولكن العمل في الصحافة ليس فيه المال كما ان فيه عقبات كثيرة وانا للاسف لم اتمم تعليمي في الجامعة فقد اكتفيت بلحصول على شهادة بكالوريا جامعةالتكوين المتواصل
اروكم ما عساني ان افعل اني خائف ان لا انجح في المسابقة مع العلم انه يوجد معارف اي وااااااااسطة وركزو معي في هدا واااااسطة الا اني لا اريد فانا توكلت على الله فقط واقول ان ربي سبحانه هو الوحيد الدي بامكانه مساعدتي في النجاح فلما استعمل الواسطة كما انها لوكان العمل من نصيبي واد قدره الرحمان لي فسيكون حتما وان لم يكن فلو استعملت الف واسطة لن يكون هدا ما اقوله انا فما رايكم
انتضرك حبيبة وانتضر اخواتي الكريمات

مادامك متكلى على ربي خممي قبل هاد العمل يرضي ربي ولا لالا فيه اختلاط ولا لالا تقدري تقومي بيه ولا لالا تقدري على التزماتو ولا لالا كيما نعرف هاد العمل يدي بزاف الوقت وفيه اختلاط بين الرجال والنساء وما معاكش محرم ويطلب المرى تبات برى دارها هل راجلك يقبل ولا راه غير يهدر
انا عجبتني فكرة الاخت اعملي في المنزل كروشي او اي شيئ ديري بيها مدخول احسن ليك وليه ولبيتك
انا ما نعرفش نخيط ولا برودي ولكن معاونة روحي هادو مفيتحات هاي علب نغلفهم لعروسة هادومخاد بالحاشية .............رغم انو زوجي ما راهش محتاج مساعدتي ولكنني ما نحبش نقعد هاكاك ونعرف الرسم على القماش ونخدم للعرايس تروسو كاراكو هاكا صوالح