دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 65

islam1aya · 2012-01-26, 16:10

مساء الانوار حبيبتي ميميشة واخواتي متتبعات الدفتر بالنسبة لمقروط البليدةاحنا ندروه بنفس الطريقة لكن ما يتقلاش اطيب في الكوشة ويجي شوية عالي وبنين والعروسة تدي منو في زمان كانو يعمروه في محبس النحاس والان يدوه في السنيوة مزينة ويقدموه في صباح لعروسة وكذلك من عادات ناس البليدة يدو الطمينة في الصبح لعروسة ويدو سلة الفاكية مصنوعة بعجينة اللوز
وكذلك فطور لعروسة يدوه اهل العروسة يكون الفطور طايب ولا ماشي طايب يعني يدو كلش واهل العريس يطيبوه

ام درة · 2012-01-27, 12:12

سلام يعطيك الصحة ---------------وين راك يا ام اماني

faiçal 19200 · 2012-01-28, 18:01

السلام عليكم ورحمة الله تعالى وبركاته مساء الخير اختي ميميشة وكل
المشاركات اشكركي على البوراك انا نعمل غير تاع المقلة راح نجرب هده الطريقة
واليوم جبت كيفية اخرى لدليلة الغريبية
المقادير 250غزبدة+كاس تاي زيت+150غ سكر ناعم+ القليل من لفاني+نص كيس خميرة+الفرينة+2مغارف كاكاو+نص كاس جلجلانية محمصة ومرحية
اخدمي مليح الزبدة والسكر بالخلاط حتى يتضاعف الخليط وضفي الزيت واستمري فالخلط اوقفي الخلاط وضفي باقي المواد واقسمي العجينة على2 ضعي للقسم الاول الجلجلان والقسم الثاني ضفي له الكاكاو ونشكل كل عجينة حربوش ونوضع
الحربوش الاول على الحربوش الثاني ونلصقهم في بعض ونقطعهم مربعات ونر
شقو حبةكاوكاو وتوضع في الفرن بعد ما ترتاح شوية
واسفة لاني لا اعرف كيفية ادراج الصور

دعاء القلوب · 2012-01-30, 13:08

السلام عليكم اختي دليلة الله يخليك حبيت نسقسيك على الوصفة نتاع كيكة جازت الاسبوع اللي فات في الاذاعة =تجي على شكل 2 عجينات بيوضة بيناتهم المعجون ومن الفوق الميرانج و العجينة الثالثة تجي بالكاكاو و نرابيها فوقها نحوس على مقادير الكيكة هاذي.....................من فضلك

mimicha1977 · 2012-01-31, 09:45

اقتباس:

المشاركة الأصلية كتبت بواسطة اشورة

السلام عليكم اختي دليلة الله يخليك حبيت نسقسيك على الوصفة نتاع كيكة جازت الاسبوع اللي فات في الاذاعة =تجي على شكل 2 عجينات بيوضة بيناتهم المعجون ومن الفوق الميرانج و العجينة الثالثة تجي بالكاكاو و نرابيها فوقها نحوس على مقادير الكيكة هاذي.....................من فضلك

اهلا اختى اشورة والله اسمي ميميشه
ودليله هي سيدة مختصه فى فن طبخ و حلويات فى اذاعه وطنيه
انا تبعتها الاسابيع لفاتت و لكن مسمعتش هذا وصفه هل تقصدي دليله لفى اذاعه وطنيه قناه الاولى او قصدك اذاعه اخرى

هي هناك وصفه تشبه لوصفتها لكن بدون مرانغ و فيها طبقه احدة ومعجون و تبرشي عليه لعجين ياريت توضحي اكثر وراح نساعدك

ام ظافر · 2012-01-31, 11:22

صباح الخير على لمة الخير
سبقلي جربت معجون السفرجل والجولي وجاونو روعة لكن جربت مرة معجون الطباسة او كما يقال له عجينة السفرجل او البمبرلو بالاسبانية لانها من اصل اسباني ولكن تحرقت يدي من تطاير الفقاعات منها وفي الاخير لما وضعتها في السني يومين لما قطعتها ما جاتنيش ناشفة ابدا بالرغم من اني نشفتها جيدا في الطياب وكذلك ما تجيش شفافة ومتجانسة في شكلها مثل الصورة ولكن تجي مثل المعجون تماما الي نفطرو بيه

;

جاني شكلها يشبه لهذي

mimicha1977 · 2012-02-02, 10:02

اقتباس:

المشاركة الأصلية كتبت بواسطة ام ظافر

صباح الخير على لمة الخير
سبقلي جربت معجون السفرجل والجولي وجاونو روعة لكن جربت مرة معجون الطباسة او كما يقال له عجينة السفرجل او البمبرلو بالاسبانية لانها من اصل اسباني ولكن تحرقت يدي من تطاير الفقاعات منها وفي الاخير لما وضعتها في السني يومين لما قطعتها ما جاتنيش ناشفة ابدا بالرغم من اني نشفتها جيدا في الطياب وكذلك ما تجيش شفافة ومتجانسة في شكلها مثل الصورة ولكن تجي مثل المعجون تماما الي نفطرو بيه

;

جاني شكلها يشبه لهذي

اهلا حبيبتى ام ظافر ان شاء الله راح نحط وصفة دليله تجى هايله رانى نبحث فى دفتر و نحطها

وبصور ان شاء الله

islam1aya · 2012-01-31, 15:23

سلام حبيبتي ام ظافر هو يجي شكل المجون كما الصورة الاخيرة ثم يجمد ويتقطع وصح يحرق على ذيك لازم ملعقة خشبية يدها تكون طويلة
كما نشفلكش ربما المقادير مشي مضبوطة ورايحين نطلب من ميميشة تعطينا وصفة دليلة تع المعجون لانها نجحت فيها تع الجولي والطرف

islam1aya · 2012-01-31, 16:13

لعيون الحبايب وصفات دليلة ليوم امس

حساء بالخضر والكروفات

المقادير

2 حبات جزر

2حبات لفت

2 حبات بطاطا

2 حبات قرعة

1حبة طماطم

1حبة بصل

2عرف كرافس

2 ربطات كراث

2غصن زعيترة

2 ورقات رند

فلفل اسود

ملح

2 ملاعق زيت

250 غ كروفات

100 غ كروفات

40 غ مايزينة

طريقة التحضير

نغسل الخضر جيدا ونقطعها قطع صغيرة

نحطها في قدر مع الماء والزيت والملح والفلفل اسود ونتركها اطيب

كيطيب ننزع من المرق 2 غراف ونظيفلها كركاس الكروفات بدون الحبات يعني نترك الحبات جانبا

ثم نغلي المرق مع الكركاس مدة 10 دقائقثم نصفيه ونظيفه مع الخضر ونطحن الكل نرجع للنار ونظيف حبات الكروفات اطيب 10 دقئق

ونظيف في الاخير خليط النشا مع الكريمة السائلة يغلي غلية ونطفي النار ونقدمه مع معدنوس مقطع رقيق

يتبع

*ام فتحي* · 2012-01-31, 16:30

شــــــــــــــــــــــــــــــــــــــــكرااا علي المجهود الكبييييييييير مميشــــــــــــــة

حلم جميل · 2012-01-31, 16:52

السلام عليكم اخواتي
يعطيكم الصحة على على هذا الركن الرائع
شفتكم تهدرو على معجون السفرجل صورتلكم شوية بقالى
مهوش مقطع مليح على خاطر كان في باطة صغيرة

ودرتو كيلة بكيلة

islam1aya · 2012-02-03, 15:25

اقتباس:

المشاركة الأصلية كتبت بواسطة حلم جميل

السلام عليكم اخواتي
يعطيكم الصحة على على هذا الركن الرائع
شفتكم تهدرو على معجون السفرجل صورتلكم شوية بقالى
مهوش مقطع مليح على خاطر كان في باطة صغيرة

ودرتو كيلة بكيلة

مممم يعطيك الصحة حبيبتي حلم جميل جاك هايل تسلم الايادي

حلم جميل · 2012-02-05, 12:40

اقتباس:

المشاركة الأصلية كتبت بواسطة islam1aya

مممم يعطيك الصحة حبيبتي حلم جميل جاك هايل تسلم الايادي

شكراا عزيزتي
رايك يهمني دايما

mimicha1977 · 2012-01-31, 21:14

هذا وصفه طلبتها احدى مستمعات

حلوى طابع نتاع زمان

المقادير

كاس زيت
كاس سكر
كاس بيض
2خميرة
قشور الليمون
2ملعقة لحظة
فاني
فرينة
لدهن بيضه و سكر

الطريقة
اخدمي البيض و السكر و من احسن بالخلاط تصبح مرهم اضيفي زيت تدريجيا
ثم اللحظة و قشور الليمون و فاني و خميرة لميها بالفرينة
حلها بالحلال و قطعها بالطوابع ادهنها بالبيض و رشي سكر ادخلها الى الفرن 20د الى 30د حتى يصبح لونه وردي

mimicha1977 · 2012-01-31, 21:28

هذا وصفه ايضا طلبتها احدى مستمعات

غريبيه الحمص

2كاس فرينه الحمص محمصة
2كوؤس سكر ناعم
كاس ونصف سمن
كاس جلجلان محمص مرحى
نصف كاس اكاجو مرحي

نصف كاس جوز مرحي

نصف كاس بستاش مرحي
ربع كاس ماء زهر
فى اناء ضعى فرينه حمص +جلجلان+ جميع مكسرات +سكر+سمن واعجنها بالماء زهر حتى تتماسك اطبعها بالطابع معمول ادخليه فرن 15د انزعها من فرن اتركها تبرد فى صينيه حتى ماتتفتتش ضعها فى علبه