ثم ادركت ان لا مستقبل في الجزائر - الصفحة 6

shy'n · 2014-06-06, 18:09

اقتباس:

المشاركة الأصلية كتبت بواسطة zikou3

لي صديق يقرا في روسيا سانت بطرسبرغ طب
ابن استاذنا يقرا فيزياء نووية في كندا في مونتريال

هههه في زوج جابو معدل 10 في الباك

لكن راحو بسواردهم العام الاول 40 مليون
كي تفوقو ولاو يخلوهم مجانا

تقدري تريسكي بحياتك و 40 مليون بشرط تتفوقي

واو انا سمعت 15 مليون برك في فرنسا

achouak der · 2014-06-06, 18:12

كنت حابا نقرا انفورماتيك ثم سيكون رائعة لو اصبحت مبرمجة العاب ............ في الجزائر لا اعتقد
الواحد يقرا انفورماتيك هنا يجيبها 5 سنين و هو يقرا البرمجة و الانظمة و الحماية فلخر يروح يطاpي في الوورد و الاكسل في كاش بيرو
ديجا برك باش تدخل المدرسة العليا للاعلام الالي لازم معريفة خشيينة

zikou3 · 2014-06-06, 18:12

اقتباس:

المشاركة الأصلية كتبت بواسطة shy'n

واو انا سمعت 15 مليون برك في فرنسا

ممم معرف ربما هوما قراو في جامعات عالمية كيما مونتريال راهي بلاصة وش نقولك هههههه
وسانت بطرسبورغ فيها اقدم جامعة في روسيا

باباي و زيتونة · 2014-06-06, 18:15

كل تقولو بلي بلادنا عسل و مليحة نوافقكم بلادنا فلة (كانت)درك رجعت ما تسوا قشور بصلة
تقولو لا يغير الله ما بقوم حتى يغيروا ما بأنفسهم بصح ربي قال ارض الله واسعة و ما حرمش الخرجة من البلاد ، و زيد ما دام ربي غير حال البلدان الاوروبية و البلدان الأخرة و صلحها معناتو عباد هذوك البلدان صلحو انفسهم و نقدروا نعيشو معاهم
تقول بلاد الغرب فسق و دعارة مي هوما على الأقل كفار غدوا لو كان يسلمو كلشي يرجعلهم حسنات بصح حنا المسلمين (قولا فقط الا من رحم ربي) وش تقول فوش ديرين بنات و دري حدث ولا حرج و ما تقولوش نحكي برك كلامي عن تجربة و الله البارح برك ما صحاباتي كي حرجت بعد الفلسفة تصرانا موقف يطيح الما في الركايب و ما يصلحش لبلد اسلامي و كي تجي تهدر و تقول ربي يقولولك متخلف و الغلط و الحرام صارت حاجة نورمال حتى تتوسوس من روحك
تقولو الفرقة عن الاهل و الأصحاب ، الأهل نديهم معايا و اصحابي راهم في قلبي و ندربلهم دورة و زيد بالزايد الصحبة ماشي غير في الدزاير كاينة بارتو
و انا الحمد الله اهلي اغلبهم منتشرون حول العالم و انا قريب نخرج من this hell hole نروح كاش ما كوريا و لا نيويورك و لا اي بلاصة
تقولونا اصلحو رواحيكم تتصلح البلاد مي رانا صلحنا رواحينا و استغفرنا و كلش و النافع ربي ، و زيد في الدزاير 45مليون عبد ما تقدرش تصلحهم كامل لوكان وش يصرا
عليها انا راني out من هذ الأرض ، و نهار ترجع بقعة صالحة لعيش العباد بلاك نرجع ، كومام ارض مات عجالها جدي ربي يرحمو و كل الشهداء
بصح درك راني كارهة العباد و الارض تاع هد البلاد

zikou3 · 2014-06-06, 18:19

اقتباس:

المشاركة الأصلية كتبت بواسطة achouak der

كنت حابا نقرا انفورماتيك ثم سيكون رائعة لو اصبحت مبرمجة العاب ............ في الجزائر

لا اعتقد
الواحد يقرا انفورماتيك هنا يجيبها 5 سنين و هو يقرا البرمجة و الانظمة و الحماية فلخر يروح يطاpي في الوورد و الاكسل في كاش بيرو
ديجا برك باش تدخل المدرسة العليا للاعلام الالي لازم معريفة خشيينة

عندك نفس حلم تاع صديقي يحوس يخدم لعبة كيما
world of warcraft
او ربما
league of legends

لكن احلامو تتوقف هنا ديجا باش تفكري متقدريش

حتى انا كنت حاب نشوف شركة هنا في دزاير كيما
valve ولا ea ولا ubisoft

لكن الظاهر اني نحلم برك

الدولة مش لاتية لاتيين غير بالسرقة

achouak der · 2014-06-06, 18:46

اقتباس:

المشاركة الأصلية كتبت بواسطة zikou3

عندك نفس حلم تاع صديقي يحوس يخدم لعبة كيما
world of warcraft
او ربما
league of legends

لكن احلامو تتوقف هنا ديجا باش تفكري متقدريش

حتى انا كنت حاب نشوف شركة هنا في دزاير كيما
valve ولا ea ولا ubisoft

لكن الظاهر اني نحلم برك

الدولة مش لاتية لاتيين غير بالسرقة

تخدم عند الدولة والوا ما تربح تعيش حياة عادية و اكثر من عادية
و الحل هو to be the boss of ur self
تخدم شركة you need money to make money
و حتى في الخارج ماشي اي واحد يخدم شركة
عدا ذلك سأحقق حلم عائلتي و ادرس الطب و ابقى العب العاب الماسونيين و سيتعلم اولادي العاب الماسونيين في ظل عدم وجود العاب محلية

zikou3 · 2014-06-06, 18:49

اقتباس:

المشاركة الأصلية كتبت بواسطة achouak der

تخدم عند الدولة والوا ما تربح تعيش حياة عادية و اكثر من عادية
و الحل هو to be the boss of ur self
تخدم شركة you need money to make money
و حتى في الخارج ماشي اي واحد يخدم شركة
عدا ذلك سأحقق حلم عائلتي و ادرس الطب و ابقى العب العاب الماسونيين و سيتعلم اولادي العاب الماسونيين في ظل عدم وجود العاب محلية

العاب محلية ؟؟ اخر مرة واحد حاول يدير لعبة اسمها ابن بطوطة
معندوش اموال فقير هاوي عادي

ملقاش دعم
ينجح؟ لا اكيد راح يفشل في وسط دولة كيما هادي

وي حتى انا نلعب call of duty
وولادي يلعبو call of duty
ونقتل العرب(فيها ديما الضححية العرب)

ونتعلم نكره العرب

جوهرة القلوب · 2014-06-06, 18:56

.........................

نسْمۃ إِرتقـآء · 2014-06-06, 18:59

مـــــازلتم في دوّامة السفر و التحليق بعيدََا xD

كــان الله فـي عونكم ~

asma764 · 2014-06-06, 19:18

اقتباس:

المشاركة الأصلية كتبت بواسطة نسْمۃ إِرتقـآء

مـــــازلتم في دوّامة السفر و التحليق بعيدََا xd

كــان الله فـي عونكم ~

حلم كبير , صحيح ؟؟ صح رانا مثيرين للشفقة ,,

المتفآئلة · 2014-06-06, 19:36

يلآ وش راكم تستنآو البلاد حتى هي راها معمرة ...تفرغ شوي

وزيد مليحة نقعدوا غير حنا بنآت برك ....

النقاش هذا راه يبانلي نقاش عقيم لا فائدة منه الي راه داير هدي الفكرة من راسو مستحيل ينحيها الا اذا كان الايمان نتاعو قوي وبس ...

bachir94 · 2014-06-06, 19:39

والله غير هبلتوني بالردود نتاعكم
أنا كي نقول باش نخرج من هذي لبلاد راني كرهت عمبالكم واش تقولي جداتي خبّي التعب نتاعك للكبر
مازالك ماعشت ماوالو ونتا تقول في الحديث هاظا.......... ياووو فيقو لرواحكم وين راكم رايحين......... عمبالكم كون جينا نحنا الجيل في وقت الاستعمار رهو مازال لهنا يعذب فينا ويهين فينا , أو رانا خرجنا ونخلوهالهم......................... .............أدعو ربي برك ما تعاودش فرنسا تخمم بش ترجع ................
أنا معاكم في أن بلادنا فيها لفساد بالصح كلنا نستعرفو بلي رانا سبب في هذا الفساد لأننا لم نمنعه ولو بأضعف الايمان ............ وكلنا نستعرفوا بلي مازال الخير في بلادنا ولا ماسمعتوش الأغنية نتاع لطفي......
ياجماعة يلزمنا البقاء هنا في بلادنا كن جات عقلية كل جزائري في الهجرة من يبقى هنا يبقاو النساء والذراري الصغار والشيوخإذن فن يقف في وجه الأعداء , تقولي ناي نروح نقرا البرا ومباعد نرجع نفيد أمتي لهنا آآآييييييي من يضمن.... قالوها لي قبلك وأين هم الآن القليل يرجع.... اذا مت في بلد الكفر...... أو إذا عجباتك عقليتهم وقررت القعود هناك..... ومن يضمن لك أن يحصل لك مثل بعض القصص التي نسمع عنها تطيح بيك وحدة كافرة وتعجبك وتروح تعتزل الاسلام علاجالها ....

الموهم خاوتي آنا نقولكم ما تفرطووووش في بلادكم وما تتغروووش ببلاد الناس وصدق محمد ثروت حين قال "كل بلاد الدنيا جميلة لكن أجمل من بلاد لا " ..........

.