الجزء 87 من واش طيبتي في داري الجديدة الله يوسعها علينا الكل تفضلو

[أم ياسين الزهراء]

اللهم امين ام سراج

ههههههههههههههههههه بشرى هديك الكوزينا اللي فوق عندها زوج تواقي واختو الزهراء هي اللي حبساتو تامني بربي ماشفتوش هههههههههههههههههه

لبنات روحو لهيك تشوفو

نصلي ونولي راني وحدي يافرحتي الميكرو لي هههههههههههههههههه

[أم ماجد]

ام ياسين ان شاء الله تشوفي فيها كل الافراح يارب
وبلعقل درجة درجة المهم الدار والباقي ساهل حنونة انت عندك الضغط كمامان لاه تقلقي روحك
عشانا خبزت الان فقط كسرة القمح اممم سخونة تهبل وصلاة دارت لوبيا قريني وعندنا الدلاع والحمد لله والصباح مسافرة عندي عرس :d:d

[أم ياسين الزهراء]

جيادا ربي يخليك واتهلاي شهينا وزهينا باطباقك الحلوة ياحلوة

ام ماجد انا مانتقلق ماوالو الحمد لله الواعر درناها والباقي يسهل فيه ربي

البنات امانة صلو على النبي ودعواتكم بالهناء وراحة البال والصحة هدا واش يحب الخاطر والحمد لله

بصحتكم العشاء وبصحتك الاعراس ام ماجد

[دائمة الحمد]

ام يس اللهم صل وسلم على الحبيب المصطفى ربي يبارك وبالصحة والهناء تستاهلي كل خير على قلبك الطيب ا

[ام اريام]

ماشاء الله اختي ام ياسين انشالله بالصحة والهنا وتعمريها افراح

[ام سراج وملاك]

المشاركة الأصلية كتبت بواسطة بشرى2008

ام ملك سراج شحال كنت نديرها هديك الوصفة بنيييييييييييييينة نديرها على جال اختي الصغيرة نشوف فيها بنتي الصغيرة واش تقولي نديرلها هههههههههه

هيه بنين بزاف ربي يحفظلك اختك بشرى وتفرحيها دايما

[دائمة الحمد]

جيادا راكي سالتيني على اللحم المحمر
راني نعملو هذي التتبيلة راهي مكتوبة لهيه عند ام راضية عملتلك كوبي كولي ونحطو في الكوكوط ونعمل نصف كاس ماء ونقص عليه خلاص ونخليه يطيب
كي يطيب نحمرو في الفور وخلاص
ولاصوص لي بقات نعمل فيها الروز اوالبطاطا ومن بعد نحمرها

كاين تدبيرة ماعلاباليش تعرفوها ام لا
علبة لابال تاع500غ نخليها بحرارة الغرفة ونفرغها في اناء كبير ونزيد ليها فنجال تاع قهوة زيت عادي ونزيد ثوم مرحي قارص موتارد ملح معدنوس مرحي رقيق توابل مغرفة ص فلفل احمر حلو ريحان ميبس ومرحي ونمزج مع بعضاه ونرجعها لعلبة لابال والى المجمد كي نجي نعمل روطي دجاج او لحم في الفرن اوبطاطا في اكياس الشواء نجبدها قبل بشوي ونحي كمية تكون ساجية نفوح ونحط طول في الفور

[ام سهام 02]

الف الف مبروك العتبة الجديدة اختي ام ياسن بالربح عليك ودارك ما شاء الله شابة وظريفة وانقية الله الله عليها وربي اعطاك على حساب نيتك الطيبة ياحبوبة والله يحفظك من العين ااااااامين يا رب

[بشرى2008]

حنا جانا العشاء من برا من عند صاحب بابا راح بابا وماما جابو كل هاد الخير من الطعام للحلوى للمسمن ولا المعارك للمطلووووووووووووع

[دائمة الحمد]

بشرى سخفتيني راكي دبرتيها بصحتكم راكي انت مولات خير
ام سهام اطباقك هايلة عزيزتي ماشاء الله

[بشرى2008]

دائمة الحمد والله غير يتهنى الراس من التخمام هكدا كي شفت العشاء تهنيت مع انو الغدا كان طعام لكن معلييييييييييييييييييييييش راهي اليوم عندنا وحد السخانة تقققققققققققتل شعلو النار فى الغابات وحنا تحرقنا

[ام سهام 02]

بصحتكم بشرى مممم دبرتوها

الله يخليك عزيزتي دائمة الحمد هذا من ذوقك

[أم ضياء عبد الرحيم]

مساء الانوار هذا عشانا

[nad16]

جمعة مباركةة ان شاء الله مبروك الكوزينة ام ياسين الزهراء كل شيء متحوف الله يبارك و تعمريها امين الهام الغربية الخيرة خرجت تحفة يعطيك الصحة

[أم ضياء عبد الرحيم]

المشاركة الأصلية كتبت بواسطة أم ياسين الزهراء

جيادا ربي يخليك واتهلاي شهينا وزهينا باطباقك الحلوة ياحلوة

ام ماجد انا مانتقلق ماوالو الحمد لله الواعر درناها والباقي يسهل فيه ربي

البنات امانة صلو على النبي ودعواتكم بالهناء وراحة البال والصحة هدا واش يحب الخاطر والحمد لله

بصحتكم العشاء وبصحتك الاعراس ام ماجد

ربي يحفظك ام ياسين

المشاركة الأصلية كتبت بواسطة دائمة الحمد

جيادا راكي سالتيني على اللحم المحمر
راني نعملو هذي التتبيلة راهي مكتوبة لهيه عند ام راضية عملتلك كوبي كولي ونحطو في الكوكوط ونعمل نصف كاس ماء ونقص عليه خلاص ونخليه يطيب
كي يطيب نحمرو في الفور وخلاص
ولاصوص لي بقات نعمل فيها الروز اوالبطاطا ومن بعد نحمرها

كاين تدبيرة ماعلاباليش تعرفوها ام لا
علبة لابال تاع500غ نخليها بحرارة الغرفة ونفرغها في اناء كبير ونزيد ليها فنجال تاع قهوة زيت عادي ونزيد ثوم مرحي قارص موتارد ملح معدنوس مرحي رقيق توابل مغرفة ص فلفل احمر حلو ريحان ميبس ومرحي ونمزج مع بعضاه ونرجعها لعلبة لابال والى المجمد كي نجي نعمل روطي دجاج او لحم في الفرن اوبطاطا في اكياس الشواء نجبدها قبل بشوي ونحي كمية تكون ساجية نفوح ونحط طول في الفور

تسلم دائمة الحمد و ما شاء الله على التدبيرة هايلة انا ما نعرفهاش باذن الله نعود نديرها

المشاركة الأصلية كتبت بواسطة ام سهام 02

الف الف مبروك العتبة الجديدة اختي ام ياسن بالربح عليك ودارك ما شاء الله شابة وظريفة وانقية الله الله عليها وربي اعطاك على حساب نيتك الطيبة ياحبوبة والله يحفظك من العين ااااااامين يا رب

ام سهام اطباقك روعة تسلم الايادي

المشاركة الأصلية كتبت بواسطة بشرى2008

حنا جانا العشاء من برا من عند صاحب بابا راح بابا وماما جابو كل هاد الخير من الطعام للحلوى للمسمن ولا المعارك للمطلووووووووووووع

مممممممممم بشرى ما شاء الله كلش حطة دبرتيها مطرح ما يسري يمري