الجزء 183 من واش طيبتي اليوم كوزينة القلب الصافي و الذراع الوافي

[أم رقية نسرين]

المشاركة الأصلية كتبت بواسطة أم فاطمه

ألسلام عليكم لبنات

صباح الخير واليسمين على احلى زهرات مراجعتش لاكن شفت دخول طالبة التاريخ مرحبا بلي جا وجاب متشرفين اختي اهلا بيك معنا
اهلا حياة واش ركي نستينا خلاص متسقسي علينا ما ولو ههههههههههه
امينة مولات الكزينة اهلا حنونة

.

تفضلو اخواتي نهار مبروك

ترحب بيك الجنة يا الحرة الله يبارك على طيابك و حلوياتك

[طيور الجنان]

سحابة و اخيرا زال العجب انا ماعرفتش الباذنجان خلاص يعطيك الصحة يالفحلة.
حيوتة حشمتيني بكلامك الغسل ياعسل ربي يخليك و يحفظلك احباب قلبك يارب لكن طيابك لا يعلى عليه حنونة بنة و بها.
البدرية الف مبارك مازاد عندك ربي يحفظو و يجعلو من الصالحين .بصحتكم اللفت.
امنية شكرا على الرابط بارك الله فيك و بصحتكم الكسكسي في انتظار صب الرشراش نحبو هاذ القاطو .
قبايلية اختي معريفة خير .
نهولة البريوش خرجلك فوور و الكسكسي قالهم اقعدو هنا سلمي على لميمة و قولها يعطيك الصحة فكرتيني في ميمتي .
البحر الصافي البوراك خرجلك هايل بصح الشخشوخة غطات عليه هههه يامي يامي هاااايلة راكي حرة الحراير الله يبارك

[أم فاطمه]

صباح الخير اختي طيور رني جيت الله يسقسي عليك الخير حنونتي

[طيور الجنان]

صباح الانوار ام فاطمة ةالفت كي ندخل نلقاك الحمد لله كي راكي بخير.

[سحابة باردة]

صباح الخير عليكم
راكم تجروا بصفحات ياحوجي نسيت كل اللي راجعتو المهم أم رحاب مرحبا بيك كنتي منورة الكوزينة البارح بعد غياب المحاجب ا
مانقاومش الحار والمسمن معليهش خلي تديه امنية مسكينة تصبح بكري للخدمة

أم هدول وسعيدة بصحتكم البوراك التركي جاكم علامة

أمنية طاجين الزيتون أمممم ياجمالو بصحتكم

موستا فطيمة أداتك علينا الغربة بصح مانسيتيش الكوزينة طيابك روعة والكبدة شهاتني يعطيك الصحة

حيوتة منورة أكيد أرشيفك علامة ومزية خدمتي الطابلات في إنتظار مائدتك المميزة

اللي سألوني على الطبق الأول هذاك دنجال مقلي مع الطماطم والثوم والملح والخل والحار طبعا وزدتو حبيبات بيض في الأخير خفيف وبنين

حقا أم هدول البريوش يهوس حطينا الوصفة أن شالله يكون ساهل وسريع

[أم فاطمه]

الله ينورك طيور
صباح الخير سحابة واش ركي هدا الغيبا غير الخير انشاء الله

[سحابة باردة]

صباح الانوار سعيدة وأم فاطمة
الفطير راني أديت قطعة يكثر خيرك

[حياة نور الدين]

صباح الانوار البنات
كل واحدة باسمها نرحب باختي طالبة تاريخ وبحبيبتي ريمة اهلين ومرحبتييييين

ام رحاب لك وحشششششششة حبيبتي واش راكي

ملوكة ماشاء الله عليك راكي قايمة بالكوزينة انت وامنية يا صاحبات الدرىاع الوافي

ام هدول واش راكي عزيبزتي وواش راهم بناتك

فيفي الله يبارك عليك حنونة كلشي يشهي

ام يوسف اهلااا اختي زاسمحيلي هدا وين شفت سؤالك شوفي اقسمي على 3 زاحد زيديلوا الفرينة باش ترابيه وزوج لخرين عاوديب لميهم مع بعض وحليهم في الصينية قتلكم الهدف من العملية تعرفوا شحال تخلوا عجينة باش ترابيوها

سحابة ونهال واش راكم خياتي لكم وحشة

طيور امضمامك لنا كان اكبر حدث في كوزينة امنية باطايبك حبيبتي

ام فاطمة حبيبتي شكراااا هعلى كلامك يا حرة الحرات

هدا واش راجعت وكي نزيد نراجع نكمل نعلق

[حياة نور الدين]

هههههه ام فاطمة والله ما نتخلى عليكم غير مرات الظروف والوقت تعكس الواحد والله نهار تكسرتلي قريب ما جاني انهيار نعزها كما اولادي هههههه هي اللي عرفتني بكم

سحابة ربي يخليك حبيبتي على كلامك ودوماااا متميزة

سعيدة صباح الانوار

البنات بالنسبة للبوراك التركي كل واحدة حطت وصفة قصدي راهم فيه وصفات متعددة وقالك امه الوصفة الحقيقية بلابات افيلو نكمل شغلي وندي دعاء تقرا وكي نرجع نحاول نحطلكم بعض الوصفات منه

الى الملنقى يادن الله حقى فطوري بواقي لابيري بلحم الارنب وعدس

[nihal159]

صباح الخير عليكم يالحراير، ماراجعت والو، اصبرو نشارككم بصوري ومن بعد نراجع.
فطور الصباح، ماتتخلعوش الكرواصون تاع عمي الخباز ههههههه بوه عليا يجيني الكرواصون متحوف هكا ههههههههههه

[nihal159]

تطبيقي لبريوش حبيبتي و حياة قلبي ههههههههههه حيوتة، ربي يحفظك و يحفظ وليداتك و شكرا على الوصفة الاقتصادية و الناجحة.
انا زينتو بالجولي و اللوز ايفيلي و السكر الناعم و من ذاخل حشيتو بلكونفيتير.

[القبايلية]

صباحكم ورد و حب و سعادة
ما قدرتش نقاوم وما ندخلش لكوزينتكم الزينة
لقيت فيها بنات جدد و أطباق جدد ربي يبارك في رزقكم
تحياتي الخاصة للصمدات و الواقفات على الكوزينة من بينهم أم الحبايب و أم هدول و حياة و معشوقة الجماهير زيكة ثمطوث أنزيكو
لاحظت غياب أم جوجو انشاء الله تكون بخير
حبيباتي اللي تعرفني و اللي ما تعرفنيش ربي يزيد في رزقكم و صحتكم و يبارك في وقتكم و جهدكم لي رجعة إنشاء الله باش نحط بعض من إنتاجاتي البسيطة

[nihal159]

لبارح تعشيت في دارنا، دارتلي يما ربي يحفضها بربوشة تاع الشعير بالخضر و الكرشة أو الدوارة كل واحد كيفاش يسميها، و الله يالبنات كي نتفكر البنة الرهيبة تغيضني روحي و تجيني الدمعة هههههههههههههههههههههههه، واش نقولكم أكلة فيها كل معاني التراث و التاريخ و الاصالة و حنان الام.

[nihal159]

هذو بروشات تاع اسكالوب، صورتهم في دارنا.

[أمنية غفران]

صباح الأنوار حبوباتي

حيوتي أهلين و سهلين يعطيك الصحة على الحلو يا حلو إمم جربي السلو رايح يعجبك أكيد آحم آحم
حقا راني درت صب الرشراش بصح بنيو لوك ههههه العشية إن شاء الله نحطه ليكم

طيور أختي صباحك بالخير و تفضلي رابط ديول أم رحوبة
https://www.djelfa.info/vb/showthread.php?t=1936861

أم فطوم يا عمري تبارك الله عليك هاداك الي حطيتيه رفيس ياك يا حوجي راهو يشهي يمي يمي بصحتكم
سحوبة يعطيك الصحة على شكشوكة بادنجان بصحتكم
بدريه أهلين و صحا فطوركم بصح كيفاه عامل لفت الورق ما عرفتوش

نهولة خليني من الكرواصو راهم سالو ريوقي على بربوشة الشعير هاو كيفاه ندير دركة ربي يحفظ الميمة و يحفظك حبيبتي و بريوش حيوتة خرج لك تحفة بصحتكم

قبايليه يا أهلين هادي غيبة يا لالة و كيفاه ما نعرفوكش يا روح ..... كمليها هههههه


فطورنا تعرفوه اليوم الأربعاء كسكس بلا ما نشم الريحة هههههه