أسبوع متعب للغاية !!!!

[بهاء الدين 93]

المشاركة الأصلية كتبت بواسطة ~خيرات حِسان~

نرجعو مع العلوم و آه من العلوم كان طويل بزاف mais الأسئلة نتاوعو ملاح و حتى أنو طاح وحد السؤال تاع بنية أنزيم هيكسوكيناز لي جا في الفرض تاع الأخ بهاء الدين
وكنت فرحانة و حاسباتو ذو بنية ثالثية لكن هو ذو بنية رابعية و كذلك درت أخطاء جد تافهة و ديت 15/20 رغم أني الوحيدة لي ماديتش مليح،، القسم كامل خدم و داو 18، 17 و 16.5 لان الأسئلة بسيطة (لا تحتاج لذكاء))لكن انا عقدتها و بديت نتفيهم هههه و شعال من مادة هاكا ،، حتى أنو زميلتي التي تجلس بجانبي قالت لي "ماتتفيهميش بزاف " و وجدت انو عندها الحق

سلااام
أخت "~خيرات حِسان~"
ممكن تقوليلي واش التعليل لي درتوه ، لانو انا ايضا درتها بنية رابعية (حبيت نلعبها فاهم) بويسك شفتو متكون من سلسلتين ++ فيه 920 حمض اميني ،
لكن للاسف ، الاستاذة قالت بلي بنية ثالثية كيما داروها الجمييييييع باستثنائي انا ، لذلك راحو نقطتين و نصف كاملتين ،
و ها انا الآن افاجئ باجابة استاذكم ، اذن ما العمل في الباكالوريا!!

[فريال المحتاجة عفو الله]

المشاركة الأصلية كتبت بواسطة ألٱميرة الچْزآﮰـڔية

تســــــــــلمي أختي فريـآآل
التوفيق ل،ـنا جميعا يآآرب
المهـــــــــــم
انا هذه العط ـلة سأعمل على إعادة كل مادرسته بحول الله
وسأصحح هفواتي وأخطائي وأتداركها كما أنني سأعيد
نماذج ااختبارآآت المواد العلمية غدا لارى ماسبب أخطائي

ايه ان شاء الله أنا تاني راني معولة نحل تمرينات في المواد العلمية الكل و نعاود نحفظ مليح المواد الأدبية و نخصص وقت للفلسفة نحضر فيه المقالات و نحفظها ان شاء الله
[color="rgb(105, 105, 105)"]

لا تيـــأسووا فلـ نصـــــــنع من الفشــــــل نجـــــــاحـآ

[/color]

لا حياة مع اليأس و لا يأس مع الحياة
البكالوريا أمل ...... يحققه عمل

المشاركة الأصلية كتبت بواسطة بهاء الدين 93

هههه اعجبني سردك لقصتك اخت فريال ، انها فعلا مشوقة ،، اتمنى لك كل التوفيق
..
..
رغم انها كانت فترة جد و اجتهاد ، الا انها حقا تخللتها فترات لا تنسى ، يا ريت تدوم فترة الثانوية و لآ تنقضي ،
سأروي مغامراتي مع امتحانات الفصل الاول لاحقا ،،
بالتوفييق

شكرا لك أخي بهاء الدين ... أنا تاني مشني متصورة بللي راح نفارق زملائي و الله عشنا 3 سنوات رائعة مع بعض

المشاركة الأصلية كتبت بواسطة مرايا الطلاب

باسم الله

تالاحد بدينا بلانجليزية والشريعة

عميتها فالانجليزية والشريعة خدمت مي ظهرت حرفت اية استدليت بيها

مبعدا درنا علوم خدمت والفضل لله

الفرنسية والاجتماعيات لاباس

الادب نص نص اما الفلسفة ........... الله لا يوفقها الاستاذة قاتلنا في المقارنة راح يجيكم يا مشكل واشكال يا سؤال علمي وفلسفي . وجدت مقالات على هاذ الاساس

مي كيجاني الموضوع قعدت غير نضحك

كتبتلها مقدمة جدل على المنطق الصوري وجيت خارجة

المهم ......... الرياضيات درت اخطاء بسيطة

واليوم ختمناها بالفيزيا طوييييييييييييييييييييييييييييلة 2.5 ونا نكتب ونص ساعة راجعت فيها

جاوبت بسرعة نبان كنت في سباق

المهم تعبت بزاااااااااااف هاذ الاسبوع . مي كينروح للقسم ونلقا زملائي لبنات ولولاد ننسا تعب

ونولي نتمنا ليامات ما يخلصوش

دعاء الوالدة اللي خلاني نكمل على خير

الحمد لله

الحمد لله على كل حال

المشاركة الأصلية كتبت بواسطة lona-99

قصتك تشبه قصتي برك انا ماروحتش نراجع على 3نراجع على الستة ونهار الفلسفة والعلوم الشرعية مل قدرتش نراجع حتي وحدة فيهم خطراش ما درناش الفرض تاع ع شرعية والفرض تاع الفلسفة فجائي مالا تلاقاو عليا 2 مواد ما ني حافظة والو منهم حفضت شوية من كل وحدة وروحت نرقد على العشرة ما قدرتش نحفظ هادي ولا هادي مالا خليتهم في زوج كان هاداك اليوم اصعب يوم هو وتاع الالتاريخ الجغرافغيا حفضت عرما مصطلحات حتي وحدة ما جاتني منهم

فعلا نفس القصة تقريبا ربي يوفقكم

المشاركة الأصلية كتبت بواسطة minou770

الإمتحانات مرت على ما يرام ماعدا الفلسفة سؤال غير متوقع إطلاقا وعجبني إمتحان الفيزياء راائع

أنا تاني في الفلسفة جابنا هادوك ( كلية موجبة و كلية سالبة و جزئية موجبة و جزيئة سالبة .... ) يدوخوووو

المشاركة الأصلية كتبت بواسطة med-18

بسم الله الرحمان الرحيم

السلام عليكم

ههه أعجبتني كثيرا قصّتكـ أختي هههه

لو حوّلناها إلى فيلم لكان الأمر أفضل هههه

الكثير منّا كانت له أخطاء

لكن يجب أن نحفظها كي لا تضيع منّا

أمّا أنا فالشيئ الّذي أحزنني هو أستاذ العلوم بعد تصحيح الإختبار

وكانّه يقول لنا ضع لي في ورقة الإجابة مافي رأسي أعطيك النقطة الكاملة

وإن تضع لي إجابة غيرها فلديك نصف العلامة

الله المستعان

أسأل الله لي ولكــ ولجميع الإخوة والأخوات هنا في المنتدى بالتوفيق والسداد في ماتبقّى

معليش نحولوها لفيلم بصح أنا مستحيل نمثل دور فيه هههههه تعبت تع الصح
شكرا أخي محمد بارك الله فيك

المشاركة الأصلية كتبت بواسطة listoma

سلااام عليكم و رحمة الله و بركـــــــاته .. /
قصـــــــــــــة مشوقـــــــــة أختي .. و أسبووع متعب للغايــــــــــة مي اللي تعب كيما أنا في هذا الاسبووع ماكااش ..هههههه...ه تخيلي أختي بـــــــــاطة تاع ''نيسكافي'' خلصتها وحدي ....ههههههه .. ++ كل يووم نرقد على ال4 أو على 3 تاع الصبااح و نــــــنوض على ال7 ... و الله صح معآآنآآة .. ++ كون غير النتيجة مرضــــــــية ..
هذو الأخطأأء تقولي نقتلــــــــهم ... ههه لازم يجي خطأ وحيد على الأقل في كل مادة باش يمنعـــــــــكـ باش تلتقي بالعلامـــــــة الكاملـــــــة ... للأسف هذا الفصل ودعت ال20/20 ..
بالنسبة للرياضياات و الفيزآآء و العلووم ... خدمت و الحمد للـــــــه .. فقط بعض الهفوآآت و ضيــــــــق الوقت طبعـــــــا ..
بالنسبة للإنجليزيــــــــــة .. عمبالي كلش صحــــيح .. ظهر أستاذنا مديرنا بيارج في وحد السؤاال ... ( تخيلي أختي قالك أستعمل provided that .. ; such..that ..and so...that.
+ عطاك 3 جمل و قالك استعمل هذو 3 في كل من هذو الجمل ...
ظهرة so .. That ما نستعملوهاش ... في الحقيـــــــقة أنا تولهت ليها مي عندما عكست الجملة صبت صفة و عرفت نستعملها .. مي شوية المعنى جا مايعطيلناش نتيجة ... مي على حسب التقيد بالسؤاال .. ما نقدرش نتفلسف ++ موشي من طبيعتي ... + على حساب نمط أسئلة الباكالوريا ماكاش لي بياج .. المهم و جا عسني اليووم و عايرني بواحد يقرى معايا و يقولي درتلكم بياج و هذاك اللي معايا زعمة فاق بيها ... في الحقيقة هو أصلا ما جاتوش فكرة يعكس الجمل .. ( خاطر سقسيتو في وقت انتهاء الامتحان ) .. و قالي بللي هو أخد 19.25 ... و أكبر علامة ... تعرفي هذاك أستاذ تقوول راني حاصلو في حلقو ...ههههههههه ...
++ فلســـــــــــفة .. عملت مقالة روعـــــــــة حول الدهشـــــــــة و الاحرااج ..
ت . اسلامية .. الحمد لله خدمـــــــــــت .
اجتماعيات .. جابولنا 2 شخصيات جامي سمعنا بيهم .. تقوول زكاآآرة ... + من كترة ما عندي الزهر الثاني وضعتو وزير خارجيـــــة الو.م.أ .. و جات صحيحة ..
+++ الوضعيات الادماجية ما يعجبوش خلااص .. أصلا ماهاكاش يديرو الوضعياات الادماجــــية .. لأنو السؤاال أصلا ما يتعلق بولا درس قرينا .. ( أسئلة عملهم أستاذ قديم يحب يروي بزاااف ) .. ماشي أستاذنا ..
الفرنســـــــية و الأدب عملناهم اليووووووووووم ... فرنسيــــــــة لسووء الحظ كلشي غالط ... حاولت نفهم النص مي الوقت ماكانش كافي .. رويت شوية
الأدب خدمـــــــت شويــــــــة مي غاضتني على وحد السؤاال .. في البنااء الفكري ..
جابولنا شعر تاع إليا أبو ماضي يحكي على تأسفــه لوطـــــــــنه ++ قالنا الاستاذ بللي هو مسيحي ... و في بداية الشعر يقول مقلة الشرق و أرض الانبياء و ماعلاباليش واش ... أنا جات في بالي فلسطــــين .. مي قلت بللي راهو مسيحي ما يأمنش مامبا بللي فلسطين هي مهد ... المهم و مبعد يكمل و يتأسف على بلادو .. المهم هذي تفهمها غير الى فهمت الشعر مليح ++ لازم تكوون علابالك بللي إيليا ولد في لبنان و مبعد راح لمصر و مبعد راح للو.م.أ و مات تما ...
أيا درتها أنا يقصد لبنان .. داروها 2 تاني معايا لبنان ( قاريين ) و الشعب كل دارها فلسطيـــــــــن ..
و قالتلهم أستاذة قديمة بللي يقصد لبنان ... خرجت أنا عند صحابي و نقولهم لبنان ماشي فلسطين و نشرحلهم .. قالولي بللي زميلي اللي ممتاز تاني دارها لبنان ... إيه .. أيا جا أستاذنا في الأدب .. سقسيناه قالنا فلسطــــــيــــن و بكل برودة أعصااب ... جمدت أنا .. و أخدو يضحكو عليا .. و انا بديت نضحك من التبهديلة .. أيا و جيت نروح و المورااال 0 000 ..
المهم ربي يوفقنـــــــــا ان شااء الله في البااااااااكـ .. و ما نعاودوش الأخطآآء اللي ارتكبناها في الاختباار .. مي أنا خطراات التصحيــــــــح تاع الخطأ و ما يقنعنيـــــــش خاصة في المواد الأدبية .... نبقى حايـــــــــر ...
المهم .. في أمآآن الله و عذرا على الاطا ـــــــــــــــــــــــــــلة

شكرا أخي فاروق خلليتنا نعيشو أجواء رائعة ربي يوفقك
ما شاء الله حكايتك بالتفصيل و هذا اللي تمنيت نقراه باش نقدر نتخيل أدق الجزئيات

المشاركة الأصلية كتبت بواسطة نرجس المنتدى

ايه جماعااااااااااااااااا كون تشوفو هنا التقنى 3 سوايع و6 تمارين مات راسك يحبس

اييييييي ياسر 6 تمرينات في 3 سوايع
ساعات أساتذة ما نقدرو نقولو والو عليهم غير ( ربي يهديهم )

المشاركة الأصلية كتبت بواسطة رَوْنَــق

والله قصصكم مثيرة
انا الحمد لله هاد الاختبار راني راضية عن اجاباتي ما عدا الفرنسية تقولي عمري ولا قريتها
المات كان ليح مي ما كملتش التمرين ااول ما فهمت فيه والو درت سؤالين منه
العلوم كان ساهل يلزمله شوية تركيز
الفيزياء كنت خايفة منها مي الحمد لله كان الموضوع مليح مي ما قانيش الوقت باش نكمل
افسفة ما كنتش مراجعة
قريت المقالة نتاع الفرق بين المشكلة والاشكالية حطوهالنا هية
الانجليزية شوية ما خدمتش مليح
العربية ملليح عجبني الموضوع وخدمت فيه
اعلوم شرعية من اسهل ما يكون
والخلاصة اني راني عيانة بزاف سمانة كاملة وانا نوض 4.00 ما عدا الاربعاء
وهادي غامرتي باختصار على خاطر وكان حكيت كلشي ما تسلكوش مع لقراية
والله ينجحنا ويوفقنا .
اختكم ايمان رونق

شكرا أختي و العقوبة لعلامات ممتازة ان شاء الله

المشاركة الأصلية كتبت بواسطة ~خيرات حِسان~

أما عني أنا اجتزت الامتحان الاسبوع الماضي أي في 20 نوفمبر ، يعني هذا الأسبوع صححنا فيه
نبداو بالساهل و هي ت اسلامية الحمد لله خدمت فيها و ديت 19.5و كذلك الفرنسية كانت سهلة وخدمت باه نعوض في الفرض لاني ديت فيها 12.5
اه بالنسبة للرياضيات كان الاختبار مليح و كنت حاسبة روحي راني دايرة كلش صح a part وحد السؤال لكن كي صححنا شفت روحي دايرة اخطاء بزاف و تافهة جدا
حتى أنني اشارة دالة تألفية غلطت فيها من كثرة التسرع و قلة التركيز و معادلة المماس كتبتها بلا x ههههه مثلا : 2x+3 أنا كتبتها 3 + 2 كون كملتا 5 و خلاص هههههه
و في الاخير ديت 16 رغم أنو صديقتي دات 19.5 ، الحمد لله على كل حال
اه بالنسبة للاجتماعات حفظت ملييح من الكراس و من الانترت لكن ماديتش مليح لانو حطونا مصطلحات أول مرة نسمع بيهم حتى في الكتابة كتبتهم خطأ ههه
)مثلا: الستار الحديدي كتبتها التيار الحديدي (
اااااه بالنسبة للفلسفة // قالتنا الأستاذة من قبل أنو راح تجي مقالة تاع مقارنة و تحليل نص أمالي حنا في التطبيقات كنا دايرين مقالة تاع السؤال العلمي و الفلسفي donc توقعت تجينا مقالة أخرى و كاين غير المشكلة و الاشكالية انا خدمتها في الدار و حضرتها و كنت عاقلة عليها وفعلا حطوهالنا يااااي مين شفتها طرت بالفرحة لاني كنت عارفة بلي غير أنا راح نخدم لأنو ماكُناش كاتبين بزاف عليها لكن في الاخير ديت 15 .................نقطة مليحة mais كاين زملائي داو 16.5 و 16 و الله انخلعت رغم انو وحدة منهم قبل الامتحان سألتني على مقالة بطريقة المقارنة رحت نشرحلها بالتفصيل على نيتي و هي دات خير مني
نرجعو مع العلوم و آه من العلوم كان طويل بزاف mais الأسئلة نتاوعو ملاح و حتى أنو طاح وحد السؤال تاع بنية أنزيم هيكسوكيناز لي جا في الفرض تاع الأخ بهاء الدين
وكنت فرحانة و حاسباتو ذو بنية ثالثية لكن هو ذو بنية رابعية و كذلك درت أخطاء جد تافهة و ديت 15/20 رغم أني الوحيدة لي ماديتش مليح،، القسم كامل خدم و داو 18، 17 و 16.5 لان الأسئلة بسيطة (لا تحتاج لذكاء))لكن انا عقدتها و بديت نتفيهم هههه و شعال من مادة هاكا ،، حتى أنو زميلتي التي تجلس بجانبي قالت لي "ماتتفيهميش بزاف " و وجدت انو عندها الحق
و بالنسبة للفيزياء كان راااائعا لكن طويل شوي لدرجة اني كنت نكتب دون تفكير ودون مراجعة و الكتبة رقيقة بزاف لازملها la loupe حتى أني نسيت سؤالين لانو كل سؤال يتضمن سؤالين او 3
أما الأدب فكانت المفاجئة يعني كان صعب جدا جدا و كانت القصيدة لأيليا أبو ماضي لكن رغم ذلك أخدت نقطة مليحة و بالنسبة للانجليزية كان في المتناول و ديت فيها 17

....
....
....
أما الفروض ما نحكيش عليهم خلاص ،لانو ولا نقطة تفرح ، واعلى نقطة أخذتها :15 على ما أظن، و 20/20 راحو ما أيام السنة الماضية
+++
رغم انني كنت نتحصل على 18 و 17 في المعدلات الفصلية للسنة الماضية لكن هاذي السنة راني ندعي غير نلحق 16
المهم النقاط ليست مقياسا لمستوى التلميذ
و مليحة كي يخطأ الواحد دركا خير من لي يخطا في البكالوريا

.
..
.
. آسفة ،،، طولت عليكم شوي ،،، المهم أنني شاركتكم مغاماراتي في الامتحانات
و بالتوفيق للجميع

لالا عادي ما طولتيش بالعكس شكرا على المشاركة و الرد الرائع
نقاط جيدة ما شاء الله نتمنالك دوام التوفيق و النجاح
أثارت انتباهي نقطة الفلسفة ( ما شاء الله ربي يحفظك من العين ) حنا أعلى علامة 12 و الحمد لله أنا اللي اديتها و الأستاذ قريب يعمللي عرس قاللي عندك حس فلسفي ولليت نضحك في وجهو ههههههه

المشاركة الأصلية كتبت بواسطة listoma

و فيكـ بركـــــــــة أختي ...
ان شآآء الله ربي يوفقكـ و نحصدو علاماات جيدة في الباكالوريا و هي الاهـــــــــم ...
في امان الله

آآآمين يا رب و هاداك هو الهدف الباااااااااااااااك

المشاركة الأصلية كتبت بواسطة listoma

الله لا يغيـــــــــبكـ علينا خويا لعزيز ...
تعرف وحد الخيط تاع التيليفوون تقطع .. و بالسيف لاجاو هاذووكـ اللي يخدمو في هذا المجاال ...
المهم كيفاش جوزت أياام الامتحانااات ... ؟؟؟؟؟؟؟ ان شاء الله صحة و عافية ..
++ أنا و الله تعبـــــــــت تاع الصح و راني حاس برووحي خلاااص ما بقيتش نقدر نهز الكرااااس .. مع أني حاولت ما نجهدش رووحي بزااف مي الفضوول يغلب عليا بزاااااااااااف .... و لازملي راحة و رقاااااااد منا حتى نرجعو وراء العطلــــــــــة باش نقدر نديماري من جديـــــــــــد هههه ...
في امان الله ..
نتمنالكـ كل التوفيق خويا ..

أهلا بك أخي ... عودة ميمونة .. نورت المنتدى

المشاركة الأصلية كتبت بواسطة rima3571

كامل جوزنا المر في الاختبارات هاذوما
ايه و الله صح و المشكلة أني أنا و خويا و أختي الصغار جوزنا في نفس الأسبوع
أختي تحفظ ( و صوتها الله يبارك يطرش ) و لوخر آآآآه ما حبش يتحل التمرين و أنا من جهة قاتلة روحي
ربي يصبر ماما و بابا برك
والله نصارحكم تشوفو الدار في هاديك السمانة في حالة الكراسات و الأوراق في كل مكان ماما مسكينة جاهدت ربي يخلليها لينا ان شاء الله
انا خدمت في المواد كامل غير العربية .....علامة 12 ربي يعافيكم منها + جامي اديت علامة كيما هذي ...قريب مت كي مدتلي الورقة !!!
و السبب : باغيين تعرفو .؟؟؟..........راجعت بزاف و تخلط كامل الي راجعتو في راسي........
ركزت على ايليا ابو ماضي و في الأخير جا عمي * ابن الوردي * يتفلسف عليا... ..بصح..لافوت تاع الأستاذة ميش تاعو....

--------------------

اليوم الي درنا فيه المات كان فيه اختبار فرنسية
راجعت المات من 3 عشية .........................الساعة 5 الصباح و الفرنسية الله غالب ماريفيزتش و توكلت على ربي ( و الأصح تواكلت )
نص الساعة الاولى تاع الامتحان قريب رقدت.. النعاس قتلني و من بعد فطنت و خدمت + الفرنسية موضوع سااااااااااااااااااااااهل .

النتيجة كانت 20 في المات و الفرنسية كلشي صحيح
-----------------

جا اليوم تاع الفلسفة و الفيزياء

نفس السيناريو تاع المات و الفرنسية

نتوقع علامة جيدة في الفيزياء
و الفلسفة حفظت غير مقالة وحدة من المقالات الي حضرتهم من قبل( ماكفاش الوقت) و للأسف ........( لم تكن موجودة ضمن المواضيع المقترحة في الامتحان )

شفت مع ورقتي و قلتلها وش راح نكتب فيك
قولوا واش درت .......1- كتبت المقالة الي حفظتها رغم انها خارج الموضوع
+
2- كتبت مقالة ركيكة حول ماهو مطلوب مني

-(((( و للأستاذة الإختيار في التميز بين ماهو صحيح و خاطىء -مقبس من تعريف المنطق-)))))-

-------------------------

في ما يخص المواد الأخرى صافا

و خرجت بنتيجة من الثلاثي الأول : - لازم عليا نبدل طريقتي في المراجعة

و انتوما تاني قيموا نفوسكم و بدلوا الحاجة الى ميش مساعدتكم

بالتوفيييييييييييييييييييييييق + عذرا على الإطالة

بالتوفيق ان شاء الله علامات ممتازة
شكرا على الرد الرائع

[minou770]

ممكن من فضلك تصحيح فرضكم الأول للفيزياء ؟

[~خيرات حِسان~]

المشاركة الأصلية كتبت بواسطة بهاء الدين 93

سلااام
أخت "~خيرات حِسان~"
ممكن تقوليلي واش التعليل لي درتوه ، لانو انا ايضا درتها بنية رابعية (حبيت نلعبها فاهم) بويسك شفتو متكون من سلسلتين ++ فيه 920 حمض اميني ،
لكن للاسف ، الاستاذة قالت بلي بنية ثالثية كيما داروها الجمييييييع باستثنائي انا ، لذلك راحو نقطتين و نصف كاملتين ،
و ها انا الآن افاجئ باجابة استاذكم ، اذن ما العمل في الباكالوريا!!

التعليل كان "لانه يتكون من سلسلتين بيبتيديتين لكل منها بنية ثالثية "

و زاد قالنا الأستاذ أنو اذا اعتبرنا أن السلسلتين متساويتين في عدد الأحماض الآمينية أي كل سلسة تتكون من 460 حمض أميني ---> عدد كبيـــــــر<--أي كل سلسلة ذات بنية ثالثية
-
-
-يعني اجابتك أنت صحيحة على حسابنا،،،،،،
و انتوما واش هو التعليل لي كتبتوه ؟؟
غريب !! وينها الاجابة الصحيحة ؟؟!!!

[كيل را ام]

على حسابها 48 ولاية حنا جماعة الباك شواونا . و الله يا حنا دارونا موضوع تاع علوم فيه انزيم جامي سمعنا بيه و ما عرفوهولناش و طاحت الجماعة واحد يقول مثبط و واحد مخرب و واحد مسرع ههههههه هلكناها و فرات مع ان و الله كنا موجدين مليح . قدر الله و ما شاء فعل ان شاء الله ما نعاودوش نطيحوا في هاذ الاخطاء التفهة . بالتوفيق للجميع

[جبور عبد الحاكم]

كامل كيف كيف نفس المنوال ونفس التعب وشئ اكثر من شئ

[بهاء الدين 93]

المشاركة الأصلية كتبت بواسطة ~خيرات حِسان~

التعليل كان "لانه يتكون من سلسلتين بيبتيديتين لكل منها بنية ثالثية "

و زاد قالنا الأستاذ أنو اذا اعتبرنا أن السلسلتين متساويتين في عدد الأحماض الآمينية أي كل سلسة تتكون من 460 حمض أميني ---> عدد كبيـــــــر<--أي كل سلسلة ذات بنية ثالثية
-
-
-يعني اجابتك أنت صحيحة على حسابنا،،،،،،
و انتوما واش هو التعليل لي كتبتوه ؟؟
غريب !! وينها الاجابة الصحيحة ؟؟!!!

سلاااام
والله ،، شيء محير للغاية ،
يعني بالتصحيح تاعكم عندي 20 ،
لــــــــــــــكن ، كلام الاستاذة اقنعني ايضا،
أخت ~خيرات حِسان~، لو لاحظت البنية ، لوجدت انها فعلا تتكون من سلسلتين ، لكن احداهما تملك بنية ثالثية و الاخرى ثانوية ، هذه الاخيرة مشكلة من سلسلة واحدة ذان بنية حلزونية ، لذلك نعتبر البنية ثالثية،
(بنية رابعية يعني مكونة من سلسلتين او اكثر ، لك واحدة بنية ثالثية )
المشكل لي كان عندنا هو انو الرسم مش باين خلآآص ،
اعطي لنا نفس التمرين في سلسلة لدروس الدعم لكن واضحة بشكل جيد ،
+++
اخبرني استاذ الدعم انو مستحيل يعطيلك بنية رابعية و تكون السلسلتين متداخلتين ،
لاحظي بنية الهيموغلوبين تلقايها واضحة للعيان بلي اربع سلاسل،
والله اعلم،
موفقة باذن المولى،
سلاااام

[sirina_angel]

المشاركة الأصلية كتبت بواسطة listoma

هههههههه.... ما فهمتــــــــــش قصـــــــــة ال3 ساعآآت هذي ....هههههه...ه ... هههههههه....ه
ما عليش تقولي واش قالكــــــــــــم ...الأستاذ : دكاكرة ؟؟؟؟؟؟؟؟
+ نتمنالكـ كل التوفيــــــــــق أختي ...

قالنا اقعدوا ما تقراوش برك .....اذا حاسبين ناس ما تقراش .....او كاين وحد طفل قالي نرقد 3 ساعات برك ...و حنا بدينا نقولو شكون هذا شكون ....انا قلت يا الاخ فاروق يا الاخ منصف ..

[~خيرات حِسان~]

المشاركة الأصلية كتبت بواسطة بهاء الدين 93

سلاااام
والله ،، شيء محير للغاية ،
يعني بالتصحيح تاعكم عندي 20 ،
لــــــــــــــكن ، كلام الاستاذة اقنعني ايضا،
أخت ~خيرات حِسان~، لو لاحظت البنية ، لوجدت انها فعلا تتكون من سلسلتين ، لكن احداهما تملك بنية ثالثية و الاخرى ثانوية ، هذه الاخيرة مشكلة من سلسلة واحدة ذان بنية حلزونية ، لذلك نعتبر البنية ثالثية،
(بنية رابعية يعني مكونة من سلسلتين او اكثر ، لك واحدة بنية ثالثية )
المشكل لي كان عندنا هو انو الرسم مش باين خلآآص ،
اعطي لنا نفس التمرين في سلسلة لدروس الدعم لكن واضحة بشكل جيد ،
+++
اخبرني استاذ الدعم انو مستحيل يعطيلك بنية رابعية و تكون السلسلتين متداخلتين ،
لاحظي بنية الهيموغلوبين تلقايها واضحة للعيان بلي اربع سلاسل،
والله اعلم،
موفقة باذن المولى،
سلاااام

اي صحيح ، حتى أنا اعتبرته ذو بنية ثالثية
+
حتى كلام أستاذي لم يقنعني لان البنية واضحة و ليست معقدة
والله أعلم
شكــــرا أخي ، بالتوفيق و السداد

[listoma]

المشاركة الأصلية كتبت بواسطة sirina_angel

قالنا اقعدوا ما تقراوش برك .....اذا حاسبين ناس ما تقراش .....او كاين وحد طفل قالي نرقد 3 ساعات برك ...و حنا بدينا نقولو شكون هذا شكون ....انا قلت يا الاخ فاروق يا الاخ منصف ..

هههههه... بالفعــــــــل أنا أياام الامتحااناات كاامل وأنا نرقـــــــــــد على 3 ونصف أو على 4 تاع الصبااح .. و نوض على 7 دوون معاناة و دوون شقآآء .. و الله و كأنني رقدت الليل بأكملـــــــــــــه سبحاان الله ...
مي باقي الأياام نرقد على 12 دي فوة على 1 ...
مي أنا ما قلتش لدكاكرة بللي أنا نرقد على 3 ... علابالهم غير صحاابي ...
المهم بالتوفيـــــــــــق لكـ أختي ... ان شااء الله ربي يحفظــــــــــكـ ...
في امان الله

[فريال المحتاجة عفو الله]

المشاركة الأصلية كتبت بواسطة listoma

هههههه... بالفعــــــــل أنا أياام الامتحااناات كاامل وأنا نرقـــــــــــد على 3 ونصف أو على 4 تاع الصبااح .. و نوض على 7 دوون معاناة و دوون شقآآء .. و الله و كأنني رقدت الليل بأكملـــــــــــــه سبحاان الله ...
مي باقي الأياام نرقد على 12 دي فوة على 1 ...
مي أنا ما قلتش لدكاكرة بللي أنا نرقد على 3 ... علابالهم غير صحاابي ...
المهم بالتوفيـــــــــــق لكـ أختي ... ان شااء الله ربي يحفظــــــــــكـ ...
في امان الله

ما شاء الله ان شاء الله تلقى تعبك في جوان ان شاء الله و نقولو كاين واحد من منتدى الجلفة اسمو فاروق دا الباك بـ 18 في حفظ الله

[بهاء الدين 93]

سلاآآآم
حسن ، يبدو اني تأخرت لذلك قد أكون آخر من يروي حكايته،
لا علينا ،
مسيرتي مع هذه الامتحانات بدأت مع امتحان الادب الذي طرحت فيه علينا قصيدة لإيليا ابو ماضي كنت قد قرأتها في ذلك الصباح ، بالرغم من اني لم كن على علم بالاسئلة من قبل الا ان مجرد الشعور
بأن النص ليس بغريب بعث في الطمأنينة و الحمد لله، في المساء كنا مع موعد امتحان الانجليزية ، نقولوا لاباس لانو المجال تاع أخلاقيات التجارة و الغش و التزوير و ما الى ذلك من الدروس التي تناولناها عجبني بزاااف
في اليوم الثاني ، دخلت امتحان الرياضيات و كلي عزم على حصد النقطة الكاملة ، وفقت في امور عدة و الحمد لله ، كي ولات في آآآخر سؤال ، الاستاذ الحارس يدا يقلق فينا مالا درت المعادلة التفاضلية على عجالة ،
كي كملنا سألني صديقي قلتلو من فضلك مانيش حاب نناقش ، الاصرار دفع بي الى مناقشة بعض الاسئلة سطحيا ، فجأة لمحت رقم و المشئوم في المعادلة التفآضلية ، و اكتشفت اني أخطأت ،

حقيقة لم اتمالك نفسي من شدة الهزة ، خيل لي و كأنها حماقة و تفاهة ان أجيب على كل الاسئلة ثم أخطأ في سؤال تافه مثل هذا ،
عدت للمنزل و لم استطع مراجعة الاجتماعيات لحسرتي على ما ضاع ،
امتحنت في التاريخ و الجغرافيا و أجبت عن امور من مخيلتي ، أصبت في البعض و خرجت عن الموضوع في البعض الآخر، كلفني ذلك بعض الشيئ،
امتحنا في اليوم الموالي في مادة العلوم على مدار ثلاث ساعات ، كان اختبار في المستوى ، لكن كي ولات في نصف ساعة الاخير ، كاين امور ملتبسات كنت مخليلهم مكآن باش نديرهم مع الاخير ،
غير انو الاستاذ لي كان يحرس انما هو استاذي في الرياضيات ،
سألته عن آخر سؤال في الاختبار فأعلمني اني تحصلت على اعلي نقطة في الاقسام النهائية ،
لم يفرحني الخبر إطلاقا ، فبقيت اترجاه على ان يعتبر المعادلة صفرية او على الاقل يمنحني نصف العلامة ،
لكن لا حياة لمن تنادي ،، (عندنا الاستاذ كي تفوت النقطة 14 يتغير التصحيح "القلم يتزير")
المهم بقات غاضيتني كي قالي عليها نقطة و نص كآآمل ،
في المساء درنا شريعة ،اسئلة يغلب عليها الفهم ، خصوصا سؤالين تاع ثقافة عامة ، المهم الحمد لله خدمت و بقيت حتى للتآآآلي كي كره رفدلي الورقة ، قلتلو صحيهالي دارلي كلش صحيح و فرح بالاجابة بصح عطاني 19 ، كي قلتلو برك دارلي الملاحظة في الورقة "برك و فقط" و قالي خليها هكا احسن احسن من 20،
اليوم ما قبل الاخير جات الفزياء ، المادة الثانية لي كنت عازم على 20 ، لكن راني متخوف كثيييير لانو و انا نخدم خيل الي في بعض الاسئلة و كأنها غير منطقية ، الله اعلم،
اما الفرنسية كان سهل نوعا ما ، نص على معركة بين فرنسا و المانيا، و الفقرة على هجومات الشمال القسنطيني ،
ختآمها كان بالفلسفة ،يآ ليته يكون مسكا ، راني حاس بلي خدمت ، لكن كي قالتلي الاستاذة بلي القسم الثاني ما فاتوش 14 ، تخوفت شويا يلا ما تقبلش الافكار لي درتهم في مقالة المقارنة بين التقابل و العكس ،
كآنت هذه مغامرتي مع امتحانات هذا الفصل الاول في هذه السنة النهائية ، سردتها عليكم لنتبادل اجواء الجد و النشاط و المثابرة ،
ان شاء الله نتائج مرضية و مميزة لجمييييع الطلبة و الطالبات يآآ رب
تقبلوا من تحياتي و آآسف على الاطآآلة ،
سلاااام

[listoma]

المشاركة الأصلية كتبت بواسطة فريال المحتاجة عفو الله

ما شاء الله ان شاء الله تلقى تعبك في جوان ان شاء الله و نقولو كاين واحد من منتدى الجلفة اسمو فاروق دا الباك بـ 18 في حفظ الله

ان شآآء الله أختـــــــــي و الله طلعتيلي المورآل ... ههههه..
حــــــــــــتى حمرتيلي خدودي ههههه...
ان شااء الله نتهاودو كاامل و نجيــــــــبو 18 وعلااش لالا ... ياك رانا كامل نتعبو ...
المهم ان شااء الله ربي يوفقنا ...
في اماان الله

[*ايمان*]

اسخف اجابة وضعتها اني عرفت زمن نصف العمر بزمن نصف التفاعل
فكانت ملاحظة استاذنا الكريم هناك خلط بين التحولات والكيمياء

[*ايمان*]

المشاركة الأصلية كتبت بواسطة بهاء الدين 93

سلاآآآم
حسن ، يبدو اني تأخرت لذلك قد أكون آخر من يروي حكايته،
لا علينا ،
مسيرتي مع هذه الامتحانات بدأت مع امتحان الادب الذي طرحت فيه علينا قصيدة لإيليا ابو ماضي كنت قد قرأتها في ذلك الصباح ، بالرغم من اني لم كن على علم بالاسئلة من قبل الا ان مجرد الشعور
بأن النص ليس بغريب بعث في الطمأنينة و الحمد لله، في المساء كنا مع موعد امتحان الانجليزية ، نقولوا لاباس لانو المجال تاع أخلاقيات التجارة و الغش و التزوير و ما الى ذلك من الدروس التي تناولناها عجبني بزاااف
في اليوم الثاني ، دخلت امتحان الرياضيات و كلي عزم على حصد النقطة الكاملة ، وفقت في امور عدة و الحمد لله ، كي ولات في آآآخر سؤال ، الاستاذ الحارس يدا يقلق فينا مالا درت المعادلة التفاضلية على عجالة ،
كي كملنا سألني صديقي قلتلو من فضلك مانيش حاب نناقش ، الاصرار دفع بي الى مناقشة بعض الاسئلة سطحيا ، فجأة لمحت رقم و المشئوم في المعادلة التفآضلية ، و اكتشفت اني أخطأت ،

حقيقة لم اتمالك نفسي من شدة الهزة ، خيل لي و كأنها حماقة و تفاهة ان أجيب على كل الاسئلة ثم أخطأ في سؤال تافه مثل هذا ،
عدت للمنزل و لم استطع مراجعة الاجتماعيات لحسرتي على ما ضاع ،
امتحنت في التاريخ و الجغرافيا و أجبت عن امور من مخيلتي ، أصبت في البعض و خرجت عن الموضوع في البعض الآخر، كلفني ذلك بعض الشيئ،
امتحنا في اليوم الموالي في مادة العلوم على مدار ثلاث ساعات ، كان اختبار في المستوى ، لكن كي ولات في نصف ساعة الاخير ، كاين امور ملتبسات كنت مخليلهم مكآن باش نديرهم مع الاخير ،
غير انو الاستاذ لي كان يحرس انما هو استاذي في الرياضيات ،
سألته عن آخر سؤال في الاختبار فأعلمني اني تحصلت على اعلي نقطة في الاقسام النهائية ،
لم يفرحني الخبر إطلاقا ، فبقيت اترجاه على ان يعتبر المعادلة صفرية او على الاقل يمنحني نصف العلامة ،
لكن لا حياة لمن تنادي ،، (عندنا الاستاذ كي تفوت النقطة 14 يتغير التصحيح "القلم يتزير")
المهم بقات غاضيتني كي قالي عليها نقطة و نص كآآمل ،
في المساء درنا شريعة ،اسئلة يغلب عليها الفهم ، خصوصا سؤالين تاع ثقافة عامة ، المهم الحمد لله خدمت و بقيت حتى للتآآآلي كي كره رفدلي الورقة ، قلتلو صحيهالي دارلي كلش صحيح و فرح بالاجابة بصح عطاني 19 ، كي قلتلو برك دارلي الملاحظة في الورقة "برك و فقط" و قالي خليها هكا احسن احسن من 20،
اليوم ما قبل الاخير جات الفزياء ، المادة الثانية لي كنت عازم على 20 ، لكن راني متخوف كثيييير لانو و انا نخدم خيل الي في بعض الاسئلة و كأنها غير منطقية ، الله اعلم،
اما الفرنسية كان سهل نوعا ما ، نص على معركة بين فرنسا و المانيا، و الفقرة على هجومات الشمال القسنطيني ،
ختآمها كان بالفلسفة ،يآ ليته يكون مسكا ، راني حاس بلي خدمت ، لكن كي قالتلي الاستاذة بلي القسم الثاني ما فاتوش 14 ، تخوفت شويا يلا ما تقبلش الافكار لي درتهم في مقالة المقارنة بين التقابل و العكس ،
كآنت هذه مغامرتي مع امتحانات هذا الفصل الاول في هذه السنة النهائية ، سردتها عليكم لنتبادل اجواء الجد و النشاط و المثابرة ،
ان شاء الله نتائج مرضية و مميزة لجمييييع الطلبة و الطالبات يآآ رب
تقبلوا من تحياتي و آآسف على الاطآآلة ،
سلاااام

هل يمكن ان يطلعنا اخي على اختباراته ولو الاساسية فقط