موضوع مميز تطبيقي لقلب اللوز باللبن بالشرح والخطوات المصورة - الصفحة 4

صدفات · 2014-05-10, 11:17

اقتباس:

المشاركة الأصلية كتبت بواسطة ام اماني77

بسم الله الرحمان الرحيم

طبقت قلب اللوز باللبن للاخت ليليا وكانت النتيجة اكثر من رااااااائعة ربي يفرحها ويجازيها عنا كل خير
لذلك قلت نحط التطبيق مع الشرح والخطوات وهذا تلبية لطلب الاخوات

المقادير:

6كيلات دشيشة الخاصة بقلب اللوز
3كيلات سكر
كيلة زيت
كيلة لبن
رشة ملح
فاني
رشة خميرة كيميائية

الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر

الطريقة:

بالنسبة للكيلة المستعملة تعتمد على الصينية لي راح نطيب فيها قلب اللوز يعني اذا كانت الصينية كبيرة نستعمل كيلة كبيرة واذا صغيرة نستعمل كيلة صغيرة

نكيل الدقيق ونحط في الصينية ونشوف للارتفاع اذا شفناه مرتفع بزاف نقص في الكيلة واذا هابط نستعمل كيلة اكبر

https://

من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني

https://

ثم نضيف كيلة من اللبن انا استعملت نتاع القارورة

https://

https://

نخلط المقادير غير بالاصابع راح نتحصل على هذا الخليط

https://

نضيف ماء الزهر غير بالشوية حتى يتكور في يدك يعني كي نحط كمية من الخليط في اليد ونحرك راح تتشكل عندي كويرة هذا يعني ان العجينة مليحة ماتحتاجش ماء زهر اضافي

https://

نغطي الخليط ونخليه يرتاح لمدة نصف ساعة

في هذا الوقت نحضر الشاربات

نحط السكر والماء مع قطرات ليمون على نار متوسطة ونحسب 10د من بداية الغليان ونطفي عليه ونضيف ماء الزهر

من بعد نشعل الفرن من الاسفل على 200د
ناخذ الصينية وندهنها بالزبدة ونحط الخليط في الصينية بلا مانضغط عليه
بواسطة ظهر ملعقة نعدله ونسقمه
ناخذ سكين ونشكل خطوط غير من فوق ونرشق حبات لوز

https://

ندخله للفرن ونخليه حوالي نصف ساعة المهم حتى نشوف الاطراف حمارت هنا نطفي من الاسفل ونشعل من فوق ونخليه حتى يتحمر ملييييح

من بعد نخرجه ونسقيه بالشربات مباشرة وهو سخون على مرة واحدة
https://

نعاود نرجعه للفرن وهو سخون ونغطيه بصينية اخرى ونخلي فتحة حتى مايعرقش

من الاحسن نخليه يبات من بعد نقطعه لكن مانظنش تصبرو عليه هذا المدة خخخخ اذن على الاقل نخليوه 6 ساعات يتشرب مليح الشاربات وهذا شكله بعد ماطاب

https://

هنا كنت عملتو بالدقيق نصف الغليط هايل لكن بالدشيشة احسن بكثير

https://

هذو السنيوات عملتهم لخواتاتي ربي يحفظهم

https://

https://

شوفو كيفاه معسل وطري اممممم

https://

https://

نتمنى تجربوه خاصة ان شهر رمضان على الابواب

اللهم مابلغنا رمضان

هذا الرابط

https://www.djelfa.info/vb/showthread...c7%e1%e1%c8%e4

صباح الخير يا استاذة يعطيك الصحة روعة 444444444444444444444444

وللمعلومة راني جربته مرتين مرة الاولى بالخميرة كيميائية ومرة بدونها وراه يجي احسن واخف بالخميرة .

نور الهدى06 · 2014-05-10, 11:27

تهبل يعطيك االصحة

إلهام07 · 2014-05-10, 14:57

ماشاء الله تطبيق نتاع شاف يعطيك الصحة ....بصح أنا علاه ماتفكرتينيش بصينية
أنا هذي المرة حطيتلو ماشي رشة نتاع خميرة نونو درت صاشي كاملة جا خفيييف وهشوش وكل حبة وحدة ويتفتت بصح مممممممم خفيف يهبل وبنين كي البسبوسة
بصحتكم وربي يعطيك صحتك ويحفظلك هذوك اليدين
مواح

ام اماني77 · 2014-05-11, 08:42

اقتباس:

المشاركة الأصلية كتبت بواسطة إلهام07

ماشاء الله تطبيق نتاع شاف يعطيك الصحة ....بصح أنا علاه ماتفكرتينيش بصينية :d:d:d:d:d
أنا هذي المرة حطيتلو ماشي رشة نتاع خميرة نونو درت صاشي كاملة جا خفيييف وهشوش وكل حبة وحدة ويتفتت بصح مممممممم خفيف يهبل وبنين كي البسبوسة

بصحتكم وربي يعطيك صحتك ويحفظلك هذوك اليدين
مواح

اهلا بالغالية الهام

تستاهلي اكبر واحلى صينية

شكرا على فكرة الخميرة دائما عندك افكار جديدة بارك الله فيك

مقدسية · 2014-05-10, 15:05

رووووووووووووعة ام اماني
وبارك الله فيك على التوضيح والشرح المفصل

ام ساجد · 2014-05-10, 15:29

جزاك الله خيرا الفشكر

حسيبة2010 · 2014-05-10, 16:27

بارك الله فيك على الشرح أنا صراحة جربتو 4 مرات ماصلحش (مرة السميد ومرة الفرن...) المهم هاد المرة طبقت الخطوات تاعك وحدة بوحدة خرجلي روووووووووووووووووووعة رووووووووعة وبنيييييين ماشاء الله
يعطيكم الصحة انت و ليليا صاحبة الوصفة

ام اماني77 · 2014-05-11, 08:40

اقتباس:

المشاركة الأصلية كتبت بواسطة حسيبة2010

بارك الله فيك على الشرح أنا صراحة جربتو 4 مرات ماصلحش (مرة السميد ومرة الفرن...) المهم هاد المرة طبقت الخطوات تاعك وحدة بوحدة خرجلي روووووووووووووووووووعة رووووووووعة وبنيييييين ماشاء الله

يعطيكم الصحة انت و ليليا صاحبة الوصفة

الحمد لله انك نجحتي فيه طبعا الشكر للغالية ليليا على الوصفة