واش فيها إذا ماتزوجتش ؟؟؟؟

[نهر الحنين]

السلام عليكم


موضوع في غاية الاهمية

لابد من مناقشته بالنسبة لي شيء عادي جدا

لكن نظرة المجتمع هي التي تدفع الفتاة للاحساس بالنقص

وكما قالت اختي مريم الصابرة الوالدين مش دايمين

المهم الفتاة لازم دير خالقها بين عينيها وتعبدو وتامن بمكتوب ربي

الدنيا مكاتيب وتكون متاكدة ربي مايخليهاش ويعوضها برجل صالح في الاخرة ان شاء الله

والله عليم بعباده

تقبلي مروري المتواضع

[وهمُـ الأقنعة~]

عـــــــــــــــآدي الزواج ماهوش كل شيء البنت ايلا متزوجتش ماهيش رايحة تطيح السماء
وانا من عندي نورمال ايلا متزوجش وايلا قعدت في دار والديا بالعكس حاجة متخصني منسال ني على الراجل ني على حاجة واحدوخرا وايلا درنا على هدرة الناس نقعدوا التاليين الي تتزوج علاه تزوجت والي تقعد علاه راهي قاعدة اللهم نرضي روحي أحسن من انني نرضي الناس

والبنت تخاف ايلا تزوجت ورجعت لدار والديها هاديك الي تضر واما ايلا متزوجتش احسن من انها تطلق
عفانا الله وخصوصا كي هادي الظاهرة قوات في المجتمع الجزائري

[حنيني24]

ولن تجد لسنة الله تبديلا

[saadi-2008]

////////////////////////////////////

[منهاج]

السلام عليكم .................................مبارك عليكم الشهر

صح كل مكاتيب الله ولكن الزواج في وقتنا الحالي سترة خاصة للبنت لي رانا نسمعوه من بنات الناس ربي يعلم بيه ربي يدوم ستره علينا اجمعين

[امال222]

صح الزواج مكتوب و ممكن يجي و ممكن مايجيش لكن المجتمع ميرحمكش و كلام الناس يوجع القلب، أقرب الناس و هي الأم تقولك فلانة تزوجت ونتي قاعدة عندي، الناس يظلوا يسألو فيك واش كاش خطاب، الحمد لله الواحد راح يدخل مصروفو بوحدو و ما سلكش من الكلام اللي يجرح، الحق أنا نحب نتجوز باه نهرب من كلام الناس وإلا مكانش نتمنى نهجر ومنزيد نشوف حتى واحد والله يجيب الخير

[delpiero16]

الزواج بالنسبة للفتاة امر ضروري
المجتمع لايرحم ودوام الحال من المحال
وكما قالت مريم الصابرة من المستحيل ان تتحمل فتاة كلمة بايرة
وربي يجيب لي فيه الخير

مهما طال الزمن لابد من فراق الإخوة والوالدين فمن المعيل بعد الله؟؟؟

اللهم ارزق شباب وشابات المسلمين بأزواج صالحين

[baddori]

أنا في رأيي المشكل ليس في رأي المجتمع ولكن في الفطرة أي في الرغبة البيولوجية والاجتماعية للمرأة والرجل في السكون لبعضهما

[fr95]

المشاركة الأصلية كتبت بواسطة مريم الصابرة

السلام عليكم اختي ترنيمة صحا فطورك
هليني نقولك اولا المجتمع ما يرحمش الطفلة الليبا زواج مهماك ان إسمها نورة كريمة نوال يولي إسمها بايرة هذي الاولى الثاني الطفلة أهلها ما يدومولهاش ورانا في زمان كل واحد يقول يا نفسي يعني الاخ يولي نتاع مرتو واختك تولي بدارها وولادها والكفلة اللي ما تتزوجش شكون ليها الحيطان الزواج مليح اختي عايلة وولاد ولمة وحنان قيه صوالح بزاف لكن لو ماجاش ما راهيش نهاية العالم شوفي ربي واش راه كاتب مثلا انا مريضة ومحال نتزوج مهما يصير وما نظلم حتى راج معايا والحند لله بي يخليلي امي فالحياة علاه نموت بلا راجل لالا راني عايشة ولو بالقليل لكن الحمد لله مرتاحة وميم نتزوج راحا نكون مرتاحة وبزاف نعرف روحي لكن لو ماجاش وما كتبش الله عادي الحمد لله مكتوب الله والف مرحبا بيه شكرا

ربي يصبرك و عندك حق اختي في هدرتك

[redonne]

اللهم ارزق شباب وشابات المسلمين بأزواج صالحين

[foulla]

Atamana elzawaj .ad3o allah layla nahar .allahouma la tomitni 3aziba .nisfo eldin wa ana abhatho 3anho