واش فيها إذا ماتزوجتش ؟؟؟؟

[مريم الصابرة]

السلام عليكم اختي ترنيمة صحا فطورك
هليني نقولك اولا المجتمع ما يرحمش الطفلة الليبا زواج مهماك ان إسمها نورة كريمة نوال يولي إسمها بايرة هذي الاولى الثاني الطفلة أهلها ما يدومولهاش ورانا في زمان كل واحد يقول يا نفسي يعني الاخ يولي نتاع مرتو واختك تولي بدارها وولادها والكفلة اللي ما تتزوجش شكون ليها الحيطان الزواج مليح اختي عايلة وولاد ولمة وحنان قيه صوالح بزاف لكن لو ماجاش ما راهيش نهاية العالم شوفي ربي واش راه كاتب مثلا انا مريضة ومحال نتزوج مهما يصير وما نظلم حتى راج معايا والحند لله بي يخليلي امي فالحياة علاه نموت بلا راجل لالا راني عايشة ولو بالقليل لكن الحمد لله مرتاحة وميم نتزوج راحا نكون مرتاحة وبزاف نعرف روحي لكن لو ماجاش وما كتبش الله عادي الحمد لله مكتوب الله والف مرحبا بيه شكرا

[*أمنيآت لآمتنآهية*]

شوفي أختي انا نقول حاجة استنتجتها من خلال خبرتي القليلة في الحياة،البنت تكون عادي مش داخللها الزواج للراس خلاص،وينتا تولي تفكر فيه وميتة عليه نهار تسمع بجارتهم لي صغيرة عليها بعامين تزوجت،ولي تقتلها كثر صحبتها لي كانت تقعد معاها في الطاولة بطلت قرايتها وتزوجت ثم البنت ما يبدا خاصها والو غير الزواج،ونهار تشوف واحدة كبيرة وماتزوجتش تخاف تقولك اكيد اذا اما ما تزوجتش رايح يصرالي كيفها
وما تنسايش مجنمعنا ما يرحمش وغير الكلمة لي يطلقوها على المرة لي ما تزوجتش تشبع وتروي وما طنيتش وحدة تتمنى يقولو عليها هذيك الكلمة ولا ينظرو ليها نظرة شفقة
الزواج قسمة ونصيب وحلم أي أنثى واذا ما قدرلهاش ربي تتزوج أكيد ما رايحة غير ترضى بواش كتبلها ربي
حقق الله جميع أحلامكم وامانيكم ورزقكم أزواجا صالحين يأخذون بأيديكم الى الجنة
متابعة لما يكتب هنا
تحياتي وتقبل الله اعمالكم

[fr95]

المشاركة الأصلية كتبت بواسطة مريم الصابرة

السلام عليكم اختي ترنيمة صحا فطورك
هليني نقولك اولا المجتمع ما يرحمش الطفلة الليبا زواج مهماك ان إسمها نورة كريمة نوال يولي إسمها بايرة هذي الاولى الثاني الطفلة أهلها ما يدومولهاش ورانا في زمان كل واحد يقول يا نفسي يعني الاخ يولي نتاع مرتو واختك تولي بدارها وولادها والكفلة اللي ما تتزوجش شكون ليها الحيطان الزواج مليح اختي عايلة وولاد ولمة وحنان قيه صوالح بزاف لكن لو ماجاش ما راهيش نهاية العالم شوفي ربي واش راه كاتب مثلا انا مريضة ومحال نتزوج مهما يصير وما نظلم حتى راج معايا والحند لله بي يخليلي امي فالحياة علاه نموت بلا راجل لالا راني عايشة ولو بالقليل لكن الحمد لله مرتاحة وميم نتزوج راحا نكون مرتاحة وبزاف نعرف روحي لكن لو ماجاش وما كتبش الله عادي الحمد لله مكتوب الله والف مرحبا بيه شكرا

ربي يصبرك و عندك حق اختي في هدرتك