وين راحت البنة؟؟؟ - الصفحة 3

سلاف26 · 2010-04-25, 10:22

اقتباس:

المشاركة الأصلية كتبت بواسطة *شيراز*

والله اضن ان البنة راحت لعدة اسباب...اولا في القديم كان كل شي طبيعي من الخضر الى الاواني حتى الاواني طينية من الارض الطيبة اما الان راهي الاواني بلاستيك والاينوكس والتاكسد راكي علابالكي واش يدير اما الخضر كلها بالادوية من تحت الارض حتى فوق الارض
ثانيا بكري كان كلشي يطيب على مهلو على نار هادئة المواد تاخذ وقتها تطيب مجمرة ..اما الان تطلقي النار عليها في ربع ساعة تنحرق غلفيها بحبة بيض تصنع روحها
وثالثا كانت الام تطيب لاولادها بككل حب وتفعل كل ما تستطيع لتجعل اكلها طيب ويعجب الزوج والاولاد اما الان المراة تحضره وهي ناقمة على الجميع وكانها خادمة وتطلع الحسابات وتهبط الى ان تشم رائحة الحريق تفرغ عليه بسينة ماء يولي بذوق مريع .............
هذا اللي قدرت نتفكرو سلاف
قوليلنا انت كيفاش يجي طيابك ههههه

أهلا شيراز أنت علابالي بيك بلي طيبي مليح
يصح لازم طيبي على النافخ و تخلي الماكلة تتجمر
منورة موضوعي بتواجدك العطر

طاهر القلب · 2010-04-25, 12:56

السلام عليكم
أختي الكريمة البنة موجودة و الحمد لله , و ما فقدناه هو حس الذوق لدينا للأسف
يعني المهم تاكل و خلاص ... و التي تقوم بالطهى كذلك ليس لها حس الذوق ... الطيب و خلاص
هذا إضافة الى طريقة الطهي الحديثة و الطعام الحديث .... كوارث حقيقية
و الله نشتاق للأطباق التقليدية و رائحتها في كل مرة ...... ســـلام

سلاف26 · 2010-04-25, 19:36

اقتباس:

المشاركة الأصلية كتبت بواسطة طاهر القلب

السلام عليكم
أختي الكريمة البنة موجودة و الحمد لله , و ما فقدناه هو حس الذوق لدينا للأسف
يعني المهم تاكل و خلاص ... و التي تقوم بالطهى كذلك ليس لها حس الذوق ... الطيب و خلاص
هذا إضافة الى طريقة الطهي الحديثة و الطعام الحديث .... كوارث حقيقية
و الله نشتاق للأطباق التقليدية و رائحتها في كل مرة ...... ســـلام

و عليكم السلام و رحمة الله و بركاته
منور موضوعي أخيقلب طاهر بتواجدك العطر

مريم بوزيدي · 2010-04-25, 12:59

السلام عليكم
البنة ماكانش على خاطر الدنيا سماطت و كل شي فيها سماط
و ناس بكري كانت كاينة معاهم النية و درك النية راحت
على بيها العجايز تاع درك يشتكو من كل شيء و ما يعجبهمش العجب
و بالاك احنا تاني كي نكبرو و نولو نقولو زمان تاعنا خير من زمان تاع اليوم و شكون على باله
و هذا اللي رانا نشوفوه مع الأطفال تاع درك
رانا نقولو احنا بكري ماكناش كيما هاك
المهم شاركت في هذا الموضوع و قلت ما بداخلي دون تفكير و كتبت ما أملت به أصابعي
و لربما هذا أول موضوع لي أكتب فيه بالعامية
شكرا جزيلا على الموضوع

رب يوم بكيت فيه فلما أصبحت في غيره بكيت عليه

في الأخير الحمد و الشكر لله على كل شيء

سلاف26 · 2010-04-25, 19:38

اقتباس:

المشاركة الأصلية كتبت بواسطة مريم بوزيدي

السلام عليكم
البنة ماكانش على خاطر الدنيا سماطت و كل شي فيها سماط
و ناس بكري كانت كاينة معاهم النية و درك النية راحت
على بيها العجايز تاع درك يشتكو من كل شيء و ما يعجبهمش العجب
و بالاك احنا تاني كي نكبرو و نولو نقولو زمان تاعنا خير من زمان تاع اليوم و شكون على باله
و هذا اللي رانا نشوفوه مع الأطفال تاع درك
رانا نقولو احنا بكري ماكناش كيما هاك
المهم شاركت في هذا الموضوع و قلت ما بداخلي دون تفكير و كتبت ما أملت به أصابعي
و لربما هذا أول موضوع لي أكتب فيه بالعامية
شكرا جزيلا على الموضوع

رب يوم بكيت فيه فلما أصبحت في غيره بكيت عليه

في الأخير الحمد و الشكر لله على كل شيء

و عليكم السلام و رحمة الله و بركاته

كلامك صحيح أختي مريم و ان شاء الله يكون الغد أفضل منورة موضوعي بتواجدك العطر

زهرة الجزائر 07 · 2010-04-25, 19:59

يمكن السبب في البنات و يمك لعجايز كبرو بزاف و معدوش يعرفو يدوقو الطعام

*أنسام*الجنة* · 2010-04-25, 20:11

السلام عليكم ورحمة الله
صح البنة انتاع الماكلة راحت بصح السبة هي في البراكة الي راحت
وزيد هاد المواد الكيميائية الي راهم يزيدوا فيها للخضرة باه تنوض في يومين
يعني تشوف شكلها طماطم وبنتها اي حاجه غير طماطم ..
بيناتنا يدي بنينه هكدا تقولي جداتي ههههههههه

سمية .ب · 2010-04-25, 20:15

اقتباس:

المشاركة الأصلية كتبت بواسطة *أنسام*الجنة*

السلام عليكم ورحمة الله
صح البنة انتاع الماكلة راحت بصح السبة هي في البراكة الي راحت
وزيد هاد المواد الكيميائية الي راهم يزيدوا فيها للخضرة باه تنوض في يومين
يعني تشوف شكلها طماطم وبنتها اي حاجه غير طماطم ..
بيناتنا يدي بنينه هكدا تقولي جداتي ههههههههه

و عليكم السلام و رحمة الله و بركاته
ههههههه حوحو يشكر روحو

و كيما قالت عديلة البراكة يلي راحت
ووقتنا تبدل على وقت بكري
بارك الله فيك سلاف

يوسُف سُلطان · 2010-04-25, 20:23

.. قيل .. أن المرأة كالملح .. إذا وقعت على الطعام ..طاب ، وإذا وقعت على الشراب خاب
لا أدري إن كان لهذا علاقة بالموضوع .. ولكن أعترف أن الجميع "يَتْلَّكَكْ" للمرأة ، الرجل "يَتْلَّكَكْ" بحثا عن مزيد من التنازلات ..
والكنّة "تَتْلَّكَكْ" تبحث عن المزيد من الامتيازات .. وهلم جرا

ع.جمال · 2010-04-25, 22:02

السلام عليكم.
اعتقد أن الطبخ ذوق وفن ومهارة والمفروض يكون اليوم أطيب وألذ من طبخ زمان لوجود جميع المستلزمات ولكن يبقى السؤال مطروحا......؟؟؟
وهل العيب في الطباخة أم في كيفية تحضير المستلزمات...؟؟؟؟؟
وبارك الله فيك أختي سولاف على الموضوع.

عبد العزيز_ · 2010-04-25, 22:22

الحق واحد لا يتعدد
و لهذا أختارالاقتراح الرابع

نورالدين17 · 2010-04-25, 22:30

البنة بقات هي البنة المشكل فينا احنا اللي افقدنا نكهة البنة والذوق ..........

نينا الجزائرية · 2010-04-28, 22:38

غريب انا ماكلتي بنينة
ماكلة تاع يما قدرة نورمال كوكوط اينوكس ماكلتها بنينة
المشكل في اليديين والسر في القلب الابيض
كي يكون قلبك ابيض وتطيبي بكل حب ونية صافية تجيك ماكلة مليحة
ربما الماكلة معندها حتي بنة
لان وقتنا صامط صماط
تخرج صماطة تاكل صماطة
حاجة واحدة لبقات مليحة ترقد مليح حتي تلقي روحك نوضت
لكن احيانا النوم ويطرير عليك ويصماط
معلبليش بلاك ناس تاع بكري مشي كيما ضوك
بلاك رامنا في اخر الزمان لان جميع علامات القيامة الصغري ظهرت
رانا نستناو الكبري
الله يوفين مومنين هكذا كانت تقول ماني الله يرحمها
لي كانت تطيب الخضرة بلالحم وتجي بنينة
ضوك كل انواع واشكال من صقايط لي تشريهم من السوبيرات ومتجيش كيما طبيخة ماني
سلام

samir406_02 · 2010-04-28, 22:41

البنة راحت من كل شيء ماشي غير الطبخ ، راحة النية تاع بكري و راحوا الرجال الزينين و بقاوا غير المكفسين ، النساء تاع بكري خدمة و قمنة في الدار أما نسا ليوم غير الحفافة و اللبسة المكشوفة و الطريق طريق ، الله يحفظ دنيا و حياة كاملة ما بقا فيها بنا ، الله يجعل أيامنا و أيام كامل الشعب الجزائري القليل هنا و بنا و يجعل أيام الحسادين و السراقين في هذي لبلاد مر و علقم و مزيرية

*محمد* · 2010-05-11, 18:45

اقتباس:

المشاركة الأصلية كتبت بواسطة سلاف26

بنات تع اليوم ما يعرفوش يطيبو

السلام عليكم ورحمة الله

اجبت عن تسؤالك بنفسك .. اما أنا فليس لدي اجابة

خاطيني الكوزينة