انصحوني اخواتي وليدي ينوض بزاف في الليل - الصفحة 3

oum ayyoub · 2013-02-20, 22:32

اقتباس:

المشاركة الأصلية كتبت بواسطة kakoucha

..ربما الحفاظات.......ديري زيت الطبخ.......او عندو les gases.......فقط دقق فيه

ما عندو والو الحفظات نقيين شبعان حلبني غير انا نرقده عندي شكراا اختي بارك الله فيك على الاهتمام

نورسين سوف · 2013-02-20, 22:37

يا اختى ديرليو مسااااااااج بزيت الزيتوووووووووون في كامل جسموووووووووووووو راح يدوووووخ ويرقد

oum ayyoub · 2013-02-20, 23:31

فكرتيني اختي نورسين سوف كنت نديرهلو مين كان عندو اربع اسهر مين ما خدمتش فيه بطلت بصح حتى نعاود نجرب ان شاء الله بارك الله فيك اختي

nounoudjs · 2013-02-21, 12:07

بارك الله فيك

شموخ امرأة · 2013-02-22, 18:48

ربي يكون في عون كل الامهات انا نقلول اصبرو الجنة تحت اقدام الامهات

oum ayyoub · 2013-02-22, 22:11

بارك الله فيك اختي ام عبد اللطيفربي يصبرنا ان شاء الله ما يحرم حتى مسلم من الجنة اللهم امين

ايمان2009 · 2013-02-26, 17:41

اختي الغالية ربي يكون معاك انا ثاني عانيت من نفس مشكلتك ابني كي كان يرضع فيا كنت نبات كي العساس و درك الحمد لله ننصحك عشيه مليح قبل مايرقد او في عمره 10 اشهر الله يبارك ديريلو الفرينة ولا حساء الخضر ولا بتي سويس باه يشبع مليح لان حليب الام سريع الهضم انت تقولي اني شبعته لكن بعد نصف ساعة تلقايه يبكي و مافيهش مانع كون تعاوني بحليب صناعي غير في الليل لانه يطول هضمه عند الصغير الى 3 او 4 ساعات لكن خلي عين البيبرو صغيرة باه ماينكرش صدرك انا ابني رضع فيا 11 شر حتى اصبح يعضني كنت نضحك معاه ونكمل رضاعة قالولي مابقيتيش تضحكي اضربيه و خزري معاه خزرة حاسة باه مايزيدش يعضك و ياريتني ماخديت بنصيحتهم من تم مازادش حكم صدري والله غاضني كي حبس حليبي لكن الحمد لله

oum ayyoub · 2013-02-26, 21:53

اقتباس:

المشاركة الأصلية كتبت بواسطة ايمان2009

اختي الغالية ربي يكون معاك انا ثاني عانيت من نفس مشكلتك ابني كي كان يرضع فيا كنت نبات كي العساس و درك الحمد لله ننصحك عشيه مليح قبل مايرقد او في عمره 10 اشهر الله يبارك ديريلو الفرينة ولا حساء الخضر ولا بتي سويس باه يشبع مليح لان حليب الام سريع الهضم انت تقولي اني شبعته لكن بعد نصف ساعة تلقايه يبكي و مافيهش مانع كون تعاوني بحليب صناعي غير في الليل لانه يطول هضمه عند الصغير الى 3 او 4 ساعات لكن خلي عين البيبرو صغيرة باه ماينكرش صدرك انا ابني رضع فيا 11 شر حتى اصبح يعضني كنت نضحك معاه ونكمل رضاعة قالولي مابقيتيش تضحكي اضربيه و خزري معاه خزرة حاسة باه مايزيدش يعضك و ياريتني ماخديت بنصيحتهم من تم مازادش حكم صدري والله غاضني كي حبس حليبي لكن الحمد لله

بارك الله فيك اختي ايمان الحمد لله تحسن نومه الان فقد ذهبت الى مركز خاص بالاطفال و نصحوني باش نحطه في بلاصتو و ما نرفدوش نبقا غير معاه نحكلو في راسو و نغنيلو و هذه الطريقة نفعت كان يكره سريره غير نحطو يولي يبكي و الان الحمد لله الله يبارك و كل ما ينوض في الليل ما نرفدوش تاني نبقا نحكلو و نقرا عليه القران و نغنيلبو غنية نان و ليلي تاع براعم يحبها و في الليل ياكل مليح حساء مع فاغميسال او حساء شوية ثقيل و في هدا المركز عطاوني برنامج واش نوكلو في الاوقات من بعد ان شاء الله نسكانيه و نديره في المنتدى و اختي باش تريحي ما تزيديش ترقدي ولدك معاك في سريرك ديري النصيحة للي عطاوهالي و بادن الله تنجح معاك ايضا

ايمان2009 · 2013-02-26, 17:45

نزيد ننصحك ماتخليش ابنك يبكي صح ناس بكري قالو صياح ماقتل خروف بالصح انا نقولك البكاء بزاف يولد العصبية و تخافي على سرة ابنك من الفتق بالاضافة الى انه البكاء يمنع وصول الاكسجين الى المخ مالا نقولك حنونتي رضعي ولدك في النهار مليح و في الليل عشيه خليه يشبع كي يرقدلك 3 ساعات انت ترتاحي حتى كي تنوضي من بعد ماعليش وكلش او يفوت انا ولدي درك عندو تقريب 14 شهر ومازال ينوض لكن في اوقات متباعدة وزاد تعلم يرقد بيناتنا كون ينوض ويلقا روحو في سريرو يدير حالة مايسكتش خلاص ربي يكون معانا

ايمان2009 · 2013-02-27, 11:22

الحمد لله والله فرحتلك لاني جربت التعب كي ماترقديش ليل كامل وتنوضي الصباح تلقاي الدار في وجهك ولكان تخدمي برة هاديك هي الضربة المهم ربي يقدرنا ويكبرهم في طاعته و يفرحنا بيهم ان شاء الله

oum ayyoub · 2013-02-27, 16:07

اقتباس:

المشاركة الأصلية كتبت بواسطة ايمان2009

الحمد لله والله فرحتلك لاني جربت التعب كي ماترقديش ليل كامل وتنوضي الصباح تلقاي الدار في وجهك ولكان تخدمي برة هاديك هي الضربة المهم ربي يقدرنا ويكبرهم في طاعته و يفرحنا بيهم ان شاء الله

بارك الله فيك اختي الله يسلمك الحبيبة الحمد لله ما نخدمش برا لبارح بيتني قاعدة هههه لانو مسكين جاه بوشوكة الله يشافيه و يشافي جميع مرضى المسلمين