زوجي يكره اهلي

[فافا مينوشة]

يا بنت ناس فيقي يماك تحوسلك صلاحك وش يكون هدا باش يجيك باستمرار عاقد عليك لكن مكيش في دارو يماك نعطيها الحق الف في المية وهدا ميفهمش روحو؟؟؟؟؟؟؟ ميقراش يقلك داخل عليهم وخارج نديرلها الشرات والنش قدام جيران ياو اصلا تسماطيلو كيما كره داركم واهلك يكرهك انتي بيسك مخليتي والو شافك اختليتو يجي لدار خلاص الراجل يحوس جديد ...تقطعي في يماك لي تخاف عليك تقولي عليها هكدا علاش متلا غارت منك؟؟؟؟؟؟ راها زوجت وكونت حياتها في وقت النية تحب راجل عندو دراهم؟؟؟؟؟؟؟ من حقها تحب المليح لبنتها بغض النظر على زوالي ومنا اني نفهم فيك اتقي الله لوكان مرة اخرى ميكتبلكمش ربي لا سمح الله تولي كي صباح الخير فلانة كان يجي ليها فلان منا ولهيه وعارفة عرب تاوعنا حكاية نص صح ونص خرطي متفتحيش على روحك باب مكيش قادرتلو حبك يعجل بزواج اووو هاد شي يجي لداركم وكلا ملحكم ويقلك يماك ومنا كن انا تم نقولو هاك قشك ورنك عليا ايااااااااا قدري من قدر يما اوووو بانلك شان وجاي تتفرعن علينا هدا والله ما لقا رجال لي يقدوه كن لقا راجل واحد يطرطق فيه العين تشوفي هدا فيسيو وعينو على الشاردة والواردة ولا بصح نقلك هدا الانسان ذيب تحت غطاء المتدين المتدين عمرو ميدير هكدا المتدين عمرو ميقصد ديار ناس ويفهم بالاصول هدا راه يتمسكن بثوب الضحية مرة اخرى يذلك يقولك جيت لداركم وقدام اهلك ومنا ولهيه تولي كي شيفونة تحت رجليه بيسك مدرتيش قيمة لعمرك واهلك عصبتيني واللله

[رندة.]

أمك ما هيش غالطة وعندها حق تتقلق وتزعف، راهي خايفة عليك، لازم تفهمي بلي هي أكثر واحد يحبك ويخمم في مصلحتك.

انا مافهمتش علاه خطيبك بعد ما قلل زياراته ولات مرة ولا اثنين في الاسبوع معناها كان يجي يوميا في السابق.؟؟ علاه يجي وش يحوس؟ نورمالمو راكم اتفقتو على كل شيء وراهو يوجد في روحو للعرس. بصح نصيحتي ليك مادام راهو يشوف فيك كل يوم عرسك مازال مطووول راكي تقولي مازال اشهر بصح ما شكيتش اشهر برك، لأنكم ما خليتو حتى تشويق للعرس. آخر حاجة هي غلق الباب للخصوصية، عن أي خصوصية تتكلمين؟ مادام مازال ما رحتيش عندو عروسة للدار قدام كل الناس بإعلان الزواج، نورمالمو ما كاين حتى خصوصية.

حاولي تخليه ينقص زياراته للمنزل بدون سبب ويستغل هذاك الوقت في الاستعداد للعرس.
ربي يوفقكم ويصلح حالكم ان شاء الله

[النجمة القطبية]

والله ضحكتيني يا اختي
انا راني متزوجة اربع سنوات ومنقدرش نقعد في غرفة وحدي مع زوجي في دارنا !!! فما بالك نغلق الباب
منك بصح هدي تع تغلقي باب الغرفة للخصوصية !! واش من خصوصية
واش راه يحكيلك مثلا قصص الف ليلة وليلة
وزيد بسلامتوا يشرف كل يومين في الاسبوع !
فرشيلوا في الدار يريح خير
يا ودي يماك راهي عاقلة بزاف وداركم راهم حالينلك العين لدرجة راني حايرة وراهم الرجال في داركم !
متزعفيش مني اختي بصح راكي مرغتيها زدتي فيها بزاف لالا والشابة اللي قاتلهم ارقدوا يزيد يحكي على يماك
اسمحيلي تصرفاتوا ليست من شيم الرجال ابدا
انتبهي وحطي حدود لنفسك وعززي نفسك وديري قيمة لرجال الدار
نتمنالك تسمعي النصيحة وربي يتمم بناتكم بخير وادا قدرتوا استعجلوا بالزواج