الطلاق بين الاهل و الخوف من الندم

[KARIO]

مشكلتك يليقاها الصبر فقط و تشوفي مفاتيح زوجك باش تقنعيش بواش راكي حابة لانو مشكلتك مؤقتة لوكان تشوفي مشاكل النسا تهبلي من راسك و الحل مراهش فالطلاق فالحالة تاعك انا راني فالطلاق و نخبرك طعمه مر مر متمنيهش لعدوك ربي يفرج عليك

[روح المي]

والله واش نقلك ربي يفرج اما تاكدي انه اي انسان عندوا مشاكل ولازمك الصبر وراح تفوت ديما تقلي صعوبه عامك اول ومن بعد تبدا امور تتوضح متدخليش والد تاعك في مشاكلك منك لراجلك وكيف يولي جاي ديري حسابك طيبي قبل او وجدي حوايجك رتبي امورك ومفيها والو اذا تفاهمتي مع اختوا ادعي ربي يهديهم ومتقوليش راجلك متصرفش على اهلك متصلحش اختي

[nadine0159]

و الله جامي قتلتلو ماتصرفش على اهلك فقط نقولو تعاونو حنا ما عندناش السكنة و ما درناش تاع عدل و لا تساهمي للاسف ما درنا والو يعني ما دمنا صغار نبروفيتيو و نخبيو شوية على الاقل سكنة ف الباطيمات

[روح المي]

فهمتك اختي في هذي لازمك تفهمي زوج تاعك بالشويا وادعي ربي يهديه

[zaho drr]

Sobri kheti chada w tzoul rabi m3ak

[القائدة]

ربي يهديه هذا راجلك مافهمتش تزوجتي بيه ولا بدارهم !؟
تعيشي معاه ربع ايام في عشرين يوم معناها كي نحسبها نلقاك في العام تعيشي معاه شهرين و ربع ايام فقط !!! هاذي تليق غناية ما علينا شوفي ياختي الزواج مقاصده السكن و الاستقرار و الالفة و نتي ماشفتي والو حسب كلامك بالاك حتى مازال ماكملتيش هاذ الشهرين و ربع ايام معاه ! و هو من الصحرا للبليدة بلا مرا ! يخي حالة يخي زوجتي بيه ولا بأمو ! و المصيبة رايح لمدينة الورود يشم في النوار و مخليك وسط الحمو و الحمو الاخر ! ما هذا التسيب الاجتماعي و الديني
انا من رايي من حقك كما من واجبه ان تذهبي للسكن معه أينما ذهب ماهوش اول واحد يكري هاذو هوما يزوجو ببنات الناس و يطيشها في شومبرا في دار باباه يتفرج فيها اللي رايح و اللي جاي و هو جايب الطرق من الصحرا للمروك اشتكيه الى اهلك حتى يعقل

[آسيا 25]

يا أختي حكايتك صعيبة ربي يفرج عليك إن شاء الله أصبري فقط و أدعي ربي يحسن وضعك و كيما قالولك الأخوات أبروفيطي من وضعيتك أشبعي راحتك مادام ما يخليوكش تخدمي و لمي دراهمك مادام ما تقدريش تصرفيهم على القش و الماعن و صدقيني يطول الزمان ولا يقصر رايحة تخرجي بدارك بإذن الله و تعيشي حياتك الزوجية كيما يلزم, بالتوفيق أختي.