انا لا افهم

[لحن الحياة.]

المشاركة الأصلية كتبت بواسطة papino

يا اختي المشكل في البنت الصالحة اليوم انها تضع نفسها في دائرة مغلقة بين الجامعة و المنزل و بعد ذلك تلومون الشباب لما يتزوج الفتيات السافرات يا اختي الكريمة ما العيب لو انظممتي الى جمعية خيرية ملتزمة في منطقتك و في نفس الوقت تحافظين على التزامك .من جهة ستكونين علاقات صداقو مع بنات ملتزمات
و في نفس الوقت فرصة لكي يراكم الشباب المقبل على الزواج .الا ترون ان نسبة العزوبية بشكل خاص كثرت بين الفتيات الملتزمات لانهن ببساطة غير معروفات .صدقوني الالتزام ليس ان تبقي منعزلة عن العالم و تقولي المكتوب انخرطو في الجمعيات الخيرية الاسلامية المعتدلة و سترون كيف يقبل الشاب على الفتاة الملتزمة. رايي صواب يحتمل الخطا

يا أخي قالك نحن نحن لا نحب العاملات و القرّايات والبنات لي يخرجو برا ووووووو
و البنات قالك نريد العمل و السكن و القراية و الميكب ووووو
مافهمنا والو

[كلنا راحلون]

المشاركة الأصلية كتبت بواسطة مشكلتي

انا طالبة جامعية ابلغ من العمر 23سنة جميلة و ابنة عائلة محترمة و الحمد لله و بحكم ان موضوع الخطبة و الزواج هما الشغل الشاغل للفتيات فقد اصبح هذان الموضاعان كابوسي ، فانا لم تتم خطبتي لاي شخص حتى الان و صراحة انا لم يحادثني اي شاب انا و الله ضد العلاقاتالمحرمة و لم و لن اتورط في اي منها باذن الله و لكن بحكم سني فانا لم ياتيني حتى طلب واحد و هذا ماجعلني احتار هل انا شفافة لا يراني احد او بالاحرى ماسبب نفور ابناء ادم مني ؟ من كثرة ما اسمع الفتيات يقلن خطبني فلان ، و علان و عرض علي فلان اخر ووووو صرت اشك في امري هل انا مريخية مثلا ام ماهو عيبي ؟ انا محتارة ان كانت توجد فتيات مثل حالي فهل هذا عادي ام ان بي شيئا ما ؟

ادا جاء مكتوبك لا ضيعي فرصة عمرك وكل شي مكاتيب مجرد راي




زيني نية في حياتك ومن يتق الله يجعل له مخرجا من حيث لا يحتسب





علاقة قبل الزواج مصير فراق السلبيات اكثر من ايجابيات و الخاسر المرأة







اقراي قرايتك ولي كاتبه الله يوصلو انسان

[ana hia]

فكرتيني في بنت عمتي

قبل ما تتزوج قالت

حابة يجي وعيل عاقب يقلي نحبك هههههههههههههههههههه بالصح وااااااااااااااااااااااااااااااااااااالو هههههه

عاااااااااادي جدا بيكي متربية علابيها ما يدروش بيك بالعكس راكي كبيرة في عقلهم

[Hana 67]

23مازلت صغيرة و المشكل ليس في الكم بل في الكيف ممكن اجيك 10 مايصلح حتي واحد فيهم و اجيك واحد اعوض كل هذا العدد تاكدي ان هذا المشكل عام وحذاري ان معظم الفتيات يكذبن في عدد الخطاب لاتصدقيهم

[رندة نهاد]

ربي ورحمتوا كل شئ بالمكتوب وردي بالك تستمعي لحديث مرضى النفوس اللي يقولولك لازم ديري علاقات ع الجنس الاخر حذاري _ ومن يتق الله يجعل له مخرجا ويرزقه من حيث لايحتسب ومن يتوكل على الله فهو حسبه ان الله بالغ امره قد جعل الله لكل شئ قدرا _ يالله كم احب هذه اللاية الكريمة ولالله في القران قصص ومواعظ كملي دراستك واشغلي بالك باي شئ اخدمي خدمتك في الدار عاوني امك تعلمي حوايجك وربي ورحمتوا علاه المكتوب هارب ؟ كيما قالو ناس زمان نمشي نمشي وادا عييت نرتاح المكتوب يجي ولوكان نطير بلا جناح وزيدك راكي فقدي في العمر ومانيش مخطوبة والله ماني معمرىة راسي ديركت بالموضوع واللي راهم يقولولك خطبوني 10 و20 ياك في الاخير تدي راجل واحد برك خخخخخخخخخخخخخخخخ هههههههههه والله اناي غالطة ؟ حبيت نعطيك الموضوع بمنظور اخر نصيحتي توكلي على ربي وادعي ربي يعطيك لارجل صالح كي يكون دعاوي شر ما عندك ما درتي بيه كيما يقولو قعاد بيت الاب ولا زواج الفضايح خخخخخخخخخخخ راني عجوزة في الهدرة مالا بنيتي ربي ورحمتو ربي يعطيك قد نيتك وامشي في طريق ربي على قد ما تقدري كل شئ يزول المال الجمال غير الاخلاق والصيت الحست يبقاو ما تحطيش راس باباك فيب الارض على جال بنات الي خارجين الطريق وهاي عيني تبعيهم ربي ورحمتو في الخير ادعي ربي وربي يهنيك ان شاء الله

[رندة نهاد]

المشاركة الأصلية كتبت بواسطة papino

يا اختي المشكل في البنت الصالحة اليوم انها تضع نفسها في دائرة مغلقة بين الجامعة و المنزل و بعد ذلك تلومون الشباب لما يتزوج الفتيات السافرات يا اختي الكريمة ما العيب لو انظممتي الى جمعية خيرية ملتزمة في منطقتك و في نفس الوقت تحافظين على التزامك .من جهة ستكونين علاقات صداقو مع بنات ملتزمات
و في نفس الوقت فرصة لكي يراكم الشباب المقبل على الزواج .الا ترون ان نسبة العزوبية بشكل خاص كثرت بين الفتيات الملتزمات لانهن ببساطة غير معروفات .صدقوني الالتزام ليس ان تبقي منعزلة عن العالم و تقولي المكتوب انخرطو في الجمعيات الخيرية الاسلامية المعتدلة و سترون كيف يقبل الشاب على الفتاة الملتزمة. رايي صواب يحتمل الخطا

انا ضد رايك بصراحة

[mrmilano1984]

المشاركة الأصلية كتبت بواسطة jill

اييييه رانا نخممو كيفكيف بصح هذي الطفلة تفكيرها سلبي تجاه نفسها اك تعرف لازم نصبروها و نحكولها قصة جميلة عن أعضاء في منتدى الجلفة يحبون انفسهم
بارك الله فيك

الا تحبي نتي نفسك انا نحب نفسي بزاف ونحب نعيش مع انسان لي يتقبلني ولازم يدير واش نحب انا مش هو كما الانسان يحب روحو ا

و طفلة تحب نفسها بزاف وووو وتقول انا نتزوج براجل يديرلي واش نحب نقولها حتي انا نحب نعيش كما نحب ونحب نفسي لول

[أناييس الربيع]

لا تتشائمي اصبري مازالت صغيرة وش ديري بالخطاب لي مايصلحش

انا أكبرك بسنوات ورغم أن الخطاب يتقدموا ولا ينقصني شيء

إلا أنني لا أفكر في الزواج حاليا رغم أنه سنة الحياة.

أظن أي امرأة ليس لها علاقات فهي تستطيع مواصلة حياتها دون رجل

ليس الزواج هو كل شيء في حياتنا ،

أنظري للحياة من زاوية مغايرة لتفكير مجتمعنا ،ولتعلمي أن الزواج رزق ومكتوب

ولا أحد يعترض على إرادة ربي سبحانو .

دائماً ضعي ثقتك وأملك في ربي ،لربما الله أبعد عنك شر زواج يصيبك في دينك أو غيره

والله يعلم ونحن لا نعلم ما أخفى الله لنا.

اللهم إني أسألك بكل اسم هو لك ،، سميت به نفسك ،، أو أنزلته في كتابك ،، أو علمته أحداً من خلقك ،، أو استأثرت به في علم الغيب عندك ...

أن يرزقك الله زوجا صالحا

[غير هام]

السلام عليكم

ما ديريش على لبنات وما تعمريش راسك بكلامهم معظم كلامهم كذب مرات الوحدة يخطبوها مية وتقلش على هدا وهدا ومرات وحدة ما تتخطبش غير بواحد ويكون فيه قاع الخير والصلاح ما تتقلقيش وما توسوسيش روحك وادعي ربي السترة مليحة واقري سورة البقرة ائما دائما

[أناييس الربيع]

المشاركة الأصلية كتبت بواسطة غير هام

السلام عليكم

ما ديريش على لبنات وما تعمريش راسك بكلامهم معظم كلامهم كذب مرات الوحدة يخطبوها مية وتقلش على هدا وهدا ومرات وحدة ما تتخطبش غير بواحد ويكون فيه قاع الخير والصلاح ما تتقلقيش وما توسوسيش روحك وادعي ربي السترة مليحة واقري سورة البقرة ائما دائما

علابالك هنا قاعدين نكذبو

راكي شايفة نسبة العنوسة المرتفعة ، تسما لي ما تتزوج تنتحر ولا موش مستورة حساب هدرتك

والزواج مكتوب وهذي تدخل ضمن البدع اقراي سورة فلانية تتزوجي سبحان الله

كلام ربي ديما يكون معا موش كي نحوسو نتزوجو

وزيد لاه نتاع بكري كي تزوجو هل لي تأخر زواجها كانت تقرأ البقرة

استغفر الله وأتوب اليه

[عبد الله 22]

السلام عليكم إن شاء الله قريبا جدا سيكون الخاطب في بيتكم لكن أرجوا ان تكوني متساهلة وفعلا لديك تفكير وقيم لبناء عائلة ، لأن الكثيرات تطالب بالخاطب لم يحضر تخرجو من سم الخياط بالتوفيق