خبز محشي وبالطبقات هشوش وبنين

[ام ساجد]

هذا خبز تركي محشي هشوش وبنين ورائع

مقادير العجين// 4 كيسان فرينة + كاس وربع حليب دافئ +نصف كاس ماء دافئ+ملعقة كبيرة خميرة خبز +ملح+ملعقة سكر

6 ملاعق زبدة ذائبة لدهن الطبقات+ بيضة لدهن + جلجلان+ سانوج

الحشو// لحم مفروم + سبانخ +فطر +فرماج +زيتون اخضر

اللحم محمر مع شوي زيت و ملح وثوم وفلفل اسود والسبانخ والفطر نفس الشيء كل حاجة وحدها

التحضير// نعجن العجين ونخليها تخمر نص ساعة او حتى يتضاعف حجمها



وبعد ما تطلع نقسمها الى 6 كويرات


ثم نحل كل قرص مستطيل طويل وندهن بالزبدة الذائبةونحط الحشو



ثم نحل قرصة اخرى ونحطها فوق الاولى ونحطها فوق الاولى وندهنها ونحط الحشو

الحشو اختياري ديري واش تحبي كل طبقة حاجة







حتى نكمل كل الطبقات الطبقة الاخيرة زدت عملت لحم مفروم متبل ثم نطبق كيما المسمننتحصل على مربع



من الاحسن تضربيها فوق بلاستيك انا درت فوق الرخام تعبتني شوي

ونحطها في صينية مدهونة ونضربها


ونقسمها على ثمانية اجزاء ونخليها تخمر



وبعد ما تخمر ندهنها بالبض مخلط مع شوي خل وشوي حليب ونزين مثلث بالجلجلان ومثلث بالسانوج





وندخلها لفرن ساخن الرف في الوسط ونخليها طيب في الاول نار عالية مدة 5 دقائق ومن بعد نار هادئة

وكي طيب نحمرها من فوق



خفيف وهشوش وذوق رائع



ومن الداخل