هل المهر يحدد قيمة الفتاة

[♥' سندس الفردوس ♥"]

المشاركة الأصلية كتبت بواسطة طماح الذؤابة

عَطـُوها وِسام أفضَل رَدْ ..

بعدَ ردِك في الأعلى ، لآ يمكنني إضافة شيء

غير واقعة {مِن الوقائع التي تجلُب الرأس} ، طبعاً منكِ نتعلَم ..

حدثت في منطقتي و يومها ذهب أحد الجِيران ليخطُبْ جارة .

و وصلَ وقت الحديث عن قِيمة المَهرْ ، فلمْ يتفِقا على مليون سنتيم ؟!

الوالد يُطالب و الخاطب يرفُض .. و تم إلغاء الخُطبة في الأخير

لأجل "مليون سنتيم" ؟!

ذهبَ بعدها بـ أيام الخاطب نفسهُ إلى منطقة أخرى

{يُقال أنه لآ يوجد أرخصْ مهر من تلك المنطقة}

و خطِب بـ مهر لآ يساوي الرُبع مما كان سيدفعُه في الأولى ؟!

و بعدها بأيام عادَ إليه أب المخطُوبة الأولى و هو لا يعلم أنه قد خطبْ، قائلا

تعالْ نتفِق من جديد .. و المليون " سمَآح " ، فأجابَه بـ كلِمتين "طآرْ لحمَآم" ؟!

ذاك الخاطب .. تزوج و الآن لهُ ولد .

و تلك المخطوبة الأولى إلى الآن .. لآ زوآج !

و إلى الآن الذؤابة مُحتار ، أيُهما أخطأ ؟

الوالد .. لأجل عشر أوراق من ألف دينار ، رفض عُرس إبنتِه .

أو الخاطب .. لأجل المليُون ، تسمَح في من كنت تتمناها زوجة و أماًَ لأولادك ؟!

الأمر الأكيد ، الضحية واحدة ؟ للأسف !

و حقُها عِند الملك الديآن ، ستأخذُه .

شكراا على مشاركتك الرائعة صح فطورك

سلمت يمنااك

[سعاذ]

السلام عليكم
صراحة جبلي ربي لي عندهم هذي النظرة هما ناس تهمهم المظاهر برك و معندهومش بعد نظر خاطر يطلبو 20 يخلاصو يطلبو 8 يخلاصو بصح لطلبو رجال تاع الصح باخلاقو وتربيتو و سمعتو هذو لي ميخلاصوش و هذو هما ديمين واش فايدة المال اذا كانت هذي المراة كي تزوج تفطر قمية و تتغدى اهانة و تتعشى كف صح ماشي في قيمة المهر ولاواش جبلها رجلها قبل زواج ولا واش راهو يهدرلها في ليستاع
صح كي تروح لدارو و تلقاه راجل معها و مهنيها هذا هو الصح
ربي يصلح احولنا و يعطي كل واحد على قد نيتو
دمتم في رعاية الله و حفظه

[moha75]

المشاركة الأصلية كتبت بواسطة fattouna

بارك الله فيك اخي هاذي هي الهدرة الزينة

وفيك بارك الله ،
كلامك وردك كان الأجمل.
ربي يبارك فيك ويكثر من أمثالك.

[moha75]

المشاركة الأصلية كتبت بواسطة fattouna

السلام عليكم رمضان مبارك على الجميع
والله اختي الزمان لولينا فيه واعر كون متنمدش الطفلة ب خمسطاش مليووون ولا عشرين ولا يسمى ماليها رخصو بيها ولاو يفوخو بالشرط انا صحبتي تخطبت مدوها بخمسة وعشرين مليوووون وين تروح تبرح بيها ههههههه والله بالصح في الحقيقة هو الخلق والدين لشتا الشرط مصحف انا عندي كتاب ربي يغنيني على لملاين هاذوك والله يا خاوتي انا متفاهمة مع والديا بلي كيجي يخطبني ولد لحلال ان شاء الله ماكالاه يشرطو لخاطر رايح يحط مصحف فيه بركة ومنيش رايحة نهتم براي الغاشي
المهم ماشي الصح فالمال الصح الكل الدين والخلق وكيفاه رايح يكون الزوج مع زوجته وطريقة المعاملة انا خطرة حكاولي على وحدة شرطو فيها بزززززاف حتى عاد الزوج يقول انا خسرت دم فوادي باه جبتك عاد يعايرها يسمى الصح الكل مشي في الصواارد

أولا قوليلي الله يجازيك هذيك صحبتك اللي مدوها بخمسة وعشرين مليوووون ،
مشللة بالذهب ؟؟؟
صحيح تسوى 25 مليون ؟؟؟ ،
يعني جمال وطيبة وأدب وأخلاق ودين وإستقامة وشطارة ورزانة وعقالة وظرافة ؟؟؟
ولا غير بنت وخلاص،
تعرف غير التشباح ولسان فيه 02 ميترات
وما تعرف تعمل طبيخ غير فريت وربي يجيب،

المرأة عمرها ما تتقيم بالمال ،
واللي يدفع فيها مبلغ كبير يتسمى راهو شراها،

أذكر قصة لرجل تقدم لخطبة شابة ،
لكن اصطدم بغلاء المهر من طرف اهلها،
المهم راح وعمل اللي عليه وأحضر معاه المبلغ الكبير جدا المتفق عليه،
وتزوجها وراحو عاشو في المدينة نتاعوا،
الأم مثل كل الامهات انتظرت بنتها يوم ، يومين وشهر وشهرين ،
حتى قطعت اليأس وقالت لزوجها لازم نروحو نشوفوا بنتنا،
راحوا يزورو بنتهم ، دقوا الباب فتح زوج بنتهم،
قالهم شكون انتوما ، قالولوا احنا نسابك،
ياك بنتنا راهي عندك ،
قالهم اييييييييييييييه انتوما اللي بعتولي بنتكم،
بالصح راكم ندمتوا عليها ولا واش ؟؟؟،
راهي ملكي انا درك ودراهمكم راكم خلصتوهم كامل،
ما بيناتنا درك ولا دين ،
وغلق عليهم الباب،
المهم امها قاعدة تبكي عند الباب المسكينة حتى سقطت على الأرض،
ومن بعد فتحلهم وقالهم شوفوا بنتكم كيفاش راهي عايشة،
راهي اميرة في بيتها وعايشة احسن عيشة،
ومن الأول كنت راح نكرمها وندللها ونعيشها في سعادة،
وأنتم ما حسنتوش عوني ،

هذا دليل على ان العبرة مش بقيمة المهر،
العبرة في العشرة من بعد كيفاش تكون،

ممكن الرجل يقدم مهر قليل في أول الزواج،
لكن من بعد يعوضلها أضعاف مضاعفة،
أو العكس يقدمها مهر غالي،
لكن من بعد يكون شحيح عليها ويسلكها منها،

لهذا لا بد أن نرتقي بافكارنا،
وأن لا نجعل من المال أكبر همنا،

المهم والأهم هو الخلق والدين والطيبة والأصل.

ثانيا اشكرك على ردك الأكثر من رائع،
وربي يوفقك لما فيه الخير إن شاء الله.
شكرااااااااا لك وربي يكثر من أمثالك.

[ليلى زيزو]

أقلهم مهرا أكثرهم بركة
و أنا نشوف بلي المرا لي تشرط بزاف تطيح من عين راجلها و قد يؤدي به ذلك في بعض الأحيان لإحتقارها خاصة إن كان
في ضيقة مالية و لم تقف معه
ماكاش كيما القناعة و ربي قال: " يسروا و لا تعسروا"

[biti]

المشكلة ان بعض الرجال اذا عطاولو بمهر قليل يذل المراة و يستحقرها واذا طلبو مهر كبير قالك صعبو علي الله يهدينا برك

[tateb]

نعم المهر يحدد قيمه الفتاه
خير البنات و احسن البنات و اجمل البنات من كان مهرها اقل
خيركن اقلكن مهرا

[♥' سندس الفردوس ♥"]

بارك الله فيكم ♥شكراا على ردودكم الرآآآئعة

[yousra14]

السلام عليكم ورحمة الله
والله أبدا ما كان المهر يحدد قيمة المرأة والمشكل ليس هنا بل في العقول المعوقة التي تربط قيمة المراة بقيمة المهر فأنا مع مساعدة الشباب على الزواج بتيسير المهور وتكاليف الزواج والسلام عليكم

[إكليل]

و لله للأسف أن المهر عندنا أصبح يشكل مشكلة مادية و معنوية مادية للخاطب و معنوية للمخطوبة

فكثيرا ما يتشاجر أهل الخاطب و المخطوبة على قيمة المهر و الله كأنهم في سوق يبيعون و يشترون و ان الخطوبة عبارة عن جارية او بقرة للأسف على هذا اللفظ يساومون فيها كيف يشاؤون رغم ان القيمة الحقيقة و المعنوية للمهر ليست هكذا .

ومن يرضى أن يصير سلعة تباع و تشتر ى فذنبه على جنبه

[moooooda147]

في هدا الزمن فعلا اصبح المهر يحدد قيمة الفتاة اصبحت الفتاة تتاجر بنفسها من خلال المهر //انا اتكلم عن البعض فقط// لوكان جات الطفلة دير صح قيمة لروحها راي ترخص الثمن تاع المهر باش كامل يزوجو وينخفض مستوى البايرات //عذرا// في البلاد ولكن لا حياة لمن تنادي
وشكرا

[AMINA.Z]

المهر حق للمراة

و هو دليل اكرام الرجل لها

فكلما زاد المهر كلما ايقنت الفتاة ان الخاطب

يعتبرها اغلى من كل هذا المال لذلك لا يبخل عليها به

و القضية ما هي الا قضية قدرة

المهم ان لا تشترط الفتاه مبالغ خيالية لتستشعر هذا الاهتمام

فحلاوة هذا الشعور تظهر عندما يكون الخاطب هو صاحب المبادرة و ليس العكس