استفتاء حول اختيار المسابقات على اساس الشهادة ام الاختبار

[kazilo]

انا كون جاءت في يدي وافضل المسابقات على اساس القرعة يعني ندفعو دواسة وملفات ونديروهم في انفلوب وبعد يجيبو محضر قضائي ويعمل عملية الفرز ولي عنده الزهر يخدم وهكذا وفيها التزوير يحطو معارفهم 1000 مرة نوكلو ربي برك على هاته الدولة

[هاجر المدانية]

بالنسبة لمعدل السنة الرابعة في وقتنا كنا صح نقراو والأساتذة واحد من سوريا وواحد من مصر كانو صح أساتذة مزيرين الحالا 10 معدل باش جيبو يلزملك بصخ ضرك الأساتذة صغار راهم ضرك يقروني والله كارثة وزيد لي هرد الحالا الكيتمان الكوبياج داير حالا . كيفاش مايجيبوش معدل مليح ؟؟؟؟؟؟؟بصحتهم .

[fayroz1993]

يا اخي اذا نجحوا وحدين وانت تعرف ميستحقوش النجاح تقدر تطعن فالوظيف العمومي لانو الان اصبحت الامور واضحة ويقدرو يلعبوا في 3 نقاط برك انتاع المقابلة ادخل عند المفتش انتاع الوظيف العمومي وقولوا اذا راك شايف ظلم يا اخي اذا انت هذا العام كرهت واش رايك في اللي تخرج 2007 مهندس فالكمياء ومعدل 15 ومزال مخدمش ميحبسش مخك والله هو الرزاق

[" المثابرة المتأملة "]

عندي استفسار حول مسابقة على اساس الشهادة و المعايير المعمول بها مثلا سنة التخرج 2012 كم تحتسب النقطة و كذلك اذا كان المعدل 10.30 بكم تنقط

[kazilo]

عندك نصف نقطة على المعدل وليس لك اي نقطة لان سنة التخرج جديدة وزيد ليس لك خبر النقاط تحتسب بالخبرة في مدة العمل وهي 6 نقاط وفي حالت تساوي بين نقاط الممتحننين تكون للاكبر سنا

[" المثابرة المتأملة "]

المشاركة الأصلية كتبت بواسطة kazilo

عندك نصف نقطة على المعدل وليس لك اي نقطة لان سنة التخرج جديدة وزيد ليس لك خبر النقاط تحتسب بالخبرة في مدة العمل وهي 6 نقاط وفي حالت تساوي بين نقاط الممتحننين تكون للاكبر سنا

شكرا و لكن ماذا يقصد بانجاز بحوث هل المقصود بها مذكرة التخرج و ان كان نعم كيف اثبث في الملف انني انجزت مذكرة التخرج

[noussa nasnoussa]

من المفروض النقابات توصل صوت الطالب
ولتكون هناك عدالة ينبغي
50 بالمئة على اساس الشهادة و50 الاختبار
مع التقييم دون محسوبية

[nawal29]

والله عندكم الصح المعدلات راهي عالية بزاف وكيفاش يحسبو الخيرة ادا ما كاش في الملف شهادة عمل كيما في ملف نائب مقتصد رجعونا شهادة عمل وطلبو مستوى ثانية جامعي ومعدلات لي راهم عاد يقراو لحقت حتى 16 واش نقولو حنا لي متخرجين قدم انا من 2005 ومن هداك الوقت راني عقود في متوسطة وفي الاخير مكاش شهادة عمل صراحة حطمونا اي امل

[kazilo]

اين تطعن حيتنا كاملة وحنا نطعنو زمكاين والو المشكل انه لي عنده المعريفة او من الانتدائي وهو ينجح بمعدلات جيدة جدا وكي يوصل للجامعة منحكيلكش انا ولله نعرف واحد من عائلتي ابوه يخدم في لاكديمي في سنة2000 تحصل على الباك بالمعريفة وبمعدل 12 ولله خليها ربي برك المعريفة في الجزائر لادواء لها

[marouan76]

يجب ان لا يبقى معدل سنة التخرج هو الفيصل خصوصا المناصب التي تستوجب تكوين متخصص حيث ان جميع المشاركين يتساوون في المستوى

[houssem_3h]

3 برك ... مزلت جديد اصبر برك وراه يفرج ربي...

انا قبل ما نتخرج من الجامعة كنت نشارك في المسابقات مخليت وااااااااالو وااااالو..

الحماية المدنية + الدرك + الجيش + الشرطة(ضباط+مفتشين)+ مديرية التربية (مقتصد+نائب مقتصد+عون ادارة..)+مديرية التجارة (رئيس محقق رئيسي للتحققيات الاقتصادية وقمع الغش) + الادارة المحلية+ الصحة+ الاشغال العمومية (متصرف اداري)+البريد + الضرائب + المدرسة بالقليعة ... هو والله مزال خير ربي هذا وش شفيت بلا مننساو انك لازمك تسافر باه تعقب الكتابي .. تقرت .. تبسة ..بسكرة ..المسيلة ... قالمة .. سكيكدة ...ميلة.. قسنطسنة ... العاصمة .. خنشلة ....الخ.
ومتنساش المبيت من دراهمك.

والحمد ل لله ههههههههه مزال واقفبن.

[cherifa 18]

انا افضل المسابقة على اساس الشهادة
الاولوية لاقدمية في التخرج هو الي ليهم الحق اولا في العمل
و مع رفع نقطة الاقدمية في التخرج
كيفاش الي متخرج جديد يخدم وحنا لا
هذا مش عدل ابدا

[cherifa 18]

انا نفضل على اساس الشهادة
و يرفعو نقطة الاقدمية في التخرج
الي تخرج الاول يشتغل الاول
هاذ هي مش الجدد يخدمو و القدم يبقاو يشوف
واش معنتها مسابقة على اساس الاختبار مهو باين انو كلنا متحصلين على شهادة ليسانس
و فوتنا الاختبار حتى شبعنا باش جبنا الليسانس هذا تمصخير

[" المثابرة المتأملة "]

المتخرجون الجدد يشكون و المتخرجون القدامى يشكون !!!!!!!!!!!!!
شكون اللي راهم يربحو في المسابقات

[sirtayeb]

حنا في الجلفة المسابقات منسمعوش بها طول .لا على اساس الشهادة ولا الاختبار