دعوة عامة لمرتادي قسم المجتمع...ارجوا تفاعلكم

[ANWAR 11]

و عليكم السلام

المهر يكون حسب مقدور الرجل.......... و لا احد يحدده له ........يعني عيب عندنا اب العروس و واحد من اهلها يحدد قيمة معينة.......يقولوا شارطين الهنا برك.... اهل العريس هم الذين يحددون قيمة المهر
المهم اغلب قريباتي تراوح مهرهن بين 8 و 10 ملايين + طقم ذهب....
اما الجهاز و الذهب فالعروسة هي من تستكلف بشرائه لوحدها........
اقاربي من الرجال ايضا كان مقدار المهر الذي قدموه لزوجاتهم لم يتجاوز ما قلته من قبل

وفقنا الله و اياكم لما يحبه و يرضاه

[ryma la cool]

ya akhi ana men mantikatt barika andha fi lmasjedd shartoo 6 mlan 2 mlekk w 2 zhajj w hata w lahabb yzidelha haja dhabbb w fi laayla ntaana okhti aatawha b 8 w haja dhabb daralha senslaa w tkoull akhi hna kamll ****almett w karyettt besahh abi dayrr shartt ykounn rajll kari mayhamesh zawali wala metrafahhhh almohimm ****alemm y

[ryma la cool]

walahh nhirr fi ness yhaniww b mekyass ntaa 50 m w pareur w maaref weshh aalehh hadha ana nefsi khatemm shawfa w lkhotba majaboulishhh hata lemlekkkk beh darli haja dhabb besah alhamdolileehhhhhh rani fi rahmett rabii koul wahdd w niytoo

[منهاج]

السلام عليكم

عندنا جهة الغرب وهران 8 ملاين او 10 ملاين مهر والدهب والطبق والعرس على الراجل .

وخرجت عندنا عادة جديدة ممكن تكاليف العرس تنقسم على المرا والراجل كي يدير فاتحة وحنة وعرس مع بعض

هنا يكونو متفاهمين على كلشي ويكرو لاصال

[assia81]

السلام عليكم ورحمة الله وبركاته
انا بالنسبة لي لا يهمني المال ولاشي المهم ان يكون رجل ولكن مع الاسف قلّةٌ همُ!

[مبغض العلمانيين]

[QUOTE=assia81;11697669]السلام عليكم ورحمة الله وبركاته[/Q
انا بالنسبة لي لا يهمني المال ولاشي المهم ان يكون رجل ولكن مع الاسف انعدم الرجال]


ما هدا التهجم و الشتم للرجال الا تخجلي من نفسك اين هي الاخلاق و مع انك استادة و تشتمين الرجال
الرجال بكثرة و لكن يفرون من النساء مثلك احترمي نفسك يا استادة

[soso sirin]

شوف خويا لذريق حنا عندنا في الشلف مقسمينا لعرفين المحمديين و المعمريين و انا لحد الان مافهمتش هذا التقسام مين جابوه و لا اصلا علاه داروه .و حنا من جهتنا كاين الي باغيين يوصلو للمريخ بهبالهم لانو ماشي المهور غالية تقول مزاد علني كيما كاين الي مايدومونديش بزاف يقلك الهنا برك.انا مانهدرش على ولايتي لانو كل واحد و كيفاه امالا نهدر على دارنا و على الناس الي نعرفهم نيشان المهر مابين 8 حتى 12 مليون و كاين الي تتزوج ب 6 ملايين .الذهب الاب مايشرطش معنتها يخليها للراجل و ماليه هوما الي يديرو من عندهم و على حساب قدرة الراجل .عرسها ديرو وحدها حنتها محضرها ماليها يستكلفو بيه معنتها الراجل لازم يمد المهر و الذهب و خاتم تاع الخطبة و البياس مونتي نهار الفتاحة تاني يجيبها و العشى تاع نهار العقد و ماشي ملزوم باه يديرولها الا اذا هو بغى.

[السي محمد]

المشاركة الأصلية كتبت بواسطة soso sirin

شوف خويا لذريق حنا عندنا في الشلف مقسمينا لعرفين المحمديين و المعمريين و انا لحد الان مافهمتش هذا التقسام مين جابوه و لا اصلا علاه داروه .و حنا من جهتنا كاين الي باغيين يوصلو للمريخ بهبالهم لانو ماشي المهور غالية تقول مزاد علني كيما كاين الي مايدومونديش بزاف يقلك الهنا برك.انا مانهدرش على ولايتي لانو كل واحد و كيفاه امالا نهدر على دارنا و على الناس الي نعرفهم نيشان المهر مابين 8 حتى 12 مليون و كاين الي تتزوج ب 6 ملايين .الذهب الاب مايشرطش معنتها يخليها للراجل و ماليه هوما الي يديرو من عندهم و على حساب قدرة الراجل .عرسها ديرو وحدها حنتها محضرها ماليها يستكلفو بيه معنتها الراجل لازم يمد المهر و الذهب و خاتم تاع الخطبة و البياس مونتي نهار الفتاحة تاني يجيبها و العشى تاع نهار العقد و ماشي ملزوم باه يديرولها الا اذا هو بغى.

ما فهمتش الجزء الملون بالاحمر

===========

اتحدث عن نفسي و عائلتي

بنت اختي طلبو 10 ملايين فقط و الذهب حسب قدراته العرس العام القادم باذن الله

و اختي تزوجت ب 8 و الذهب من عنده لم تشرط شيء



=====
اخت صاحبي تزوجت ب 20 مليون و اخو صاحبي نفسه ب 30 مليون

[soso sirin]

المشاركة الأصلية كتبت بواسطة السي محمد

ما فهمتش الجزء الملون بالاحمر

===========

اتحدث عن نفسي و عائلتي

بنت اختي طلبو 10 ملايين فقط و الذهب حسب قدراته العرس العام القادم باذن الله

و اختي تزوجت ب 8 و الذهب من عنده لم تشرط شيء



=====
اخت صاحبي تزوجت ب 20 مليون و اخو صاحبي نفسه ب 30 مليون

بياس مونتي لاتاغت الي يجيبوها نهار الفاتحة كي يجي يدير الخاتم .و نهار ايعقد تاني كاين الي يجيب العشا للعروسة حنا ماعندناش مي نهار عقدت اختي جابلها راجلها مع انوقاتلو لالا قالها حنا في عاداتنا لازم يجيبو و حنا يقولو في عاداتنا ماياكلوش مي الصح حنا درنا العشا و كليناه و مازالنا حييين ههههههههههه.عادات تاع العجب

[khadouj_1985]

السلام عليكم
و الله اسمحولي الناس قتلتهم المادة انا نعرف شخص حط مهر 17 مليون تعرفوا واش قالوا الاب ..... اسمعوا قالوا كملي 3 ملايين انا بنتي ما تسواش غير 20 مليون
الخمد لله هو راجل راح عندوا قالو شد بنتك عندك لزكان جات اعزكم الله بقرة ما تساومهااااااااااااااااااش
يا ناس اتقوا الله و الله حرااام هذا الشي الي راه يصير تبعوا العرف 10 ملايين براكات و زيادة و بركاو من التفاخر و اللي عندوا يستر روحوا علاه الزوالي مسكين رايح في الجرة و انتم يا شباب تفاهموا مع زوجاتكم راه الامر بسيط و اللي فيها الخير و الله ما تتشرط و الله الهناء و العشرة بالحسنى هي الصح و نحكوا على ازمة عنوسة لا يغير الله ما بقوم حتى يغيروا ما بانفسهم و لا حول و لا قوة الا بالله.

[خولة لبابة]

غبت لمدة ساعتين و نصف..........و كتب موضوع.......و هناك ردود كثيرة......ههههه
المهم فيما يخص الموضوع.........في ولايتنا نحن القبائل......على المرأة أن تشتري لنفسها لباس و ذهب و كل ما تقدر عليه......المهر عندنا يضعون مليون.....و ياخذ والد العروس 100 دج أو 200 دج كيما يحب......لكن هناك تفصيل......يجب على العريس أن يشتري للعروس بعض الثياب على حسب قدره......و يشتري لها خاتم ذهب و عقد على حسب ما يقدر........لكن عليه أن يشتري شمبار أكوشي.....المسكين.....و العرس يتم.....الكسكس و الحلويات و اللحم كل هذا الشيء....غالي.......و سأكتب موضوع مستقل سأحكي لكم قصة أحدهم هنا في قريتنا ماذا فعل ستضحكون منه كثيرا........
و انا أطلب من الله جل و علا أن يرزقني بالزوج الصالح التقي.....اللذي ينهضني لاصلي قيام الليل....و اللذي يرشدني اذا أخطات و يصحح أخطائي.....اللذي يعلمني الكثير عن ديننا الحنيف......و اذا أكرمني الله بهذا الزوج الصالح......فأنا لا احتاج لا ذهب و لا شيئ آخر.....و لو يقبل الفاتحة و تكفي.....حتى الذهب لن اشترط عليه....الا خاتم الزواج........ههه.....الله يرزقنا ما نتمنى..........و آسفة على كلامي.......
احترامــــــــــــــــــــــــــــــــايت لكم جميعا.........

[سعاذ]

السلام عليكم
كيما نقول حنيا شرط في الولاية تاعنا مابين 8 و 13 مليون اما بالنسبة للعايلة تاعنا الشرط بين 8 الى 10 و في العايلة تاعنا اهل عريس هما لي يحدد شرط على حساب مقدورهم و لا محبوش يحطوا يحطوا شيخ لي يفتح وحنيا عندنا بركة تاع عايلة تاعنا و هو امام ديما في اغلب هو لي حدد الشرط + الرجل لازم يجيب لملاك على حساب مقدورو و نهار يفتحوا يمد على حساب مقدوروا باش اهل عروس يديروا لعشاء بالاضافة انوا يمد حق السميد و الزبدة و خضرة و تاني يجيبوا كبش و هذوا كامل لاحب مايديرهمش اهل عروس ماينطقوش لشتا كلمة و مايشرطوا حتى شرط
اما لعروسة عندنا تدي من عند باباها البقرة و بنتها سنتورة مكرشيا لي ماتسواش خلاص تسوا 40 مليون و زيد ذهب لوخر تقدر تقول تدى حوالي 100 مليون ذهب زايد لمطارح و شويا حوايج تاع كوزينا و حوايج تاع سالوا و هى لي لازم تجهز روحها
تقدر تقول بلي لعرس تاع طفلة يكلف اكثر من تاع الرجل
ربي يرزق بنات المسلمين ازواج صالحين
و ابناء المسلمين زوجات صالحات
دمتم في رعاية الله و حفظه

[mohamed160]

سلام عليكم ربى يقدارنا برك لان المراء الصالحة ما تسوى بالمال

[محمد جديدي التبسي]

طاح المورال
راهي في جوايه 30 مليون في المتوسط
الله المستعان

[soso sirin]

المشاركة الأصلية كتبت بواسطة محمد جديدي التبسي

طاح المورال
راهي في جوايه 30 مليون في المتوسط
الله المستعان

مايطيح المورال ماوالو كاين شي عايلات يشرو الراجل و انا عارفة واش نقول والله مايشرطو لا دراهم لا ذهب لا دار لا لاصال لا طيارة تروح تجيبها فيها يقولولك الهنا و هذا اصعب حاجة في الدنيا لانو الوحدا اذا تزوجت براجل تاع صح دراهم الدنيا كامل يجيبهملها حتى لعند رجليها و الي تزوج بذكر الدراهم الي دفعهملها كامل تحسهم حبل راهي تجيف بيه كل يوم.امالا اتكل على ربي و ربي يرزقك بالزوجة الصالحة المهم خليها مهنية برك