خبز الشعير من مطبخي .وفوائده الصحية من النت - الصفحة 2

ام راضية · 2012-09-26, 11:59

اقتباس:

المشاركة الأصلية كتبت بواسطة أم ياسين الزهراء

احنا هذي طريقتنا نسخنو الماء حتى الغليان ونحطو الدقيق والملح برك وبمغرف تاع الحطب طبعا الماء يغلي نفرغو على الدقيق ونخلطو ونغطوه ونخلوه هو الافل مدة 5 سوايع ومافوق ومنبعد مايريح العجين نجيبو جفنة ونعجنوه بلا مانقطعو العجين ودايما يدينا مبلين في الماء ونعملو كرصات مايكونوش رقاق بزاف وماتنسايش يديك في الماء وحطي في الطاجين سخون بزاف وماتقلبيش الكسرة حتى طيب

نفس الطريقة اختي ام ياسين غير احنا نبسوها مش ما تجيج يابسة
انا طيبتها في الكويزينيار

Basketteuse · 2012-09-25, 14:23

راني وليت انشاءالله نفيدكم عندنا نوعين من الكسرة بالشعير
اولا الحرشاية : دقيق وشوي زيت ملح وماء ونلمها ثم نطيبها .... تجي قاسية نوعا ما
اما المخمرة : فتتكون من دقيق وملح نضيف اليه ماء ساخن ونتركها تتشرب عدة ساعات طبعا حسب خبرة كل وحدة كاين اللي تتركها ساعة فقط وتقدر تلمها .......من بعد تلمها وتطيبها بنفس الطريقة المذكورة من طرف الاخت ام ياسين الزهراء.... وهذه تجي طرية اكثر من النوع السابق

ام راضية · 2012-09-26, 12:00

اقتباس:

المشاركة الأصلية كتبت بواسطة Basketteuse

راني وليت انشاءالله نفيدكم عندنا نوعين من الكسرة بالشعير
اولا الحرشاية : دقيق وشوي زيت ملح وماء ونلمها ثم نطيبها .... تجي قاسية نوعا ما
اما المخمرة : فتتكون من دقيق وملح نضيف اليه ماء ساخن ونتركها تتشرب عدة ساعات طبعا حسب خبرة كل وحدة كاين اللي تتركها ساعة فقط وتقدر تلمها .......من بعد تلمها وتطيبها بنفس الطريقة المذكورة من طرف الاخت ام ياسين الزهراء.... وهذه تجي طرية اكثر من النوع السابق

مشكورة علي التوضيح

asma biologiste · 2012-09-25, 15:22

شكرا لك حبيبتي

ام ملاك. · 2012-09-25, 17:22

يعطيكم الصحة والله شهتوني عندي بزاف ماشفتهاش هاد النوع نتاع الكسرة العام اللي فات شريت سميد نتاع العير وماعرفتش كيفاش نديرو ولا نطيبو قكل مانطيب ماتنجحليش واعر باه يتلم
قعدلي سميد حتان خسر ورميتو خسارة
اعطوني وصفة اللي تكون سهلة وطريقة القديمة

polyma · 2013-03-24, 08:19

chokrane na9dro na3mloha fi conginatore kole manadjabdoha naskhnoha wa lala

أم ياسين الزهراء · 2012-09-25, 19:46

حنونةطريقتي هي القديمة وهي صح واعرة بصح غير بلعقل وكيما قتلك كل مرة شمخي يديك وعلى فكرة لوستي تحل القرصة فوق صاشي تاع الخطفات او الديول

ام ملاك. · 2012-09-26, 15:36

وليتلكم
يعني مانقدروش نديرولها زيت الداخل غير بالما والملح؟

ام راضية · 2012-09-27, 16:19

اقتباس:

المشاركة الأصلية كتبت بواسطة مونية ك

وليتلكم
يعني مانقدروش نديرولها زيت الداخل غير بالما والملح؟

يا اختي انا نديرلها الزيت

الحركاتية · 2013-03-24, 11:35

يعطيك الصحة أم راضية

أحنا ثاني نسميوها كسرة الرغدة وتصنع من دقيق الشعير وهو صحي للغاية ونخبزوها بنفس طريقتك ممكن نضيفولها شوية زيت ولا أثناء الخبز نفرشو الزيت وندهنوها من الوجهين ونحطوها في الطجين .
وبها نقدرو نعملو الرفيس ويجي هاااااااااايل : نفتتو الكسرة بعد ما تطيب ونضيفولها الغرس محلول في الزبدة ونعجنو كما الرفيس الزيراوي
وثاني نفتلو بدقيق الشعير كسكس احنا نسموها بربوشة وتكون خشينة على البربوشة تاع دقيق القمح وتتفور عادي وتسقى بحليب البقرة ولا مرق أحمر وحده أو خليط من حليب البقر وقليل من المرق الأحمر بلحم الضان المجفف ( الخليع ) أو القديد تجي روووووووووووووووعة وقد ماتاكلي ماتشبعيش لأنها خفيفة على المعدة والأمعاء

أنواار الإيماان · 2013-03-24, 12:02

رااااااااائعة فعلا صحية جدا