أيهما تفضل أن يخدمك في ...؟ - الصفحة 2

مريم الصابرة · 2012-09-18, 17:47

السلام عليكم اخي شكرا على الموضوع نقولك بكل صراحة
فالمستشفى او فالإدارة زهري مع الرجال حسن المعاملة الطيبة والرقة وحتى صدقني بلا اغراض دنيئة لا والله الحق يقال لكن ربي يلاقيني باللي يساعدوني
النسا يا حسراه خويا مراد واش نقولك نظل نحكي وما نكملش ديجا صباح الخير تقولهالك هذا إذا ردت السلام تحسب إنت راح تضربك علاه لأانو مرا كيما هي لو راجل تشوف تبسيمة الله الله والإستقبال وهي تسقسيه واش يحتاج
انا نقول فالخدمة بالنسبة ليا الرجل حتى هنا فالمنتدى الشباب احسن فالرد وحتى نختلفو في امور لكن النسا حاشا اللي ما تستهالهاش وما يزعفوش مني كلهم عزاز عليا راني نقول البعض كاين اللي يا لطيف كلام سم كالأفاعي ربي يبعدهم عليا شكرا اخي بارك الله فيك موضوع مهم شكرا

~~knives55~~ · 2012-09-18, 17:51

المراة احسن من الرجل في امور ادارية المراة تحب اتقان عملها لكن ليس كل نساء في ادارة في بعض الحيان قد تجد مراة تشبة المومياء تتكبر وترفع في صوتها يعني معقة نفسيا

redonne · 2012-09-18, 18:02

المربي من عند ربي كما ان الراي الذي يقول المرا تهدر مليح مع الراجل والراجل يهدر مليح مع المرا فيه الكثير من الصواب مع وجود استثنائات

BAROUD · 2012-09-18, 19:27

بالنسبة ليا نخدم ف ادارة اي واحد نستقبلوا كما يحب المهم يخرج فرحان
اما اللي يستقبلك امليح كما قالوا كل واحد كفاش تربئ و علئ واش ناض

soha1987 · 2012-09-18, 20:18

انا نحب مراة هي لي تقضيلي حاجتي وعلى طريقة المعاملة مايهمنيش لا حبت تشنف ولا تموت مايهمنيش اما باش يقضيلي راجل شوية لانو كامل الرجال يحبو يشيخو كي يشوفو مرا انا هادي مانحبهاش ملا مرا خير وان اكون نلقا يديرو المرا تتعامل مع النساء والراجل مع الرجال وتكون في جميع القطاعات هكدا خير

morad81 · 2012-09-18, 20:53

اقتباس:

المشاركة الأصلية كتبت بواسطة soha1987

انا نحب مراة هي لي تقضيلي حاجتي وعلى طريقة المعاملة مايهمنيش لا حبت تشنف ولا تموت مايهمنيش اما باش يقضيلي راجل شوية لانو كامل الرجال يحبو يشيخو كي يشوفو مرا انا هادي مانحبهاش ملا مرا خير وان اكون نلقا يديرو المرا تتعامل مع النساء والراجل مع الرجال وتكون في جميع القطاعات هكدا خير

صحيح و هو الحل الأمثل لكن من يسمع ....تبقى الصدف ترهن مصالحنا .