تعداد الزوجات...هل هو الحل الامثل لمكافحة العنوسة

[arbodar]

المشاركة الأصلية كتبت بواسطة soso sirin

هي مكانش امراة تقبل راجلها يتزوج عليها و حتى و يكون راح يعدل هاذي طبيعة المراة لانو غيورة بزاف هي تغير من يمات الراجل امالا كيفاه راح تقبل بوجود امراة اخرى و حتى و يبقى مليح معاها و زاد المراة في هذا الموضوع مايهمهاش كلام الناس يهمها روحها برك لانو مادام خمم في مراة وخدخرى معنتها كاين حاجة هي ماقدرتش توفرها لراجلها ربي صح و رانا مامنين انو ذكر التعدد مي في حالات ماشي الراجل كي راسو يضرو و لا يكون فارغ يخمم يتزوج .المراة الي تعرف بلي راجلها راه يخون فيها و مادير والو و كي يقلها بلي راح يتزوج دير هيلولة تستاهل باه يرجموها لانو الي تقبل خيانتها ليه نوغمالمو تفرح بزواجو لانو علاقة في الحلال و لا عشر علاقات في الحرام.التعدد هوامر رباني هو حلال لكن في حالات و لا يجب التعميم مي الخيانة موضوع اصلا لا يمكن مناقشة فاعلها .و من تقبل بخيانة زوجها و تتستر عليه و تقول يدور يدور التالية تاعو يرجعلي انا من عندي غير تروح تموت خير لانو هي و هو كيفكيف

تعقيب فقط اين ذكر الله حالات؟
لم يتزوج الصحابة على زوجاتهم لعيب فيهن!
ليس شرط ان يكون عيب بزوجته كي يحل له الزواج
هذا فقط للتعقيب على ما قلته
لكن ارجع لاقول انا لست ممن يريدون التعدد و انا اقدر ان المرأة تغار على زوجها و اعلم انه صعب عليها ان تتقبل هذا
و انا ارى ان افتح بيت واحد و العمل على ملئه بالسعادة افضل لي من ان افتح بيوت مليئة بالمشاكل
الله يرزقنا الزوجة الصالحة ان شاءالله

[عربية الهوية]

طبعا اقبل اختي
ممكن ندير شرطي يتزوج اخرى

[djazia94]

المشاركة الأصلية كتبت بواسطة عربية الهوية

طبعا اقبل اختي
ممكن ندير شرطي يتزوج اخرى

شرطك
بصح وعلاه

[عربية الهوية]

المشاركة الأصلية كتبت بواسطة djazia94

شرطك
بصح وعلاه

انامعنديش اخت
هذي هيا فرصتي كي يتزوج زوجي لامراة اخرى نديرها اختي

[سارة 64]

المشاركة الأصلية كتبت بواسطة عربية الهوية

انامعنديش اخت
هذي هيا فرصتي كي يتزوج زوجي لامراة اخرى نديرها اختي

أثارني الموضوع وتصفحت كل الردود منها من سايرها رأيي و منها من كانت مبالغ فيها أما عن البحث في القدوة فانتركه جانبا لأنه ولا زوج اليوم يشبه الصحابة رضي الله عنهم فما بالك الرسول صلى الله عليه وسلم..أما رأي أختي عربية هاوية فذكرني بصديقتي التي زوجت زوجها بامرأة أخرى بعد 25 ..فالزوجة الثانية هداها الله توصلت للطعن في شرف الزوجة الأولى حتى طلقها زوجها و هي الآن تعيش مع اخوتها في مذلة بعد أن كانت معززة مكرمة ..آه يا زمن و من واقعنا الكثير ...أنا ضد هذه الزيجة 10000000في 100

[__الهاوي__]

المشاركة الأصلية كتبت بواسطة سارة 64

أثارني الموضوع وتصفحت كل الردود منها من سايرها رأيي و منها من كانت مبالغ فيها أما عن البحث في القدوة فانتركه جانبا لأنه ولا زوج اليوم يشبه الصحابة رضي الله عنهم فما بالك الرسول صلى الله عليه وسلم..أما رأي أختي عربية هاوية فذكرني بصديقتي التي زوجت زوجها بامرأة أخرى بعد 25 ..فالزوجة الثانية هداها الله توصلت للطعن في شرف الزوجة الأولى حتى طلقها زوجها و هي الآن تعيش مع اخوتها في مذلة بعد أن كانت معززة مكرمة ..آه يا زمن و من واقعنا الكثير ...أنا ضد هذه الزيجة 10000000في 100

لقد ردد على هذه المشاركة بموضوع جديد، فأرحب بمناقشاتكم

[djazia94]

المشاركة الأصلية كتبت بواسطة عربية الهوية

انامعنديش اخت
هذي هيا فرصتي كي يتزوج زوجي لامراة اخرى نديرها اختي

يا سعدها اللي تكون ضرتك
بصاح بالاكي ماشي كيما تخممي انتيا تخمم هي
لوكان تكون عندك جارتك والا صديقتك اديريها كي اختك بالاك خير
على كل حال
الى حين يتزوج زوجك
ديريني ان اختك مع جميع بنات المنتدى

[ابوايهاب]

-النساء وشروطهن

- والرجال وشروطهم

[kole-8]

الحمد لله
التعدد هو وسيلة لحل العديد من المشاكل و شريعة الله لو عدنا الى تعدد النبي لوجدنا كل تعدد حل من الحلول و لكم في رسول الله اسوة حسنة
اما المشكل المطرو عندنا له اوجه عديدة
منها ما هو المتعلق بنا نحن و قلة علمنا بالمنطق الرباني
منها ماهو مادي يعيق الوصول الى هده الغاية
و منها ماهو اداري ملزم
و منها ماهو مجتمعي ....
هل المجتمع يفقه التعدد و الدور الدي يخدمه كلا لن ترضي الزوجة بالثانية الى على جثتها كما يقال لكن ايضا هل قبلت السيدة عائشة مثلا السيدة زينب المشكلة نفسية
التعدد كالفظ غير مستساغ في الاوساط النسوية لكن هل نقف هنا هنا يأتي دور العلماء و اهل العلم لطرح هده القظية من الجانب الدي به يمكن ان يقنع
لمادا لاتقبل المرءة مرءة ثانية ................ ’ة
لمادا لا يمارس الرجل حقه في التعدد..........ة
فهناك من ترضى ان يكون زوجها له علاقة و لن ترضى ان يتزوج اللهم هدا منكر
المشكل يحتاج الى فهم و علم و قوة في التنفيد
و الا تبقى دار احمد على حالها

[roumaissa-issou]

rani nakra f les reponses w nchouf 3odwat ya3ni nsa w ykolo ta3adod mlih w nakablo
hakikatan hasbi alah w ni3ma lwakil
mayhas bal jamra ghir likwato
ya okhti ki ytzawaj 3lik oumba3d arwahi lal moutada w koli sahal
3labali hadi haja darha rabi mé est ce que rajal al jazayri kadar
puisque dok yedi m dine lihab w ychoufha tokhraj 3lih weli matsa3douch ynsaha donc machi kadar
wana nkol haja bark hna f alger entre rahi tsra dahira
w hiya 50% men lbnat ta3 l ikamat 3andhom nadariya .......... L.homme w diplome
w yjiw ytabkoha m3a rjal mzawjin (kayen draham
w ykharbo dar wahdokhra
hada machi hram

[roumaissa-issou]

wlh ghir hram almwatin ljazayri w yemah w khwatou yhagro l mra ...............................haja ma3rofa ila men rahima rabi
w yzid ytzawedj 3liha w ydalha w ydire la differance bin l kdima w djdida
w djdida t3ich fi na3im w lkdima fi jahim surtou surtou et surtou liytzawaj 3liha f sar
kholasat l kawl ata3adod hlal mé wach raho ysra hram
w hmd hmd hmd lhsab kayen w rabi ykalas w loukan nhkilkom 3la lwaka3 3la hkayat 3la wach sah raho sari wlh ghir tbko wlh

enfin............salam

[ميرثا]

السلام عليكم
هو كل واحد وقناعتو وقدرتو
لكن انا اظن لو يقبلها لامو او اختو او حتى بنتو سيقبلها لزوجتو

والله المستعااااااااان

[MIWAKE]

يعني هكذا ما حليناش مشكل العنوسة بما انه الفئة العانسة تبقى بلا زواج بكل حال
بارك الله فيك هذا و اش حبيت نبيين من خلال الاجابة

[arbodar]

المشاركة الأصلية كتبت بواسطة miwake

يعني هكذا ما حليناش مشكل العنوسة بما انه الفئة العانسة تبقى بلا زواج بكل حال
بارك الله فيك هذا و اش حبيت نبيين من خلال الاجابة

و فيك بركة اخي

[AyOuB0587]

الاشكال ان الزواج بواحدة وصعب
فما ادراك بالتعدد!
المشكل اقتصادي مادي بحت!!
وكذلك العقليات المادية المسيطرة