اسمع حكاية بلهجتي .... - الصفحة 15

novateen · 2012-04-30, 12:55

اقتباس:

المشاركة الأصلية كتبت بواسطة hayder07

جاءك الفرج نوفاتين هذه لوحة مفاتيح عربية على النت
https://www.arabic-keyboard.org/

مشكور أخي خلاص راني لقيت الحل كان عندي بصح أنا ماعرفتش كيفاش نخرجها
جازاك الله خيرا على اهتمامك ومرورك الدائم
تحياتي

amina derrez · 2012-04-27, 14:02

رووووووووووووووووعة

novateen · 2012-04-30, 12:56

اقتباس:

المشاركة الأصلية كتبت بواسطة amina derrez

رووووووووووووووووعة

شكرا على مرورك واهتمامك بالموضوع

hayder07 · 2012-05-03, 10:07

هذي حكاية لقيتها عندنا في المنتدى

اقتباس:

الحكايات الخرافية "الطامة أم سبعة روس"

خطاب الحكاية الوظائف
الوضعية الافتتاحية
كان واحد الراجل ماخذ زوج نساء جابولو في نهار واحد زوج ذراري تقول توام خلقة فريدة، يا ما تخلق
- ماتت أخرى، وبقات أخرى.
ترباوا هاذوك الذراري و كبروا
- كي كبرو عادو يصيدو مع بعضاهم
يلبسو كيف كيف، خيلهم كيف كيف
سلاقهم كيف كيف، سيوفهم كيف كيف
-المرا ما عادتش تعرف من بنها من بن المرا الميتة
- راحت للدبار، قاتلو:" ياالمدبر.. دبر علي ..
هاو ما صار.. هاو ماصار.. ابني و بن ضرتي
كيف كيف وما عرفتش من ابني ومن بن ضرتي
قال لها:" روحي كي توقتي عليهم موليين من الصيادة، كحلي عينك وحلي حزامك وارقدي وديري روحك مريضة راه ابنك يجي يجري ليك
وبن ضرتك يبقى لخر
- واسات واش قال لها الدبار. هما جاو وهي فرشت وكحلت وحلت حزامها ورقدت ودارت روحها مريضة جاء بنها يجري وبن ضرته بقى لخر علمت بنها.
- هي علماته وهي في صبحتها بدات توكل سلاق بنها الماكلة لمليحة
وهذاك تعطي لسلاقه النخالة وتعطي لعود بنها القورط والشعير ولعود لاخر التبن
بنها توكلو كسرة القمح والدهان ولاخر تعطيه المقلوبة ، الكسرة نتاع الشعير تعطي لبنها خير من بن ضرتها فهم بن ضرتها وحزن
- واحد النهار قال لخوه " أنا هاني رايح نرفد روحي من هذي البلاد هاك أدي العود والسلاق. حلله.. حلله.
- قالو أبدا خلاص ما بقالي قعاد في هذاالبلاد
- هاني نغرس مطرق في هذا المضرب كي تجيه إذا لقيتو خضر هاني حي وإذا لقيتو يبس هاني مت
-ودع خوه وراح هذاك الطفل نقل روحو مشى ، مشى. لهون، لهون.. لهون..
-حتى لحق عند وحد العجوز. قال لها:اعطيني الماء نشرب ونتوضأ".خششاتو وفرحت بيه. جابتلو الماء في الفنجال.قال لها:" لاه تجيبيلي الماء في الفنجال هذا نتوض بيه. قاتلو "يا ابني رانا نشربو غير
في الفنجال راه كاين طامة عندها سبع روس مغطيه العين وراه ما تفتحها حتى نعطوها طفلة تاكلها، وجفنة بربوشة واليوم راهي الدالة انتاع السلطان راه هو لي يدي بنته مكتفة وجفنة بربوشة"
قال لها:" يعني لو كان نقتل هذي الطامة السلطان يعطيني الطفلة هذي نزوج بيها
قاتلو:" يعطيها لك". قال لها وريهو لي وراتهولو
راح ليه لقاه مديها. قال له هذي لاه مكتفهاوهذي الجفنة وين مديها.
قال له راني ماديهم للطامة أم سبع روس باش تاكلهم وتخلينا الماء باش نشربو من العين
قال له " وكان نقتل هذي الطامة تعطيني هذاالطفلة نتزوج بيها؟ قال له:"نعطيهالك ونعطيك نص المحكمة
اداو الطفلة والجفنة للعين
- هو ولاوا وهو بقى مع الطفلة. طولت الطامة ما خرجتش جاء في حجرها ورقد هي حست بالطامة خارجه، وهي بكات طاحت دمعة من دمعاتها على خده، حرقاتو. ناض، شاف الطامة
قال لها:" ويناه لي يضرب لول يا طامة؟
قالتلو" اضرب انت لول" يضرب هويطيح لها راس، تضرب هي تطير لو قندورة
هو لابس سبع قنادر يضرب يطيح لها راس تضرب هي تطيرلو قندورة.حتى طيرلهاروسها السبعة.
-حل كتاف الطفلة تخلط الماء بدم الطامة
وزوجوه بهذيك الطفلة واعطاوه نص المحكمةونص البلاد وخوه الآخر كل ما يروح للمطرق يلقاه زايد غير يخضار.

novateen · 2012-05-03, 13:13

اقتباس:

المشاركة الأصلية كتبت بواسطة hayder07

هذي حكاية لقيتها عندنا في المنتدى

حكاية شابة بزااااااااف جات في وقتها
مافهمتش بعض الكلمات كيما "سلاق"
بارك الله فيك أخي حيدر على الحكاية وعلى اثراءك للموضوع
ننتظر المزيد فلا تبخل علينا

hayder07 · 2012-05-03, 13:22

اقتباس:

المشاركة الأصلية كتبت بواسطة novateen

حكاية شابة بزااااااااف جات في وقتها
مافهمتش بعض الكلمات كيما "سلاق"
بارك الله فيك أخي حيدر على الحكاية وعلى اثراءك للموضوع
ننتظر المزيد فلا تبخل علينا

السلاق جمع كلمة سلوقي وهو نوع من انواع الكلاب
شكرا جزيلا

novateen · 2012-05-06, 20:11

اقتباس:

المشاركة الأصلية كتبت بواسطة hayder07

السلاق جمع كلمة سلوقي وهو نوع من انواع الكلاب
شكرا جزيلا

راني فهمت نعرف السلوقي
مشكور أخي حيدر على اهتمامك

عآشقة غزه · 2012-05-03, 12:01

والله غير حكايات شابين ربي يحفظكم

hayder07 · 2012-05-03, 16:25

هذه بعض الامثال الشعبية الجزائرية التي تعتبر اسلحة دمارشامل تستعملها الكنات و العجائزفي الحرب العالمية المشتعلة منذ دخول الكنة الى البيت

العجوز وهي تستفز الكنة بينما تقوم الاخيرة بشغل البيت ( الله لا يخليني لليدين الله يخليني غابة والناس حطابة ) ""تقول ربي يخلي لي صحتي واقوم بشغل البيت و اساعد الناس"" مع ان الكنة هي التي تقوم بالشغل
- نجحت العجوز في استفزاز الكنة لكن الكنة قالت ( باينة الشقة على حواشيها )
""الكنة تقول واضح جدا""العجوز ترد ( اضحك يا فمي على همي ) ""العجوز تشكي همها من كنتها هههههه ""
- الكنة صح معاك حق ( هم يبكي و هم يضحك )"" تضحك و تقهقه ههههههههههههههههههههههههههههه""
- العجوز ( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم )"" تتهمها بالجنون""
-بعدما تخلص الكنة شغل البيت تتزين وتخرج لتغيظ العجوز( خصك السواك يا معوجة الحناك )""تقصد تقوللها انت اصلا لا تصلحين للتزيين""

- تقابل العجوز مراتها وتحاول تحسن مظهرها ...
- الكنة ( سيدي مليح خصو الهوى و الريح ) ( اللي فاتو وقتوا ما يطمع في وقت الغير )
- العجوز ( الدنيا بالوجوه والاخرة بالفعايل )
- يدخل الزوج تعبان من العمل و يلاقي المشاكل . كل واحدة تحكي روايتها .قال لهما (كي سيدي كي لالا )"" يعني وجهان لعملة واحدة وهي الازعاج

منقوووول

novateen · 2012-05-06, 20:13

اقتباس:

المشاركة الأصلية كتبت بواسطة hayder07

هذه بعض الامثال الشعبية الجزائرية التي تعتبر اسلحة دمارشامل تستعملها الكنات و العجائزفي الحرب العالمية المشتعلة منذ دخول الكنة الى البيت

العجوز وهي تستفز الكنة بينما تقوم الاخيرة بشغل البيت ( الله لا يخليني لليدين الله يخليني غابة والناس حطابة ) ""تقول ربي يخلي لي صحتي واقوم بشغل البيت و اساعد الناس"" مع ان الكنة هي التي تقوم بالشغل
- نجحت العجوز في استفزاز الكنة لكن الكنة قالت ( باينة الشقة على حواشيها )
""الكنة تقول واضح جدا""العجوز ترد ( اضحك يا فمي على همي ) ""العجوز تشكي همها من كنتها هههههه ""
- الكنة صح معاك حق ( هم يبكي و هم يضحك )"" تضحك و تقهقه ههههههههههههههههههههههههههههه""
- العجوز ( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم )"" تتهمها بالجنون""
-بعدما تخلص الكنة شغل البيت تتزين وتخرج لتغيظ العجوز( خصك السواك يا معوجة الحناك )""تقصد تقوللها انت اصلا لا تصلحين للتزيين""

- تقابل العجوز مراتها وتحاول تحسن مظهرها ...
- الكنة ( سيدي مليح خصو الهوى و الريح ) ( اللي فاتو وقتوا ما يطمع في وقت الغير )
- العجوز ( الدنيا بالوجوه والاخرة بالفعايل )
- يدخل الزوج تعبان من العمل و يلاقي المشاكل . كل واحدة تحكي روايتها .قال لهما (كي سيدي كي لالا )"" يعني وجهان لعملة واحدة وهي الازعاج

منقوووول

هههههههههه فعلا أسلحة الدمار الشامل

novateen · 2012-05-06, 20:20

اقتباس:

المشاركة الأصلية كتبت بواسطة امنيات 33

فكرة جيدة شكرا

اقتباس:

المشاركة الأصلية كتبت بواسطة امنيات 33

سوف اكتب القصص التي اتدكرها قريبا ان شاء الله

رانا نستناو ما طوليش

حور2 · 2012-05-05, 17:32

فكرة جيدة شكرا

حور2 · 2012-05-05, 17:33

سوف اكتب القصص التي اتدكرها قريبا ان شاء الله

hayder07 · 2012-05-07, 22:49

اقتباس:

المشاركة الأصلية كتبت بواسطة امنيات 33

سوف اكتب القصص التي اتدكرها قريبا ان شاء الله

رانا نسناوك

novateen · 2012-05-08, 20:04

قصّـة مُؤثّـرة ..!!

شاب كبر على فعل المعاصي .. تزوج امرأة صالحة جابتله له مجموعة من الأولاد من بينهم ولد أصم أبكم .. هدي الأم دارت قاع مجهودهاباش تربي هاد الولد تربية صالحة فعلمته الصلاة والتعلق بالمساجد ملي كان صغير .. كي كبروصار عنده سبع سنين صار يشوف كيفاش أبوه مازال على معصية و انحراف ومنكر.قرر هاد الطفل الصغيريقدم النصيحة بالإشارة لوالده باش يبطل عن المنكرات وويقوم للصلاة بصح ولا فائدة..
وفي يوم من الأيام جاء هاد الطفل وصوته مخنوق ودموعه تسيل ووضع المصحف قداام والده وفتحه على سورة مريم ووضع أصبعه على قوله تعالى " يا أبت إني أخاف أن يمسك عذاب من الرحمن فتكون للشيطان ولياً " ، وأجهش بالبكاء .
فتأثر الأب لهذا المشهد وبكى معه .. وشاء الله سبحانه أن تتفتح مغاليق قلب الأب على يد هذا الابن الصالح .. فمسح الدموع من عيني ولده ، وقبّله وقام معه إلى المسجد .

هذه ثمرة صلاح الزوجة
حكاية منقولة ومتصرف فيها للأمانة (كتبت من الفصحى الى الدارجة)
نتمنى تعجبكم
سلام